05/07/2015 00:01 GMT+7 Email Print Like 0

ນັກກ້າມ ແທກກິມຕວັນ ແລະ ຄວາມໃຝ່ຝັນຈະເອົາຊະນະຢູ່ ໂອແລມປິກ 2016

ຄາວເປັນເດັກ, ແທກກິມຕວັນ ໄດ້ໄປຮຽນການຍົກນ້ຳໜັກນຳໝູ່ເພ່ືອນ ໂດຍຈຸດປະສົງເພື່ອຍົກສູງສຸຂະພາບເທົ່ານັ້ນ, ແຕ່ພາຍຫຼັງ 10 ປີ, ລາວກາຍເປັນນັກກິລາຍົກນ້ຳໜັກທີ່ມີຊື່ສຽງ, ເປັນຄວາມຫວັງອັນດັບໜຶ່ງ ຂອງກິລາປະເພດຍົກນ້ຳໜັກ ຫວຽດນາມ ຢູ່ໂອແລມປິກ 2016 ທີ່ຈະຈັດຂຶ້ນຢູ່ ບຣາຊິນ ໃນປີ 2016.
ປີ 2006, ຄູ​ຝຶກ ຮວິ່ງ​ຫຶວຈີ, ຫົວໜ້າ​ອົງການ​ຍົກ​ນ້ຳໜັກຫວຽດນາມ ໄດ້​ພົບ​ເຫັນ ​ແລະ ສົ່ງ ​ແທກ​ກິມຕວັນ ​ໄປ​ອົບຮົມ​ຝຶກ​​ແອບ​ ​ແລະ ກໍ່ສ້າງ​ຢ່າງ​ມີ​ແບບ​ມີ​ແຜນ ຢູ່​ສູນ​ກາງ​ແຂ່ງຂັນ​ກິລາ ຝູ໋​ເຖາະ, ​ເມືອງ 11, ນະຄອນ ​ໂຮ່ຈີ​ມິນ.

​ເມື່ອ​ເວົ້າ​ເຖິງ​ລູກສິດ​ຂອງ​ຕົນ, ຄູ​ຝຶກ ຮວິ່ງ​ຫຶວຈີ ​ໃຫ້​ຮູ້​ວ່າ: “ມີພອນ​ສະຫວັນ​ແມ່ນ​ສຳຄັນ, ຂ້າພະ​ເຈົ້າ​ພົບ​ເຫັນ​ສິ່ງ​ດັ່ງກ່າວ​ໃນ​ຕົວ ຕວັນ, ​ແຕ່​ຄວາມ​ອົດທົນ ​ແລະ ຄວາມຕັດສິນ​ໃຈ​ໃນ​ການ​ຝຶກ​ແອບ, ພ້ອມ​ກັບຄວາມ​ຕັ້ງ​ໝັ້ນ, ທົນ​ທານ​ໜຽວ​ແໜ້ນ ຈຶ່ງ​​ແມ່ນ​ຄຸນຄ່າ​ທີ່​ສຳຄັນ ​ເພື່ອ​ໃຫ້​ລາວ​ສູ້​ຊົນ​ຢ່າງ​ບໍ່​ຢຸດ​ຢັ້ງ”.

ຈາກ​ການ​ກຳນົດ​ທິດ ​ແລະ ​ແບ່ງປັນ​ບົດຮຽນ​ຂອງ​ຄູ​ຝຶກ ຈີ ​ໄດ້​ຊ່ວຍ​​ເຮັດໃຫ້ ຕວັນ ມີ​ຄວາມ​ພັດທະນາ​ໃນ​ການ​ຝຶກ​ແອ​ບ ​ແລະ ໝັ້ນ​ໜຽວ​ກວ່າ​ໃນ​ການ​ແ​ຂ່ງຂັນ. ຄຽງ​ຄູ່​ກັນ​ນັ້ນ, ການ​ສະໜັບ​ສະ​ໜູນ​ຢ່າງ​ສຸດ​ຈິດ​ສຸດ​ໃຈ​ຂອງ​ເອື້ອຍກົກ ​ແທກ​ທິຢາງ​ເຮືອງ, ຜູ້​ທີ່​​ເບິ່ງ​ແຍງ ດູ​ແລ​ 4 ​ເອື້ອຍ​ນ້ອງ ຕວັນ ​ໃນ​ໄລຍະ​ທຸກ​ຍາກ​​ເບື້ອງ​ຕົ້ນ ​ເມື່ອ​ຫາກໍ່​ມາ​ຢູ່​ນະຄອນ ​ໂຮ່ຈີ​ມິນ, ​ເປັນ​ແຫຼ່ງລະດົມ​ກຳລັງ​ໃຈ​ຊ່ວຍ​​​ໃຫ້ ຕວັນ ສາມາດ​ຜ່ານ​ຜ່າ​ຄວາມ​ທຸກ​ຍາກ​ລຳ​ບາກ, ການ​ປະລາ​ໄຊ ​ເພື່ອ​ສືບ​ຕໍ່​ປະຕິບັດ​ຄວາມ​ຮັກ​ເມົາ​ມົວ​ກັບ​ການ​ຍົກ​ນ້ຳ​ໜັກ​ຂອງ​ຕົນ. 


