28/02/2018 11:27 GMT+7 Email Print Like 0

ນະຄອນໂຮ່ຈີມິງພົບປະສັງສັນກັບຜູ້ດີເດັ່ນຊາວຊົນເຜົ່າສ່ວນໜ້ອຍສອງຮ້ອຍຄົນ

ຕອນເຊົ້າວັນທີ 27 ກຸມພາ, ຢູ່ນະຄອນໂຮ່ຈີມິງການນຳນະຄອນໄດ້ມີການພົບກັບຜູ້ດີເດັ່ນຊາວຊົນເຜົ່າສ່ວນໜ້ອຍ.

ນະຄອນໂຮ່ຈີມິງພົບປະສັງສັນກັບຜູ້ດີເດັ່ນຊາວຊົນເຜົ່າສ່ວນໜ້ອຍສອງຮ້ອຍຄົນ (ພາບ: TTXVN)

ຢູ່ທີ່ນີ້, ການນຳນະຄອນໄດ້ຍ້ອງຍໍບັນດາການປະກອບສ່ວນອັນລ້ຳຄ່າຂອງພໍ່ແມ່ປະຊາຊົນບັນດາເຜົ່າສ່ວນໜ້ອຍໃນບັນດາຂົງເຂດ.ພ້ອມທັງຮັບຟັງ, ຮັບຮອງບັນດາຄວາມມຸ່ງມາດປາດຖະໜາຂອງພໍ່ແມ່ປະຊາຊົນ. ການນຳນະຄອນໂຮ່ຈີມິງໃຫ້ຮູ້ວ່າ: ຈະສືບຕໍ່ເອົາໃຈໃສ່ປະຕິບັດນະໂຍບາຍກ່ຽວກັບຊົນເຜົ່າຂອງພັກ, ລັດໃຫ້ດີ, ສ້າງກຸ່ມກ້ອນມະຫາສາມັກຄີຊົນເຜົ່າ, ປະກອບສ່ວນເຂົ້າໃນການປະຕິບັດສຳເລັດບັນດາຄາດໝາຍເສດຖະກິດ - ສັງຄົມ, ສ້າງນະຄອນໃຫ້ກາຍເປັນນະຄອນທີ່ມີຄຸນນະພາບສູງໃນການດຳລົງຊີວິດ, ສີວິໄລແລະທັນສະໄໝ.

        ທ່ານYsa UMor, ຫົວໜ້າຄະນະຄຸ້ມຄອງໂບດ Muwahidin, ຢູ່ເມືອງທີ 9, ໃຫ້ຮູ້ວ່າ: ວົງຄະນະຍາດຊົນເຜົ່າຈຳຢູ່ນະຄອນໂຮ່ຈີ໋ມິງ ຈະພະຍາຍາມເຂົ້າຮ່ວມຂະບວນການສ້າງສາ ແລະ ພັດທະນານະຄອນ.

ຂ້າພະເຈົ້າຍາມໃດກໍປາຖະໜາວ່າ ວົງຄະນະຍາດຊົນເຜົ່າຈຳຢູ່ນະຄອນໂຮ່ຈີ໋ມິງຈະຮ່ວເດີນທາງກັບການນຳນະຄອນ ເພື່ອໃຫ້ນະຄອນສຳເລັດໜ້າທີ່ຍິ່ງໃຫຍ່ ແມ່ນສ້າງສານະຄອນໃຫ້ພັດທະນາກວ່າ, ສີວິໄລ, ທັນສະໄໝ ແລະ ປະຊາຊົນໄດ້ດຳລົງຊີວິດຢ່າງອີ່ມໜຳສຳລານສົມບຸນພຸນສຸກ.

        ປັດຈຸບັນນີ້, ນະຄອນໂຮ່ຈີ໋ມິງລວມມີ 51 ຊົນເຜົ່າສ່ວນໜ້ອຍ, ດ້ວຍປະຊາຊົນເກືອບ 440.000 ຄົນ, ໃນນັ້ນມີ 03 ຊົນເຜົ່າທີ່ກວມເອົາຈຳນວນຫຼາຍຄື ຊາວຈີນ, ຂະແມ ແລະ ຈຳ.

(ແຫຼ່ງຄັດຈາກ VOV)