24/02/2019 20:20 GMT+7 Email Print Like 0

ທ່ານ ນາຍົກລັດຖະມົນຕີ ຫງວຽນຊວນຟຸກ ເຮັດວຽກກັບກະ ຊວງ ການຕ່າງປະເທດ ກ່ຽວກັບວຽກງານ ກະກຽມໃຫ້ແກ່ ກອງ ປະຊຸມສຸດຍອດ ສ ອາເມລິກາ - ສປປ ເກົາຫຼີ

ຕອນບ່າຍວັນທີ 24 ກຸມພາ 2019, ທີ່ສຳນັກງານການຕ່າງປະເທດ, ທ່ານ ນາຍົກລັດຖະມົນຕີ ຫງວຽນຊວນຟຸກ ໄດ້ມີການ ເຮັດວຽກກັບກະຊວງການຕ່າງປະເທດ, ກວດກາ ແລະ ຊີ້ນຳວຽກງານ ຂອງ ກະຊວງການຕ່າງປະເທດ ເພື່ອກະກຽມ ໃຫ້ວຽກງານການຈັດຕັ້ງ ກອງປະຊຸມສຸດຍອດ ສ ອາເມລິກາ - ສປປ ເກົາຫຼີ ຄັ້ງທີ 2. 

ທ່ານ ນາຍົກລັດຖະມົນຕີ ຫງວຽນຊວນຟຸກ ກ່າວປາໄສ ໃນ ບ່ອນເຮັດວຽກ. ພາບ: ກົງດາດ

ທ່ານນາຍົກລັດຖະມົນຕີ ຫງວຽນຊວນຟຸກ ຊີ້ນຳໃຫ້ ກະຊວງການຕ່າງປະເທດ ຕ້ອງສືບຕໍ່ເພີ່ມທະວີ ວຽກງານເປັນເຈົ້າ ພາບ,
ປະສານສົມທົບ ກັບບັນດາກະຊວງ, ຂະແໜງການ, ທ້ອງຖິ່ນ ເພື່ອຮັບປະກັນວຽກງານການຈັດຕັ້ງ ກອງປະຊຸມ ສຸດ ຍອດ
ສ ອາເມລິກາ - ສປປ ເກົາຫຼີ ຄັ້ງທີ 2 ໄດ້ຮັບປະສົມສຳເລັດ. ພາບ: ກົງດາດ

ເຂົ້າຮ່ວມເຮັດວຽກ ຂອງ ທ່ານນາຍົກລັດຖະມົນຕີ ລວມມີຜູ້ນຳ ກະຊວງການຕ່າງປະເທດ, ຜູ້ນຳ ແລະ ພະນັກງານ
ຂອງບັນດາໜ່ວຍງານໃນກະຊວງ ຢ່າງຄົບຖ້ວນ. ພາບ: ກົງດາດ
 
ຕາງໜ້າການນຳກະຊວງການຕ່າງປະເທດ, ທ່ານ ຮອງລັດຖະ ມົນຕີ ກະຊວງການຕ່າງປະເທດ ເລຮວ່າຍຈຸງ ໄດ້ລາຍງານສະ ພາບການຮອບດ້ານ ຕໍ່ ທ່ານນາຍົກລັດຖະມົນຕີ ຫງວຽນ ຊວນ ຟຸກ ກ່ຽວກັບວຽກງານທຸກດ້ານ ໃນການກະກຽມໂດຍລະອຽດ ຂອງ ກະຊວງການຕ່າງປະເທດ, ວຽກງານປະສານສົມທົບກັບບັນດາກະຊວງ, ຂະແໜງການ, ທ້ອງຖິ່ນທີ່ກ່ຽວຂ້ອງ, ໂດຍສະເພາະຢ່າງຍິ່ງແມ່ນໃນດ້ານປ້ອງກັນຄວາມສະ ຫງົບ, ພິທີການຕ້ອນຮັບ, ພະລາທິການ ແລະ ສື່ຂ່າວ…

ທ່ານ ນາຍົກລັດຖະມົນຕີ ຫງວຽນຊວນຟຸກ ເນັ້ນໜັກວ່າ ກະ ຊວງການຕ່າງປະເທດ ຕ້ອງສືບຕໍ່ຕິດຕາມຢ່າງໃກ້ຊິດ ການຊີ້ນຳ ຂອງ ການນຳຂັ້ນສູງ, ລະດົມ ທົ່ວລະບົບບັນດາໜ່ວຍງານ, ພະນັກງານ ລັດຖະກອນໃນກະຊວງ  ພ້ອມແລ້ວທີ່ຈະແກ້ໄຂ ເຫດການ ທີ່ເກີດຂຶ້ນ ໂດຍບັງເອີນຢ່າງທັນການ, ຮັບປະກັນແຫຼ່ງສື່ຂ່າວໄດ້ລຸລ່ວງໂດຍດີ, ຕອບສະໜອງ ໃຫ້ດີທີສຸດ ຄຳສະເໜີ ຂອງຝ່າຍຕ່າງໆ ທີ່ກ່ຽວຂ້ອງ, ນັບທັງບັນດາບັນຫາທີ່ເກີດຂຶ້ນ ກ່ຽວກັບພິທີການຕ້ອນຮັບ, ພະລາທິການ, ສື່ຂ່າວ ໂຄສະນາເຜີຍແຜ່, ສະແດງໃຫ້ເຫັນນຳ້ໃຈຮັກແຂກແພງຄົນ ແຜ່ຂະຫຍາຍຮູບພາບອັນຈົບງາມ ກ່ຽວກັບ ປະເທດຊາດ ແລະ ຜູ້ຄົນ ຫວຽດນາມ ຕໍ່ຊາວໂລກ.
 
ໂດຍ: ກົງດາດ/VNP