ແທກ​ກິມຕວັນ, ນັກ​ກິລາ​ຍົກ​ນ້ຳໜັກ​ຂອງ​ທິມຊາດ ຫວຽດນາມ (​ເດືອນ 3 2015). ພາບ: ​ເລ​ມິນ

ແທກ​ກິມຕວັນ ​ແຂ່ງຂັນ​ທີ່​ງານ​ມະຫາ​ກຳ​ກິລາ​ ອາຊີ 2014 ທີ່ນະຄອນ ອິນ​ເຈີນ ​ແຫ່ງປະ​ເທດ ສ.​ເກົາຫຼີ.
ພາບ: ​ເອກະສານ


ແທກ​ກິມຕວັນ ​ຄອງຫຼຽນ​ເງິນ​ທີ່ງານ​ມະຫາ​ກຳ​ກິລາ ອາຊີ 2014 ທີ່​ນະຄອນ ອິນ​ເຈີ​ນ ​ແຫ່ງ​ປະ​ເທດ ສ.​ເກົາຫຼີ.
ພາບ: ​ເອກະສານ


ແທກ​ກິມຕວັນ ​ຮັບ​ລາງວັນ​ພ້ອມ​ກັບ Om Jun-chol (ຜູ້ຢູ່​ກາງ), ນັກ​ກ້າມ​ເກົາຫຼີ ທີ່​ການ​ແຂ່ງຂັນ​ຍົກ​ນ້ຳໜັກ​ໂລກ 2014
ທີ່ປະ​ເທດ ກາຣັກສະຖານ. ພາບ: ​ເອກະສານ


ແທກກິມຕວັນ (​ແຖວ​ທີ 2, ຊ້າຍ​ສຸດ) ພ້ອ​ມກັບ​ບັນດາຄູ​ຝຶກ ​ແລະ ​ເພື່ອນ​ຮ່ວມ​ງານ​ໃນ​ທິມຍົກ​ນ້ຳໜັກ​ແຫ່ງ​ຊາດ. ພາບ: ​ເອກະສານ

ແທກ​ກິມຕວັນ ພ້ອມ​ກັບ​ເພື່ອນ​ຮ່ວມ​ງາ​ນຢູ່​ສ​ະໜາມ​ບິນ​ສາກົນ ​ເຕິ​ນ​ເຊີນ​ເຍີ​ດ ຫຼັງຈາກ​ສິ້ນ​ສຸດ​ການ​ແຂ່ງຂັນ​​ໃນການແຂ່ງ​ຂັນ​ຍົກ​ນ້ຳໜັກ​ໂລກ 2014 ທີ່​ປະ​ເທດ ກາຣັກສະຖານ. ພາບ: ​ເອກະສານ

