30/10/2015 00:01 GMT+7 Email Print Like 0

ນັກບົ່ມເຜາະສ້າງນັກເຕະບານຍິງຫວຽດນາມ

ຊາວກວ່າປີຜ່ານມາ, ລຸງ ເຢືອງຄັກກຽມ, ອາຍຸ 68 ປີ ໄດ້ເປັນ ຄູຝຶກໂດຍບໍ່ມີຄ່າແຮງງານໃຫ້ແກ່ທິມນັກເຕະບານຍິງຂອງບ້ານຫງຽມຊວຽນ, ເມືອງ ເທື່ອງຕິນ, ຮ່າໂນ້ຍ. ຈາກບັນດາບົດຮຽນຂັ້ນເລີ່ມຕົ້ນພາຍໃຕ້ການສິດສອນ ຂອງລຸງ ກຽມ, ໄດ້ມີຫລາຍນັກເຕະບານຍິງທີ່ມີຄວາມສາມາດຫຼາຍຄົນໄດ້ປະກົດຂຶ້ນ ແລະ ກາຍເປັນນັກເຕະບານດີເດັ່ນຂອງທິມບານເຕະຍິງຮ່າໂນ້ຍ ແລະ ທິມ ຊາດຄື: ນາງ ຫງວຽນທິລີ້, ນາງ ຫງວຽນແທງເຮື່ອງ, ນາງ ໂດ໋ ຈາງ, ນາງ ຟ້າມທຸຈາງ, ນາງ ຟ້າມຫາຍອຽນ ແລະ ຜູ້ອື່ນໆ.
ໃນ​ນາມ​ເປັນ​ນັກທະຫານຄົນໜຶ່ງທີ່ໄດ້​ພັກ​ຜ່ອນກັບຄືນບ້ານ, ລຸງ ເຢືອງຄັກກຽມ ​ອາ​ດີດຮັກສາຕຳແໜ່ງເປັນຮອງຫົວໜ້າຄະນະ ກິລາຂອງຕາແສງ ຫງຽມຊວຽນ. ຕາແສງມີ​ຈຸດ​ປະ​ສົງຢາກຈັດຕັ້ງ ການແຂ່ງຂັນກິລາ, ​ລູງໄດ້​ຖືກມອບ​ຫມາຍໜ້າທີ່ເປັນຜູ້ຈັດຕັ້ງ​ປະ​ຕິ​ບັດຕົວ​ຈິງ ແລະ ​ຄົ້ນ​ຄິດ​ປະເພດກິລາທີ່​ມີ​ລັກ​ສະ​ນະ​ຄຶກ​ຄື້ນ ແລະ ທັງ​ມີ​ວັດ​ທະ​ນະ​ທຳ.
 
ແລ້ວສຸດທ້າຍ, ຕາແສງກໍ່ໄດ້ຕົກລົງ​ເຫັນ​ດີໃຫ້ລູງສ້າງຕັ້ງ​ທີມ​ບານເຕະຍິງຂຶ້ນ 2 ທິມທີ່​ມີຊື່ວ່າ: ​ທີມແທງຊວຽນ ແລະ ​ທີມຕວຍ ແຈ ເພື່ອຮັບໃຊ້ໃຫ້ແກ່ການແຂ່ງຂັນກິລາຂອງຕາແສງ, ດ້ວຍ ການເຂົ້າຮ່ວມຂອງ​ໄວ​ຫນຸ່ມ​ເພດ​ຍິງ​ຈຳ​ນວນ 30 ຄົນ, ໃນ​ເກນ​ອາຍຸ ແຕ່ 13 ຫາ 20 ປິ.


ເວ​ລາ 2 ໂມງ 30 ນາທີ ຕອນບ່າຍຂອງທຸກໆ ວັນ, ລຸງ ເຢືອງ ຄັກກຽມນຳ​ໃຊ້ ລົດຖີບຖີບໄປຫາເດີ່ນເຕະບານ
ຂອງຕາແສງ ເພື່ອຝຶກຊ້ອມໃຫ້ທິມບານເຕະຍິງຂອງບ້ານ.


