20/01/2016 09:55 GMT+7 Email Print Like 0

ນັກຂ່າວພາຍໃນປະເທດ ແລະ ສາກົນກຽມພ້ອມໃຫ້ຂ່າວກ່ຽວກັບກອງປະຊຸມໃຫຍ່ຄັ້ງທີ 12 ຂອງພັກ


ມີນັກຂ່າວພາຍໃນປະເທດ ແລະ ສາກົນ ປະມານກວ່າ 800 ຄົນ
ຈະເຂົ້າຮ່ວມການໃຫ້ຂ່າວກ່ຽວກັບກອງປະຊຸມໃຫຍ່ຄັ້ງທີ 12 ຂອງພັກ
ພາບ:vnnonline
 
        ມີ​ນັກ​ຂ່າວ​ພາຍ​ໃນ​ປະ​ເທດ ແລະ ສາ​ກົນ ປະ​ມານກວ່າ 800 ຄົນ ຈະ​ເຂົ້າ​ຮ່ວມ​ການໃຫ້​ຂ່າວ​ກ່ຽວ​ກັບ​ກອງ​ປະ​ຊຸມ​ໃຫຍ່​ຄັ້ງ​ທີ 12 ຂອງ​ພັກ​ກອມ​ມູ​ນິດ​ຫວຽດ​ນາມ. ທ່ານ Kazuomi Shimizu, ​ຫົວ​ຫນ້າ​ ສຳ​ນັກ​ຂ່າວສານ NHK ​ຍີ່​ປຸ່ນ ສາ​ຂາປະ​ຈຳ ຫວຽດ​ນາມ ໃຫ​້​ຮູ້​ວ່າ: ນີ້​ເປັນ​ຄັ້ງ​ທຳ​ອິດ ທ່ານ​ໄດ້​ເຂົ້າ​ຮ່ວມການ​ໃຫ້​ຂ່າວ​ກ່ຽວ​ກັບ​ກອງ​ປະ​ຊຸມ​ໃຫຍ່​ຄັ້ງ​ທີ 12 ຂອງ​ພັກ​ກອມ​ມູ​ນິດ​ຫວຽດ​ນາມ. ກ່ອນ​ທີ່ດຳ​ເນີນກອງ​ປະ​ຊຸມ​ໃຫຍ່, ທ່ານ​ພ້ອມ​ກັບ​ບັນ​ດາ​ຜູ້​ຮ່ວມ​ງານ ໄດ້​ໃຫ້​ຂ່າວ, ບົດ​ຫລວງ​ຫລາຍ​ກ່ຽວ​ກັບ​ບັນ​ດາ​ການ​ເຄື່ອນ​ໄຫວ​ກະ​ກຽມ ກໍ​ຄື ບັນ​ດາ​ຜົນ​ງານ​ພັດ​ທະ​ນາ​ເສດ​ຖະ​ກິດ ສັງ​ຄົມ ຂອງ​ຫວຽດ​ນາມ​ໃນ​ໄລ​ຍະ​ມໍ່ໆ​ມານີ້. ບັນ​ດາ​ບັນ​ຫາ​ຊຶ່ງ​ທ່ານ ແລະ ນັກ​ຂ່າວ​ຫລາຍ​ຄົນ​ຂຶ້ນ​ກັບ​ບັນ​ດາ​ອົງ​ການ​ສຳ​ນັກ​ຂ່າວ​ສານ​ສາ​ກົນ ​ມີ​ຄວາມສົນ​ໃຈໃນ​ກອງ​ປະ​ຊຸມ​ຄັ້ງນີ້ ນັ້ນ​ແມ່ນ ແນວ​ທາງ​ພັດ​ທະ​ນາ​ເສດ​ຖະ​ກິດ ແລະ ການ​ຕ່າງ​ປະ​ເທດ​ຂອງ​ຫວຽດ​ນາມ ໃນ​ໄລ​ຍະ​ຈະ​ມາ​ເຖິງ.
        ນັກຂ່າວຕ່າງປະເທດສົນໃຈເຖິງ 2 ບັນຫາ. ທີຫນຶ່ງ ແມ່ນກ່ຽວກັບການປະຕິຮູບ​​ດ້ານເສດຖະກິດ. ທີສອງ ແມ່ນບັນຫາເລຕາເວັນອອກ. ສະພາບການຢູ່ທະເລຕາເວັນອອກນັບມື້ນັບສັບສົນແລະ ລັດຖະບານ ຍີ່ປຸ່ນ ມີຄວາມວິຕົກກັງວົນ. ສະນັ້ນ ຂ້າເຈົ້າມີຄວາມສົນໃຈວ່າ ພັກກອມມູນິດ ຫວຽດນາມ ມີວິທີຄືແນວໃດເພື່ອແກ້ໄຂບັນຫາທະເລຕາເວັນອອກ.
        ໃນ​ໂອ​ກາດ​ດຳ​ເນີນກອງ​ປະ​ຊຸມ​ໃຫຍ່, ຫນັງ​ສື​ພິມ ເຍີນ​ເຢີນ, ສຽງ​ຂອງ​ພັກ​ກອມ​ມູ​ນິດ​ຫວຽດ​ນາມ ເພີ່ມ​ທະ​ວີ​ຈຳ​ນວນ ​ພະ​ນັກ​ງານ, ນັກ​ຂ່າວ ເພື່ອ​ສະ​ຫນອງບັນ​ດາ​ຂ່າວ​ຄາວ​ກ່ຽວ​ກັບ​ການ​ຜັນ​ແປ​ຂອງກອງ​ປະ​ຊຸມ​ໃຫຍ່​ໃຫ້​ຊັດ​ເຈນ ແລະ ທັນ​ການ. ນັກ​ຂ່າວ ບັກ​ວັນ, ຫົວ​ຫນ້າ​ ພະ​ແນກ ​ກໍ່ສ້າງ​ພັກ, ຫນັງ​ສື​ພິມ ປະ​ຊາ​ຊົນ ໃຫ້​ຮູ້​ວ່າ:
        ໃນໂອກາດດຳເນີນກອງປະຊຸມໃຫຍ່ຄັ້ງທີ 12 ຂອງພັກ ພວກຂ້າພະເຈົ້າ ມີກຸ່ມນັກຂ່າວ 2 ກຸ່ມ. ທີຫນຶ່ງ ກຸ່ມນັກຂ່າວຕິດຕາມໂດຍກົງ, ໃຫ້ຂ່າວກ່ຽວກັບກອງປະຊຸມ, ສ່ວນກຸ່ມນັກຂ່າວທີສອງ ແມ່ນຢູ່ພາຍນອກ ເພື່ອສ່ອງແສງບັນຍາກາດກ່ຽວກັບກອງປະຊຸມ.
 (ແຫຼ່ງຄັດຈາກ VOV)