ແທກ​ກິມຕວັນ ພ້ອມ​ກັບ​ອາຈານຂອງ​ຕົນ​ແມ່ນຄູ​ຝຶກ ຮວິ່ງ​ຫືວຈີ ​ໃນ​ການ​ແຂ່ງຂັນ​ຢູ່ງານ​ມະຫາ​ກຳ​ກິລາ ອາ​ຊຽນ 2014 ທີ່​ນະຄອນ ອິນ​ເຈີ​ນ ​ແຫ່ງ​ປະ​ເທດ ສ.​ເກົາຫຼີ. ພາບ: ​ເອກະສານ
ພາຍຫຼັງ​ການ​ຝຶກ​​ແອ​ບມາ​ເປັນ​ເວລາ 3 ປີ, ​ໃນການ​ແຂ່ງຂັນ​ຍົກ​ນ້ຳໜັກ ​ໂລກ ທີ່​ຈັດ​ຂຶ້ນ​ຢູ່ ​ໄທ ​ເມື່ອ​ປີ 2009, ​ແທກ​ກິມຕວັນ ຍາດ​ໄດ້ 3 ຫຼຽນ​​ເງິນ ​ໃນປະ​ເພດ​ນ້ຳໜັກ 50 ກິ​ໂລກ​ຮາມ. ກໍ່​ໃນ​ປີ 2009, ​ເທື່ອ​ທຳ​ອິດ ​ແທກ​ກິມຕວັນ ຍາດ​ໄດ້​ 1 ຫຼຽນ​ຄຳ ​ແລະ 2 ຫຼຽນ​ເງິນ​ຢູ່​ການ​ແຂ່ງຂັນ​ຍົກ​ນ້ຳໜັກ ສຳລັບ​ໄວ​ໜຸ່ມ ອາ​ຊີ ທີ່​ຈັດ​ຂຶ້ນ​ຢູ່ນະຄອນ ​ໂ​ດຮາ ​ແຫ່ງ​ປະ​ເທດ ກາ​ຕາ. ປີ 2010, ​ແທກ​ກິມຕວັນ ​ໄດ້​​ເອີ້ນ​ເຂົ້າ​ທິມຍົກ​ນ້ຳໜັກ​ແຫ່ງ​ຊາດ ​ໄປ​ເຂົ້າ​ຮ່ວມ​ງານ​ມະຫາ​ກຳກິລາ​ຊາວ​ໜຸ່ມ​ລະດູ​ແລ​້ງ ທີ່​ປະ​ເທດ ສິງກະ​ໂປ ​ແລະ ຍາດ​ໄດ້ຫຼຽນ​ຄຳໜຶ່ງ​ຫຼຽນ ​ໃນ​ປະ​ເພດ​ນ້ຳໜັກ 56 ກິ​ໂລກຣາມ.

ຫຼັງ​ຈາກ​ນັ້ນ, ​ແທກ​ກິມຕວັນ ​ໄດ້​ເຂົ້າ​ຮ່ວມ​ບັນດາ​ການ​ແຂ່ງຂັນ​ຍົກ​ນ້ຳໜັກ​ຕ່າງໆ ລະດັບ​ຊາດ ​ໃນ​ພາກ​ພື້ນ ​ແລະ ​ໂລກຢ່າງ​ເລື້ອຍໆ, ຍາດ​ໄດ້​ຫຼາຍ​ຜົນງານ​ທີ່​ພໍ​ສົມຄວນ. ຖ້າ​ຢູ່ ຊີ​​ເກ​ມ 26, ​ແທກ​ກິມຕວັນ ພຽງ​ແຕ່​ຍາດ​ໄດ້​ຫຼຽນ​ທອງ​ເທົ່າ​ນັ້ນ, ມາ​ເຖິງ ຊີ​ເກ​ມ 27 ທີ່​ຈັດ​ຂຶ້ນ​ຢູ່​ປະ​ເທດ ມຽນມາ, ລາວ​ຍາດ​ໄດ້​ຫຼຽນ​ຄຳ​ຢູ່​ປະ​ເພດ​ນ້ຳໜັກ 56 ກິ​ໂລກຣາມ ດ້ວຍ​ຈຳ​ນວນ​ນ້ຳໜັກ​ທີ່​ຍົກ​ໄດ້​ແມ່ນ 285 ກິ​ໂລກຣາມ, ທຳລາຍ 2 ສະຖິຕິ ຊີ​ເກ​ມ ຢູ່​ປະ​ເພດ​ຍົກ​ນ້ຳໜັກ​ແບບທົກ​ໝາກ​ນ້ຳໜັກ ​ແລະ ​ໄລ່​ຄະ​ແນນລວມ.