ລູງເປັນຄົນມາຮອດ​ກ່ອນໝູ່ຫມົດເພື່ອກະກຽມກາງ​ຫນ່າງ, ​ກຽມ ເຄື່ອງອຸ​ປະ​ກອນຮັບໃຊ້ການ​ຝຶກ​​ຊ້ອມ.

ບັນ​ຊີຂໍ້ມູນກ່ຽວກັບນັກຝຶກ​ແອບເຕະບານຍິງ ລູງ​ໄດ້ຈົດກ່າຍ​ຕິດ​ຕາມ​ຢ່າງ​ລະ​ອຽດ.

ຄູຝຶກ ກຽມ ຕັກເຕືອນນັກກິ​ລາຍິງທຸກຄົນກ່ອນຈະເລີ່ມການ ຝຶກຊ້ອມ.

ສຳລັບນັກກິ​ລາ​ເຂົ້າໃໝ່ ຄູຝຶກຈະໄດ້ໄກ້​ຊິດ​ສະ​ເພາະໃນ​ເວ​ລາຝຶກຊ້ອມດ້ວຍ​ລາຍການ​ສົ່ງບານຂັ້​ນ​ພື້ນ​ຖານ. 

ເມື່ອ​ໃດ​ນັກ​ກີ​ລາ​ມີ​ຄວາມ​ສຳ​ນານ​ກັບໝາກບານແລ້ວ
ຄູຝຶກ ​ຈະແນະນຳໃຫ້ຮູ້​ເພີ່ມຕື່ມກ່ຽວ​ກັບວິທີການຫລິ້ນທີ່ຍາກກວ່າ.


ພາຍໃຕ້ການສິດສອນຂອງຄູຝຶກ ກຽມ, ທິມບານເຕະຍິງຂອງ ບ້ານ ຫງຽມຊວຽນ ນັບມື້ມີ​ການພັດທະນາຂຶ້ນ
ແລະ ປະກອບສ່ວນ​ຊ່ວຍທິມບານເຕະຍິງ​ຂອງ ຮ່າໂນ້ຍ ກໍ່ຄືໃນ​ລະ​ດັບທິມຊາດ​ຕັ້ງ​ຫລາຍ​ຄົນ.


ບັນດາສາວໆຂອງບ້ານ ຫງຽມຊວຽນ ເມົາມົວກັບ​ການ​ຫລິ້ນ ໝາກບານ.

ແຕກຕ່າງກັບບານເຕະຊາຍ, ຄູຝຶກ ກຽມ ມີ​ຄວາມ​ເອົາ​ໃຈ​ໃສ່ຕິດ ຕາມ ແລະ ບອກສອນຢ່າງລະອຽດລະອໍ
ຕໍ່​ນັກ​ກີ​ລານັກເຕະບານ ຍິງເພື່ອຫຼີກລ້ຽງການ​​ເກີດບາດເຈັບທີ່ບໍ່​ຫນ້າ​ຈະ​ເຈັບ. 


ພາຍຫຼັງ​ໄດ້ຝຶກຊ້ອມຫລິ້ນບານ​ເຕະນຳຄູຝຶກກຽມມາ​ໄດ້ ໄລຍະ ໜຶ່ງ, ນັກເຕະບານຍິງ ນາງ ຕະເຟຶອງຖຸຍ
ໄດ້​ປະ​ຕິ​ບັດ​ຢ່າງມີ​ຄວາມຊຳນີຊຳນານ ​ວິ​ທີໃນ​ການຍິງປະຕູ.


ໃນຈຳນວນນັກເຕະບານຍິງ, ຄູຝຶກ ກຽມ ​ໄດ້ເອົາໃຈໃສ່ ​ຕິດ​ຕາມ​ຜູ້​ທີ່​ມີ​ຄວາມ​ສາ​ມາດ​ຮັກ​ສາປະຕູ
ເພື່ອ​ຝຶກ​ແອບແບບ​ສະ​ເພາະ​ໃຫ້. 


