31/05/2017 11:20 GMT+7 Email Print Like 0

ທ່ານ ນາຍົກລັດຖະມົນຕີ ຫວຽດນາມ ຫງວຽນຊວນຟຸກ ເລີ່ມຕົ້ນການເຄື່ອນໄຫວຢ້ຽມຢາມ ອາເມລິກາ

      ຕອນເຊົ້າວັນທີ 29 ພຶດສະພາ, ຕາມເວລາ ອາເມລິກາ (ກົງກັບຕອນຄໍ່າວັນທີ 29 ພຶດສະພາ ຕາມເວລາ ຫວຽດນາມ). 
ທ່ານນາຍົກລັດຖະມົນຕີ ຫງວຽນຊວນຟຸກ ໃນການຢ້ຽມຢາມ ອາເມລິກາ
      ທ່ານ ນາຍົກລັດຖະມົນຕີ ຫງວຽນຊວນຟຸກ ນຳພາຄະນະຜູ້ແທນຂັ້ນສູງ ຫວຽດນາມ ເດີນທາງເຖິງສະໜາມບິນ Kennedy, Newyork, ເລີ່ມຕົ້ນການຢ້ຽມຢາມ ສະຫະລັດອາເມລິກາ ຢ່າງເປັນທາງການ, ຕາມຄໍາເຊື້ອເຊີນຂອງ ທ່ານ Donald Trump ປະທານາທິບໍດີ ອາເມລິກາ. ອອກຕ້ອນຮັບ ທ່ານນາຍົກລົດຖະມົນຕີ ມີ ທ່ານ ຟ້າມກວາງວິງ ເອກອັກຄະລັດຖະທູດຫວຽດນາມ ປະຈຳ ອາເມລິກາ; ທ່ານ ນາງ ຫງວຽນເຟືອງງາ ເອກອັກຄະລັດຖະທູດ, ຫົວໜ້າຄະນະຜູ້ແທນຫວຽດນາມ ປະຈຳ ສະຫະປະຊາຊາດ ແລະ ພະນັກງານອີກຫຼາຍທ່ານ.
        ຕາມໂຄງການດຳເນີນງານ, ທ່ານ ນາຍົກລັດຖະມົນຕີ ຫງວຽນຊວນຟຸກ ມີການພົບປະເຈລະຈາກັບ ທ່ານ Donald Trump,  ພົບປະກັບ ສ.ສ.ຊ ແລະ ລັດຖະມົນຕີ ບາງທ່ານ ຂອງອາເມລິກາ, ເຂົ້າຮ່ວມການໂອ້ລົມສົນທະນາ ແລະ ພົບປະກັບບັນດາວິສາຫະກິດ ອາເມລິກາ, ກ່າວຄຳເຫັນໃນກອງທຶນມໍລະດົກ, ພົບປະກັບປະຊາຄົມຊາວຫວຽດນາມ ປະຈຳ ອາເມລິກາ.
        ໃນຕອນບ່າຍວັນດຽວກັນຕາມເວລາທ້ອງຖິ່ນ, ທ່ານ ຫງວຽນຊວນຟຸກ ມີການຕ້ອນ ຮັບນັກທຸລະກິດ ແລະ ປັນຍາຊົນຊາວອາເມລິການ ເຊື້ອຊາດ ຫວຽດນາມ ຈຳນວນໜຶ່ງ ແລະ ໂອ້ລົມກັບພະນັກງານ, ພາລະກອນຄະນະຜູ້ຕາງໜ້າ ຫວຽດນາມ ປະຈຳ ສະຫະປະຊາຊາດ.
        ເນື່ອງໃນໂອກາດສະເຫຼີມສະຫຼອງ 40 ປີ ແຫ່ງວັນຫວຽດນາມ ເຂົ້າເປັນສະມາຊິກ ສະຫະປະຊາຊາດ (1977-2017), ໃນຂອບເຂດການຢ້ຽມຢາມ, ທ່ານ ຫງວຽນຊວນຟຸກ ຈະຢ້ຽມຢາມນະຄອນ New York,  ພົບປະ ທ່ານ Antonio Guterres ເລຂາທິການໃຫຍ່ ສ.ປ.ຊ ແລະ ເຂົ້າຮ່ວມພິທີສະເຫຼີມສະຫຼອງ 40 ປີ ແຫ່ງວັນຫວຽດນາມ ເຂົ້າເປັນສະມາຊິກ ສະຫະປະຊາຊາດ.
 (ແຫຼ່ງຄັດຈາກ VOV)