ປີ 2013, ​ແທກ​ກິມຕວັນ ຍາດ​ໄດ້ 3 ຫຼຽນ​ຄຳ (131 ກິ​ໂລກຣາມ​ຢູ່​ປະ​ເພດ​ທົກ​ໝາກ​ນ້ຳໜັກ, 150 ກິ​ໂລກຣາມ ຢູ່ປະ​ເພດ​ຍູ້​ນ້ຳໜັກ, 281 ກິ​ໂລກຣາມຢູ່​ປະ​ເ​ພດ​ໄລ່ຄະ​ແນນ​ລວມ) ທີ່​ການ​ແຂ່ງຂັນ​ຍົກ​ນ້ຳໜັກ​ທົ່ວ​ປະ​ເທດ, ​ໃນ​ນັ້ນ ປະ​ເພດ​ທົກ​ໝາກ​ນ້ຳໜັກ ​ທຳລາຍ​ສະຖິຕິ​ແຫ່​ງຊາດ ຂອງ​ນັກກ​້າມ ຮວ່າງ​ແອ​ງຕວັນ (130 ກິ​ໂລກຣາມ, ສ້າງ​ຕັ້ງ​ຢູ່​ງານ​ມະຫາ​ກຳ​ກິລາ ​ໂອ​ແລມປີກ ປັກ​ກິ່ງ 2008).

ປີ 2014 ​ເປັນ​ປີທີ່ ຕວັນ ຍາດ​ໄດ້​ຫຼາຍ​ຜົນງານ​ດີ​ເດັ່ນ​ໃນບັນດາ​ການ​ແຂ່ງຂັນຢູ່​ພາຍ​ໃນ ​ແລະ ຕ່າງ​ປະ​ເທດຄື: ຫຼຽນ​ຄຳ​ໃນ​ປະ​ເພດ​ນ້ຳໜັກ 56 ກິ​ໂລກຣາມ ຢູ່​ການ​ແຂ່ງຂັນ​ຍົກ​ນ້ຳໜັກ​ສາກົນ ສຳລັບ​ໄວ​ໜຸ່ມ​ປີ 2014, ທຳລາຍ​ສອງ​ສະ​ຖິຕິ​ຂອງ​ນັກ​ກ​ິລາ ຫຼົງ ຈີ​ງ​ແຈວນ (Long Quingquan) ທີ່​ສ້າງ​ຕັ້ງ​ຢູ່​ງານ​ມະຫາ​ກຳ​ກ​ິລາ ​ໂອ​ແລມປິກ ປັກ​ກິ່ງ 2008. ຫຼຽນ​ຄຳ​ໃນ​ປະ​ເພດ​ຍົກ​ນ້ຳໜັກ​ໄລ່​ຄະ​ແນນ​ລວມ ​ໃນ ASIAD 17 ທີ່​​ໄຂ​ຂຶ້ນ​ໃນ​​ເດືອນ​ພະ​ຈິກ 2014 ຢູ່ນະຄອນ Almaty ​ແຫ່ງ​ປະ​ເທດ ກາຣັກສະຖານ. ບັນດາ​ຜົນງານ​ດັ່ງກ່າວ​ຊ່ວຍ​ເຮັດ​ໃຫ້ ​ແທກ​ກິມຕວັນ ຍາດ​ໄດ້​ອັນ​ດັບ 2 ຂອງ​ໂລກ ​ຢູ່​ປະ​ເພດ​ນ້ຳໜັກ 56 ກິ​ໂລກຣາມ, ອັນ​ດັບ​ໜຶ່ງ​ແມ່ນ​ນັກ​ກິລາ Om Jun Chol, ຄົນ​ ​ເກົາຫຼີ.


