06/02/2020 10:07 GMT+7 Email Print Like 0

ທ້ອງຖິ່ນແຫ່ງຕ່າງໆຂອງຫວຽດນາມ ເພີ່ມທະວີການປ້ອງກັນ ແລະ ຕ້ານໂລກລະບາດທີ່ເກີດຈາກເຊື້ອຈຸລະໂລກສາຍພັນໃໝ່ ໂຄໂຣນາ ຢູ່ບັນດາເຂດອຸດສາຫະກໍາ, ທ່າກໍ່າປັ່ນ

      ທ້ອງຖິ່ນບາງແຫ່ງທີ່ມີເຂດອຸດສາຫະກໍາ, ທ່າກໍ່າປັ່ນໃນທົ່ວປະເທດ ໄດ້ຜັນຂະຫຍາຍຫຼາຍມາດຕະການປ້ອງກັນ, ຕ້ານໂລກລະບາດ.

ເພີ່ມທະວີການກວດອຸນຫະພຸມຂອງຜູ້ອອກແຮງງານຢູ່ເຂດເສດຖະກິດ 
      ໃນສະພາບການຜັນແປສັບສົນຂອງພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ໂຄໂຣນານັ້ນ, ທ້ອງຖິ່ນບາງແຫ່ງທີ່ມີເຂດອຸດສາຫະກໍາ, ທ່າກໍ່າປັ່ນໃນທົ່ວປະເທດ ໄດ້ຜັນຂະຫຍາຍຫຼາຍມາດຕະການປ້ອງກັນ, ຕ້ານໂລກລະບາດຄື: ກວດກາ, ຕິດຕາມອາການສຸຂະພາບຂອງຊາວຜູ້ອອກແຮງງານ, ພິເສດແມ່ນແຮງງານຕ່າງປະເທດ ຢູ່ບັນດາເຂດທີ່ເກີດພະຍາດດັ່ງກ່າວ; ຄວບຄຸມຜູ້ຄົນທີ່ເຮັດວຽກຢູ່ກໍ່າປັ່ນລໍາຕ່າງໆທີ່ເຂົ້າທຽບທ່າຢູ່ທ່າກໍ່າປັ່ນ...
        ທ່ານໂຮ່ມິງເນັນ, ຜູ້ອໍານວຍການສູນຄວບຄຸມພະຍາດຢູ່ແຂວງ ກວ໋າງຫງ໋າຍ ໃຫ້ຮູ້ວ່າ ບັນດາວິສາຫະກິດໃນບໍລິເວນເຂດເສດຖະກິດ ຢຸງກວ໊ດ ໄດ້ແຍກຕົວຜູ້ອອກແຮງງານຄົນຈີນທີ່ກັບມາເຮັດວຽກຄືນໃໝ່ຈໍານວນ 227 ຄົນ ໃຫ້ຢູ່ເຂດຕ່າງຫາກ. ທ່ານກ່າວວ່າ:
        ພວກຂ້າພະເຈົ້າ ໄດ້ເຮັດວຽກໂດຍກົງກັບພະນັກງານແພດໝໍຂອງບໍລິສັດ, ໂຮງຈັກໂຮງງານ, ແນະນໍາບັນດາມາດຕະການປ້ອງກັນ, ແຍກຜູ້ສົງໄສຕິດພະຍາດໃຫ້ຢູ່ຕ່າງຫາກ ແລະ ຕິດຕາມອາການສຸຂະພາບຂອງຊາວຜູ້ອອກແຮງງານທີ່ມາຈາກເຂດຕິດພະຍາດ ເພື່ອສະກັດກັ້ນການແຜ່ລະບາດຂອງເຊື້ອຈຸລະໂລກສາຍພັນໃໝ່ນີ້”. 
 (ແຫຼ່ງຄັດຈາກ VOV)