24/02/2016 14:38 GMT+7 Email Print Like 0

ທ່ານເອກອັກຄະລັດຖະທູດ Ted Osius ແລະ “ສາຍຜູກພັນ” ກັບຫວຽດນາມ

ດ້ວຍຄວາມໃກ້ຊິດສະໜິດສະໜົມ, ຂ້ອນຂ້າງເກ່ັງພາສາຫວຽດພໍສົມ ຄວນໄປພ້ອມກັບຄວາມອອກແຮງປະກອບສ່ວນເຂົ້າໃນການເພີ່ມທະວີ ການພົວພັນລະຫວ່າງສອງປະເທດ ຫວຽດນາມ-ອາເມລິກາ, ທ່ານ Ted Osius, ເອກອັກຄະລັດຖະທູດຜູ້ມີອຳນາດເຕັມອາເມລິກາ ປະຈຳຫວຽດ ນາມ ໄດ້ປະໄວ້ຄວາມຮູ້ສຶກ ແລະ ຄວາມປະທັບໃຈອັນດີງາມຕໍ່ປະຊາ ຊົນ ຫວຽດນາມ. 
ກ່ອນຈະໄປຮັບຕຳແໜ່ງໃໝ່ຢູ່ຫວຽດນາມ, ທ່ານ ເອກອັກຄະລັດ ຖະທູດ Ted Osius ໄດ້ໄຂຄວາມໃນໃຈໃນໜ້າ Facebook ສ່ວນຕົວ ຂອງຕົນວ່າ: “ການຕົກລົງ ຂອງທ່ານປະທານາທິບໍດີ Obama ແຕ່ງຕັ້ງໃຫ້ຂ້າພະເຈົ້າດຳລົງຕຳແໜ່ງ ເປັນເອກອັກຄະລັດຖະທູດຄົນໃໝ່ຂອງອາເມລິກາ ປະຈຳຫວຽດນາມ ມັນໄດ້ເຮັດໃຫ້ ຄວາມໄຝ່ຝັນຂອງຕົນ ກາຍເປັນຄວາມຈິງແລ້ວ”.

ແລະ “ຄວາມຝັນ” ດັ່ງກ່າວນັ້ນ ທ່ານເອກອັກຄະລັດຖະທູດ Ted Osius ໄດ້ເຮັດໃຫ້ກາຍເປັນຄວາມຈິງ ດ້ວຍຄວາມອອກເຫື່ອເທແຮງອັນຍິ່ງໃຫຍ່ເຂົ້າໃນການຊຸກຍູ້ພັດທະນາສາຍພົວພັນລະຫວ່າງ ສອງ ປະເທດ, ໃນນັ້ນມີໝາກຜົນທີ່ໜ້າສົນໃຈແມ່ນການຍົກລະດັບ ການພົວພັນສອງປະເທດ ຂຶ້ນເປັນການພົວພັນຮ່ວມມືຮອບດ້ານ, ຊວນເຊື່ອລັດຖະບານອາເມລິກາຍົກເລີກຄຳສັ່ງຂວ້ຳບາດອາວຸດລ້າງຜານໃຫ້ແກ່ຫວຽດນາມສຳເລັດຜົນ, ຊ່ວຍສະຫນັບສະໜູນ ຫວຽດນາມໃນຂະບວນການເຈລະຈາສັນຍາ TPP ປະສົບຄວາມສຳເລັດ , ແລະ ພິເສດແມ່ນການໄປຢ້ຽມຢາມຄັ້ງປະຫວັດສາດ ບັນລຸໝາກຜົນອັນຈົບງາມ ຂອງທ່ານເລຂາທິການໃຫຍ່ ຫງວຽນຝູ໋ຈ້ອງທີ່ອາເມລິກາ ຕາມຄຳເຊີນຂອງທ່ານປະທານາທິບໍດີ ອາເມລິກາ Barack Obama…

