17/08/2018 14:01 GMT+7 Email Print Like 0

ທ່ຽວຊົມ ຮ່າໂນ້ຍ ດ້ວຍລົດເມ 2 ຊັ້ນ

ຕົວແບບລົດເມ 2 ຊັ້ນ ນໍານັກທ່ອງທ່ຽວໄປທ່ຽວຊົມທັດສະນີຍະພາບ ຕາມຈຸດທ່ອງທ່ຽວຕ່າງໆ ໃນຕົວເມືອງ ໄດ້ນຳໃຊ້ໃນຫຼາຍປະເທດຄື: ຍີ່ປຸ່ນ, ສິງກະໂປ, ມາເລເຊຍ... ແລະ ປັດຈຸບັນ, ຕົວແບບດັ່ງກ່າວ ຫວຽດນາມ ເປີດນຳໃຊ້ຢູ່ ນະຄອນຫຼວງ ຮ່າໂນ້ຍ ເພື່ອຮັບໃຊ້ ປະຊາ ຊົນ, ນັກທ່ອງທ່ຽວ ທັງພາຍໃນ ແລະ ຕ່າງ ປະເທດ ອີກດ້ວຍ.
ແນໃສ່ຊຸກຍູ້ ສ້າງການທ່ອງທ່ຽວນະຄອນຫຼວງຕາມແບບສີວິໄລ ແລະ ທັນສະໄໝ, ສະຫະບໍລິສັດຂົນສົ່ງ ຮ່າໂນ້ຍ (Transerco) ຮ່ວມມືກັບ ບໍລິສັດ ແອງຫວຽດ Hop on – Hop off ຫວຽດນາມ ໃຫ້ເປີດ ນຳໃຊ້ ບໍລິການທ່ອງທ່ຽວ Hanoi City tour Hop on – Hop off.

ເສັ້ນທາງທ່ອງທ່ຽວ ອ້ອມຮ່າໂນ້ຍ ມີ 14 ຈຸດພັກ ເພື່ອຊົມ ດ້ວຍລົດເມ 2 ຊັ້ນ. ໃນໄລຍະທຳອິດ ມີ 3 ຄັນ, ມີ 80 ບ່ອນນັ່ງ. ນີ້ແມ່ນປະເພດ ລົດ ໄດ້ອອກແບບພິເສດ ເພື່ອອຳນວຍຄວາມສະດວກ ໃນການ ທ່ຽວ ຊົມ ທັດສະນີຍະພາບ ຈາກມູມສູງ. 


ບໍລິການທ່ອງທ່ຽວ Hanoi City tour Hop on – Hop off ໄດ້ເປີດນຳໃຊ້ຢ່າງເປັນທາງການໃນຕອນເຊົ້າວັນທີ 30 ພຶດສະພາ.


ບໍລິການທ່ອງທ່ຽວ Hanoi City tour Hop on – Hop off ຈະເປີດ ແຕ່ 9 ໂມງເຊົ້າຫາ 17 ໂມງແລງ
ດ້ວຍເວລາ 30 ນາທີຕໍ່ຖ້ຽວ. 


ເວລານຳໃຊ້ບໍລິການທ່ອງທ່ຽວ Hanoi City tour Hop on – Hop off, ນັກທ່ອງທ່ຽວຈະໄດ້ໄປທ່ຽວຊົມທັດສະນີຍະພາບ
ແລະ ຂ້າມ ຜ່ານຈຸດທ່ອງທ່ຽວ 13 ຈຸດຂອງນະຄອນຫຼວງ ຮ່າໂນ້ຍ ດ້ວຍລົດເມ 2 ຊັ້ນ. 


ລົດເມ 2 ຊັ້ນແລ່ນຂ້າມຜ່ານໂຮງມະໂຫລະສົບ ຮ່າໂນ້ຍ. 


ນັກທ່ອງທ່ຽວທັງພາຍໃນ ແລະ ຕ່າງປະເທດ ຮູ້ສຶກປະທັບໃຈ ໃນເວລາທີ່ໄດ້ທ່ຽວຊົມນະຄອນຫຼວງ ດ້ວຍລົດເມ 2 ຊັ້ນ.


ລົດເມ 2 ຊັ້ນແລ່ນຂ້າມຜ່ານຖະໜົນ ກວານຊື, ຮວ່ານກຽມ, ຮ່າໂນ້ຍ.