ຮ​ອຍຍິ້ມ​ທີ່ເບີກບານມ່ວນຊື່ນຂອງຄູຝຶກ ແລະ ທິມເຕະບານຍິງ
ບ້ານ ຫງຽມຊວຽນ ຫຼັງການຝຶກຊ້ອມແຕ່​ລະ​ຄັ້ງ. 

ຄວາມ​ຈົດ​ຈຳ​​ທີ່​ລືມບໍ່​ໄດ້ ກ່ຽວ​ກັບ​ມື້​ທີ່​ຫາກໍ່​ເລີ່ມ​ສ້າງ​ທີມ​ບານ​ເຕະຂອງລຸງ​ກຽມ​ແມ່ນ: “ຫ່າງຈາກນີ້ 20 ປີ, ​ອາຫານການກິນ ຊາວບ້ານຍັງບໍ່​ທັນ​ອີ່ມ​ທ້ອງ​, ຈະເວົ້າຫຍັງເຖິງເລື່ອງກິລາ, ​ການ ເຕະບານ. ຂ້າພະເຈົ້າຕ້ອງໄປເຖິງເຮືອນ​ຂອງຊາວບ້ານທຸກ ຄົນ ເພື່ອປຸກລະດົມກຳລັງໃຈ. ​ໃຊ້​ຄວາມ​ພະ​ຍາ​ຍາມ​ຂອງ​ຕົນ, ສອງ​ປີ​ຕໍ່​ມາ​ຕາແສງຈິ່ງສ້າງຕັ້ງທິມບານເຕະຍິງໄດ້ສອງທິມ”.
 
ຕັ້ງແຕ່ນັ້ນ​ມາ, ລຸງກຽມໄດ້ກາຍເປັນຄູຝຶກທີ່ບໍ່​ມີ​ຄ່າ​ແຮງ​ງານ​ມາ ຈົນເຖິງປະຈຸບັນນີ້.  ຮູບພາບທີ່​ເປັນ​ຄົນເຖົ້າແກ່​ຫົວ​ລ້ານ, ຮູບ​ຮ່າງນ້ອຍໆ,​ ​ມີສີຜີວດຳ ແລະ ຜົມສີຂາວ, ແຕ່​ລະ​ວັນ​ຍັງ ພ້ອມໆ ກັບບັນດານັກເຕະບານຍິງຊ້ອມບານຢູ່ເດີ່ນບ້ານ​ໄດ້ກາຍເປັນ ພາບທີ່ບໍ່​ແປກ​ປະ​ຫລາດສຳລັບຊາວບ້ານບ້ານ ຫງຽມສາ.
 
ເກືອບ 20 ປີແລ້ວ, ຄູຝຶກ ກຽມ ໄດ້ຝຶກຊ້ອມນັກເຕະບານຍິງໄດ້​ປະ​ມານ 300 ຄົນ, ມີບາງຄອບຄົວລູງ​ໄດ້ສອນແຕ່ລຸ້ນແມ່ເຖິງ ລຸ້ນລູກ. ລຸງກຽມ ໄດ້ເອົາ​ບັນ​ຊີ​ລາຍ​ຊື່ ແລະ ຮູບຂອງບັນດານັກ ເຕະບານຍິງທີ່ເຄີຍໄດ້ຜ່ານ​ການ​ຝຶກ​ນຳເພິ່ນໃຫ້​ພວກ​ເຮົາ​ເບີ່ງ, ໃນຈຳນວນນັ້ນ, ມີນັກເຕະ​ຈຳ​ນວນ​ຫນຶ່ງທີ່ກຳລັງເປັນ ນັກເຕະ ບານໂດດເດັ່ນຂອງທິມບານເຕະຍິງ ຮ່າໂນ້ຍ ແລະ ທິມຊາດ ອີກຄື: ຫງວຽນທິລີ້,​ ຫງວຽນແທງເຮື່ອງ, ໂດ໋ທຸຈາງ, ຟ້າມ ທຸຈາງ, ຟ້າມຫາຍອຽນ ແລະ ອື່ນ.
ບົດ ແລະ ພາບ: ແຄງລອງ

ບັນດາບົດທີ່ຖືກນຳສະເໜີ