09/07/2021 08:52 GMT+7 Email Print Like 0

ທ້ອງຖິ່ນຕ່າງ ກຽມພ້ອມໃຫ້ແກ່ບັນດາກໍລະນີປ້ອງກັນ, ຕ້ານໂລກລະບາດໂຄວິດ - 19

      ວັນທີ 7 ກໍລະກົດ, ການນຳຫຼາຍແຂວງ, ນະຄອນໃນທົ່ວປະເທດ ໄດ້ປະກາດໃຊ້ບັນດາຂໍ້ຕົກລົງເພື່ອແນໃສ່ເພີ່ມທະວີບັນດາມາດຕະການປ້ອງກັນ, ຕ້ານໂລກລະບາດໂຄວິດ - 19, ເພີ່ມທະວີການໂຄສະນາເຜີຍແຜ່ ເພື່ອໃຫ້ປະຊາຊົນໃນບໍລິເວນ ເປັນເຈົ້າການໃນການປ້ອງກັນ, ຕ້ານໂລກລະບາດໂຄວິດ - 19 ໃຫ້ແກ່ຕົນເອງ ແລະ ຄອບຄົວ.
ພະນັກງານການແພດເອົາຕົວຢ່າງຫາເຊື້ອໄວຣັດ SARS - CoV - 2 ຢູ່ສູນການແພດເມືອງ 4, ນະຄອນ ໂຮ່ຈີມິນ
      ທ່ານປະທານຄະນະກຳມະການປະຊາຊົນນະຄອນ ຮ່າໂນ້ຍ ໄດ້ປະກາດໃຊ້ເອກະສານທາງການ ກ່ຽວກັບການເພີ່ມທະວີການຜັນຂະຫຍາຍບັນດາການປ້ອງກັນ, ຕ້ານໂລກລະບາດໂຄວິດ - 19 ໃນສະພາບການທີ່ມີການຜັນແປໃໝ່. ເອກະສານທາງການໄດ້ຮຽກຮ້ອງໃຫ້ ທຸກຂັ້ນຕ້ອງປະຕິບັດຕາມບັນດາມາດຕະການປ້ອງກັນ, ຕ້ານໂລກລະບາດໂຄວິດ - 19 ໃນສະພາບການໃໝ່ຢ່າງເຂັ້ມງວດ, ເພີ່ມທະວີການຄວບຄຸມບັນດາການເຄື່ອນໄຫວຂົນສົ່ງຈາກບັນດາເຂດເກີດໂລກລະບາດ ມາຍັງນະຄອນ, ບັນດາທ້ອງຖິ່ນຕິດຕາມກວດກາ, ຄວບຄຸມຜູ້ທີ່ມາ ຈາກທ້ອງຖິ່ນເກີດໂລກລະບາດໂຄວິດ - 19. ພິເສດແມ່ນໃນເວລາ 18 ໂມງຂອງວັນທີ 7 ກໍລະກົດ, ຮ່າໂນ້ຍ ໄດ້ນຳໃຊ້ບັນດາມາດຕະການປ້ອງກັນ, ຕ້ານໂລກລະບາດໂຄວິດ - 19 ສຳລັບທຸກຄົນທີ່ມາຈາກນະຄອນໂຮ່ຈີມິນ ແລະ ບັນດາເຂດເກີດໂລກລະບາດແບບບັງຄັບ ລວມມີ: ປະຕິບັດການແຈ້ງອາການສຸຂະພາບ, ແຍກປ່ຽວຢູ່ບ່ອນພັກ 7 ວັນຢ່າງຖືກຕ້ອງຕາມການແນະນຳຂອງ ກະຊວງສາທາລະນະສຸກ.
ຢູ່ຫ໋າຍຟ່ອງ, ຄະນະປະຊາຊົນນະຄອນຮຽກຮ້ອງທຸກຄົນທີ່ມາຈາກນະຄອນໂຮ່ຈີມິນ ຕ້ອງນຳໃຊ້ມາດຕະການແຍກປ່ຽວລວມໝູ່ 21 ວັນນັບແຕ່ເວລາ 12 ໂມງຂອງວັນທີ 7 ກໍລະກົດ. ທີ່ບັນດາປ້ອມກວດກາຢູ່ປະຕູເຂົ້າອອກຂອງນະຄອນ, ນັບແຕ່ເວລາ 12 ໂມງຂອງວັນທີ 8 ກໍລະກົດ, ອະນຸຍາດໃຫ້ພຽງແຕ່ຄົນທີ່ມີຜົນກວດເປັນລົບກັບເຊື້ອໄວຣັດ SARS - CoV - 2 ພາຍໃນໄລຍະເວລາ 5 ວັນ ໄດ້ເຂົ້ານະຄອນ.
ສ່ວນຢູ່ແຂວງ ຫ໋າຍເຢືອງ ສືບຕໍ່ເພີ່ມທະວີການໂຄສະນາເຜີຍແຜ່ໃຫ້ປະຊາຊົນໃນບໍລິເວນແຂວງ ເປັນເຈົ້າການໃນການປ້ອງກັນ, ຕ້ານໂລກລະບາດໂຄວິດ - 19 ໃຫ້ແກ່ຕົນເອງ ແລະ ຄອບຄົວ.
(ແຫຼ່ງຄັດຈາກ VOV)