ລົດເມ 2 ຊັ້ນແລ່ນຂ້າມຜ່ານເຂດຮ່ອງຮອຍ ວັນມຽວ-ກວກຕືຢາມ. 



ນັກທ່ອງທ່ຽວຖ່າຍຮູບນຳລົດເມ 2 ຊັ້ນ. 

ຕາມແຜນການ, ລົດເມ 2 ຊັ້ນຈະຈອດຢູ່ 13 ຈຸດ ຊຶ່ງເປັນບ່ອນ ທ່ອງ ທ່ຽວ, ເຂດຮ່ອງຮອຍປະຫວັດສາດ, ວັດທະນະທຳ ເພື່ອໃຫ້ນັກທ່ອງ ທ່ຽວ ທຳການຢ້ຽມຢາມ. ສຳລັບນັກທ່ອງທ່ຽວທີ່ມາຢ້ຽມຢາມນະຄອນ ຫຼວງເທື່ອທຳອິດ, ເຂົາເຈົ້າສາມາດສອບຖາມຂໍ້ມູນເພີ່ມເຕີມກ່ຽວ ກັບ ການທ່ອງທ່ຽວນະຄອນຫຼວງຢູ່ເທິງລົດເມ 2 ຊັ້ນ.
 
ຈຸດພິເສດຂອງບໍລິການດັ່ງກ່າວ ແມ່ນບໍ່ພຽງແຕ່ ຊ່ວຍນັກທ່ອງທ່ຽວ ປະຢັດໄດ້ເວລາໃນການຊອກຫາບ່ອນທ່ອງທ່ຽວເທົ່ານັ້ນ, ຫາກຍັງ
ສະໜອງແຫຼ່ງຂໍ້ມູນກ່ຽວກັບການທ່ອງທ່ຽວນະຄອນຫຼວງດ້ວຍຫຼາຍພາສາຄື: ອັງກິດ, ຈີນ, ສ.ເກົາຫຼີ, ຍີ່ປຸ່ນ ແລະ ອື່ນໆ ອີກດ້ວຍ.

ກຳແພງ ທັງລອງ ເປັນ 1 ໃນ 13 ສະຖານທີ່ ທ່ອງທ່ຽວ ແລະ ມໍລະ ດົກໂລກດ້ານວັດທະນະທຳ ຂອງນະຄອນຫຼວງ ຮ່າໂນ້ຍ. ກຳແພງ ທັງ ລອງ-ຮ່າໂນ້ຍ ບໍ່ພຽງແຕ່ມີຊື່ລືສຽງດ້ວຍບັນດາ ຮ່ອງຮອຍປະຫວັດ ສາດໃນສະໄໝສັກດິນາເທົ່ານັ້ນ, ຫາກຍັງມີຄຸນຄ່າທາງປະຫວັດສາດ , ວັດທະນະທຳ ທີ່ພົ້ນເດັ່ນຂອງໂລກ ອີກດ້ວຍ. ນີ້ເປັນຈຸດທ່ອງທ່ຽວ ທີ່ຂາດບໍ່ໄດ້ ໃນບໍລິການທ່ອງທ່ຽວ ຊອກຮູ້ປະຫວັດສາດ ທັງລອງ-ຮ່າໂນ້ຍ.
ເປີດໃຫ້ບໍລິການ ແຕ່ 9 ໂມງເຊົ້າຫາ 17 ໂມງແລງ ໃນທຸກໆ 30 ນາທີ ຕໍ່ຖ້ຽວ. ລາຄາປີ້ ຈະມີລາຄາ 300.000 ດົ່ງ/4 ຊົ່ວໂມງ, 450.000 ດົ່ງ/24 ຊົ່ວໂມງ ແລະ 650.000 ດົ່ງ/48 ຊ່ົວໂມງ. ນັກ ທ່ອງທ່ຽວ ສາ ມາດນຳໃຊ້ລົດເມ ໄດ້ທຸກເວລາ ຕາມການກຳນົດ ຂອງ ປີ້.


ນັກທ່ອງທ່ຽວ ຊື້ປີ້ ເພື່ອທ່ຽວ ນະຄອນຫຼວງ ດ້ວຍລົດເມ 2 ຊັ້ນຫຼັງ ຄາ ເປີດ ຢູ່ຈຸດຂາຍປີ້ ໜອງເກືອມ.