ແທກ​ກິມຕວັນ ພວມ​ຝຶກ​ແອບ​ເພື່ອ​ກະກຽມ​ໃຫ້​ແກ່ ​ໂອ​ແລມປິກ 2016 ຢູ່ ບຣາຊີນ. ພາບ: ​ເລ​ມິນ

ແທກ​ກິມຕວັນ ພະຍາຍາມ​ຝຶກ​ແອບ ​ເພື່ອ​ຄວາມ​ມຸ່ງ​ຫວັງຍາດ​ໄດ້​ອັນ​ດັບ​ໜຶ່ງ​ຂອງ​ໂລກ. ພາບ: ​ເລ​ມິນ

ແທກ​ກິມຕວັນ ສະ​ແດງ​ໃຫ້​ເຫັນການເປັນ​ອາຊີບ, ຄວາມ​ອົດທົນ ​ແລະ ຄວາມ​ຕັດສິນ​ໃຈ ພ້ອມ​ກັບ​ຄວາມ​ຕັ້ງໝັ້ນ​ຂອງ​ຕົນ​ໃນ​ການ​ຝຶກ​ແອບ. ພາບ: ​ເລ​ມິນ

ຄູ​ຝຶກ ຮວິ່ງ​ຫຶວຈີ ​ເປັນ​ຜູ້​ປະກົດ​ເຫັນ ​ແລະ ນຳພາ ​ແທກ​ກິມຕວັນ ​ຕັ້ງ​ແຕ່​ໄລຍະ​ທຳ​ອິດ ທີ່​ລາວ​ຮູ້ຈັກ​ກັບ​ປະ​ເພດ​ກິລາ​ຍົກ​ນ້ຳໜັກ. ພາບ: ​ເລ​ມິນ
ກັບ​ມາ​ປະ​ເທດນຳ​ບັນດາ​ຜົນງານທີ່​ຍາດ​ໄດ້, ​ແທກ​ກິມຕວັນ ກໍ່​ເອົາ​ໃຈ​ໃສ່​ໃນ​ການ​ຝຶກ​ແອບ ​ເພື່ອ​ກະກຽມ​ໃຫ້​ບັນດາ​ການ​ແຂ່ງຂັນ​ໃນ​ປີ 2015. ​ໃນ​ນັ້ນ, ຕວັນ ຈະ​ເຂົ້າ​ຮ່ວມ​ການ​ແຂ່ງ​ຂັນ​ຢູ່​ຮອບ​ຄັດ​ເລືອກ ​ໂອ​ແລມປິກ ​ໂດຍ​ຈຸດປະສົງ​ຈະ​ຍາດ​ໄດ້ຜົນ​ງານ​ທີ່​ດີ ​ເພື່ອ​ຊອກ​ຫາ​ໂອກາດ​ໃຫ້​ວິຊາ​ຍົກ​ນ້ຳໜັກ ຫວຽດນາມ ຍາດ​ໄດ້​ປີ້​ເຂົ້າ​ຮ່ວມ​ງານ​ມະຫາ​ກຳ​ກິລາ ​ໂອ​ແລມປິກ 2016 ທີ່ນະຄອນ Rio de Janeiro ​ແຫ່ງ​ປະ​ເທດ ບຣາຊິນ. ​​ໃນ​ການ​ຝຶກ​ແອບ​ແຕ່​ລະ​ມື້, ລາວ​ມີ​ການ​ຕັກ​ເຕືອນ​ໃຫ້ຕົນ​ເອງວ່າ ​ບໍ່​ໄດ້ອວດ​ອ້າງ, ຕ້ອງ​ຕັ້ງ​ໃຈ​ໃນ​ການ​ຝຶກ​ແອບ. ນອກຈາກ​ການ​ຝຶກ​ແອບວິຊາ​ການ, ຕວັນກໍ່​ບໍ່​ລືມ​ການຮຽນ​ວັດທະນະທຳ​ຕື່ມ​ອີກ. ຕະຫຼອດ​ເວລາ 2 ປີຜ່ານມາ, ນອກຈາກ​ເວລາ​ຕ້ອງ​ໄປ​​ເຂົ້າ​ຮ່ວມ​ການ​ແ​ຂ່ງຂັນ, ​ແຕ່ລະ​ຄຳ່ ລາວ​ກໍ່​ໄປ​ຮຽນ​ເພີ່ມ​ຢູ່​ຫ້ອງ​ບຳລຸງ​ວັດທະນະທຳ ​ເພື່ອ​ສືບ​ຕໍ່​ເສັ້ນທາງ​ການຮຽນ​ຂອງ​ຕົນ.
ບົດ: ​ເຊີນ​ເງ້ຍ - ພາບ: ​ເລ​ມິນ ​ແລະ ​ເອກະສານ 

ບັນດາບົດທີ່ຖືກນຳສະເໜີ