ດ້ວຍລາຄາປີ້ 300.000 ດົ່ງ/4 ຊ່ົວໂມງ, ນັກທ່ອງທ່ຽວຈະໄດ້  ທ່ຽວ ຊົມ ສະຖານທີ່ທ່ອງທ່ຽວ 30 ຈຸດ ທີ່ໂດດເດັ່ນ ເທິງຖະໜົນ 25 ສາຍ ຂອງນະຄອນຫຼວງ ຮ່າໂນ້ຍ.


ພາຍໃນລົດເມ ມີຫຼາຍບໍລິການຕ່າງໆ ເພື່ອຮັບໃຊ້ໃຫ້ແກ່ ນັກທ່ອງ ທ່ຽວຄື: ຕູ້ເຢັນ, ຮ້ານກິນດື່ມຂະໜາດນ້ອຍ...


ເທິງລົດເມ ມີເຄື່ອງຊຳລະດ້ວຍບັດ ATM, ສ້າງຄວາມສະດວກໃຫ້ ແກ່ນັກທ່ອງທ່ຽວທີ່ບໍ່ນຳໃຊ້ເງິນສົດ.


ເທິງລົດເມ ໄດ້ຕິດຕັ້ງລະບົບແນະນຳບັນດາຈຸດ ທ່ອງທ່ຽວ ແລະ  ແປ ເປັນຫຼາຍພາສາ ໂດຍອັດຕະໂນມັດ.


ລະບົບແປ ອັດຕະໂນມັດ ດ້ວຍຫຼາຍພາສາ  ຊ່ວຍແນະນຳໃຫ້ນັກ ທ່ອງທ່ຽວ ມີຄວາມເຂົ້າໃຈກ່ຽວກັບສະຖານທີ່ທ່ອງ ທ່ຽວມີຊື່ສຽງ ຂອງ ນະຄອນຫຼວງ.


ບັນດາລົດເມ 2 ຊັ້ນ ນີ້ສາມາດບັນທຸກຜູ້ໂດຍສານໄດ້ 80 ຄົນ/ຖ້ຽວ ແລະ ນຳໃຊ້ລະບົບນຳທາງດ້ວຍ GPS.


ໄດ້ຕິດຕັ້ງກ້ອງວົງຈອນ ຢູ່ຫຼາຍຈຸດເທິງລົດເມ ເພື່ອຊ່ວຍເຮັດໃຫ້ຜູ້ ຂັບສາມາດຕິດຕາມຜູ້ໂດຍສານທັງຢູ່ຊັ້ນ 1 ແລະ ເທິງຊັ້ນ 2 ໄດ້. 


ຊັ້ນ 1 ມີທັງໝົດ 16 ບ່ອນນັ່ງ, ໃນນັ້ນ ມີ 2 ບ່ອນສຳລັບໃຫ້ ຜູ້ພິການ.


ນັກທ່ອງທ່ຽວຮູ້ສຶກປະທັບໃຈ ເມື່ອເປັນຄັ້ງທຳອິດ ໄດ້ສຳພັດການທ່ອງ ທ່ຽວ ເທິງລົດເມ 2 ຊັ້ນ ທ່ຽວຊົມ ຮ່າໂນ້ຍ.


ທ່ານ ດັ້ງຊວນກວ໋ານ (ເມືອງ ບາດິ່ງ, ຮ່າໂນ້ຍ) ໃຫ້ຮູ້ວ່າ ນີ້ແມ່ນເທື່ອ ທຳອິດ ລາວໄດ້ນຳໃຊ້ບໍລິການນີ້ ແລະ ຫວັງວ່າ ໃນອະນາຄົດຈະມີລົດເມແບບນີ້ ຫຼາຍຄັນກວ່າ ເພື່ອໂຄສະນາເຜີຍແຜ່ ການທ່ອງທ່ຽວ ຂອງນະຄອນຫຼວງ ເຖິງປະຊາຊົນ ແລະ ນັກທ່ອງທ່ຽວຕ່່າງປະເທດ.

ທ່ານ ຫງວຽນເທຮຸ່ງ, ຮອງປະທານຄະນະກຳມະການປະຊາຊົນ ຮ່າ ໂນ້ຍ ໃຫ້ຮູ້ວ່າ ລົດເມ 2 ຊັ້ນ ມີບົດບາດສຳຄັນໃນເປົ້າໝາຍ ພັດທະ ນາການຄົມມະນາຄົມຢູ່ ຮ່າໂນ້ຍ. ຈຳນວນນັກທ່ອງທ່ຽວ ມາທ່ຽວ ຮ່າ ໂນ້ຍ ໃນປີ 2017 ບັນລຸໄດ້ເກືອບ 24 ລ້ານເທື່ອຄົນ, ເພີ່ມຂຶ້ນ 9% ເມື່ອທຽບກັບປີ 2016. ຕາມການຄາດຄະເນຂອງພະແນກ ການທ່ອງ ທ່ຽວ, 6 ເດືອນຕົ້ນປິ 2018, ຈຳນວນນັກທ່ອງທ່ຽວ ທີ່ມາຢ້ຽມຢາມ ນະ ຄອນຫຼວງ ຈະຮັກສາໄດ້ລະດັບ 26% ເມື່ອທຽບ ກັບປີ 2017. ດ້ວຍທ່າ ແຮງບົ່ມຊ້ອນທີ່ຍິ່ງໃຫຍ່ຂອງການທ່ອງທ່ຽວ, ຮ່າໂນ້ຍ ມອບ ໃຫ້ Transerco ຂະຫຍາຍລະລົບບໍລິການ Hanoi City tour.

ດ້ວຍຫຼັກນຳ ການທ່ອງທ່ຽວສີວິໄລ, ໃກ້ຊິດ ແລະ ເປັນອາຊີບ, ບໍລິ ການທ່ອງທ່ຽວລົດເມ 2 ຊັ້ນ ຈະເຮັດໃຫ້ນັກທ່ອງທ່ຽວທັງພາຍໃນ ແລະ ຕ່າງປະເທດ ມີຄວາມປະທັບໃຈ ໃນການທ່ອງທ່ຽວ ຂອງຕົນ ຢູ່ນະຄອນຫຼວງ ຮ່າໂນ້ຍ.

ເສັ້ນທາງທີ່ຕ້ອງຜ່ານໄປຂອງລົດເມ 2 ຊັ້ນໃນ Hanoi City tour:
- ວັນທໍາມະດາ: ສະຖານີລົດເມ 2 ຊັ້ນ (ຢູ່ໜອງເກືອມ) - ເລຖາຍໂຕ - ຈ່າງທີ - ດ້ຽນບຽນຝູ໋ - ໂດກເລີບ - ຮວ່າງວັນທຸ - ຮຸ່ງເວືອງ - ແທງ ນຽນ - ອຽນຝູ້ - ແທງນຽນ - ຮຸ່ງເວືອງ - ຟານດິ່ງຝຸ່ງ - ຮວ່າງຢ້ຽວ - ເລຮ່ົງຟອງ - ຮຸ່ງເວືອງ - ຫງວຽນຖາຍຮ໋ອກ - ວັນມຽວກວກຕືຢາມ - ຕົນດຶກຖັງ - ຫງວຽນຖາຍຮອກ - ເກືອນາມ - ຟານໂບ້ຍເຈົາ - ຫຼີ ເທື່ອງກຽດ - ຟານຈູຈິງ - ຮາຍບ່າຈຶງ - ເລແທງຕົງ - ຈ່າງຕ່ຽນ - ດິງ ຕຽນຮວ່າງ - ສະຖານີລົດເມ 2 ຊັ້ນ (ຢູ່ໜອງເກືອມ).

- ທ້າຍອາທິດ: ໂຮງມະໂຫລະສົບ - ໂງກວ່ຽນ - ຫຼີເທ່ືອງກຽດ - ກວາງ ຈຸງ -ຈ່າງທີ - ດ້ຽນບຽນຝູ໋ - ໂດກເລີບ - ຮວ່າງວັນທຸ - ຮຸ່ງເວືອງ - ແທງນຽນ - ອຽນຝູ້ - ແທງນຽນ - ຮຸ່ງເວືອງ - ຟານດິ່ງຝຸ່ງ - ຮວ່າງ ຢ້ຽວ - ເລຮ່ົງຟອງ - ຮຸ່ງເວືອງ - ຫງວຽນຖາຍຮ໋ອກ - ວັນມຽວກວກ ຕືຢາມ - ຕົນດຶກຖັງ - ຫງວຽນຖາຍຮ໋ອກ - ເກືອນາມ - ຟານໂບ້ຍ ເຈົາ - ຫຼີເທື່ອງກຽດ - ຟານຈູຈິງ - ຮາຍບ່າຈຶງ - ເລແທງຕົງ -ໂຮງ ມະໂຫລະສົບ.
ບົດ ແລະ ພາບ: ກົງດາດ
ບັນດາບົດທີ່ຖືກນຳສະເໜີ