ເວົ້າເຖິງການພົວພັນຫວຽດນາມ-ອາເມລິກາ, ທ່ານ ເອກອັກຄະລັດຖະ ທູດ Ted Osius ໄດ້ຢືນຢັນວ່າ, ການພົວພັນ ຫວຽດນາມ-ອາເມລິກາ ປະຈຸບັນແມ່ນດີທີສຸດຕັ້ງແຕ່ກ່ອນມາຮອດປັດຈຸບັນ ແລະ ສາຍພົວພັນ ດັ່ງກ່າວຈະຍັງສືບຕໍ່ພັດທະນາຕໍ່ໄປ, ໃນນັ້ນມີບາງຂົງເຂດແມ່ນໄດ້ “ສຸກງອມ” ແລ້ວ ເພື່ອສາມາດກ້າວໄປໄກກວ່ານີ້ອີກເຊັ່ນ: ດ້ານການ ເມືອງ, ການທູດ, ເສດຖະກິດ-ການຄ້າ, ວິທະຍາສາດ-ເຕັກໂນໂລຊີ, ສາທາລະນະສຸກ-ສິ່ງແວດລ້ອມ ແລະ ການສຶກສາ.

ບໍ່ພຽງແຕ່ອອກແຮງໃນການຊຸກຍູ້ສາຍພົວພັນ ລະຫວ່າງສອງປະເທດເທ່ົານັ້ນ, ທ່ານເອກອັກຄະລັດຖະທູດ Ted Osius ຍັງສະແດງໃຫ້ເຫັນພາບຂອງນັກການທູດຜູ້ໜຶ່ງທີ່ມີຄວາມໃກ້ຊິດສະໜິດສະໜົມ, ເປີດອົກ ເປີດໃຈ ແລະ ຮູ້ດີຕໍ່ບັນຫາວັດທະນະທຳ ແລະ ຮີດຄອງປະເພນີຂອງ ຫວຽດນາມອີກດ້ວຍ.


ທ່ານເອກອັກຄະລັດຖະທູດ Ted Osius ເຂົ້າຮ່ວມການສົນທະນາ ວ່າດ້ວຍວິທະຍາສາດ ການພົວພັນຮ່ວມມືຮອບດ້ານ
ລະຫວ່າງ ຫວຽດ ນາມ-ອາເມລິກາ. ພາບ: ເລຮ໋ຽວ



ທ່ານເອກອັກຄະລັດຖະທູດ Ted Osius ເຂົ້າຮ່ວມການສົນທະນາ ວ່າດ້ວຍວິທະຍາສາດ ການພົວພັນຮ່ວມມືຮອບດ້ານ
ລະຫວ່າງ ຫວຽດນາມ-ອາເມລິກາ. ພາບ: ເຈີ່ນແທງຢາງ



ເນື່ອງໃນໂອກາດວັນຄູແຫ່ງຊາດຫວຽດນາມ (20/11), ທ່ານ ເອກອັກຄະລັດຖະທູດ Ted Osius ໄດ້ພ້ອມກັບຄອບຄົວໄປຢ້ຽມຢາມ
ວັນມ໋ຽວ-ກວກຕືຢາມ ຢູ່ຮ່າໂນ້ຍ ຊຶ່ງເປັນມະຫາວິທະຍາໄລແຫ່ງທຳອິດ ຂອງຫວຽດນາມ. ພາບ: ເຈີ່ນແທງຢາງ



ທ່ານເອກອັກຄະລັດຖະທູດ Ted Osius ພ້ອມກັບບັນດາສະມາຊິກ ຂອງສະຖານທູດອາເມລິກາ ຢ້ຽມຢາມໝູ່ບ້ານ SOS ຮ່າໂນ້ຍ. ພາບ: ເລຮ໋ຽວ


ເນື່ອງໃນໂອກາດບຸນວູລານ ຊຶ່ງເປັນງານບຸນຕອບບຸນແທນຄຸນຜູ້ໃຫ້ ກຳເນີດຂອງຄົນຫວຽດນາມ, ທ່ານເອກອັກຄະລັດຖະທູດ Ted Osius 
ແລະ ເອື້ອຍຄີງໄດ້ຈັດພິທີຖະຫວາຍເສື້ອແດງໃຫ້ແມ່ຂອງຕົນເພື່ອເປັນ ການສະແດງ
ການຕອບບຸນແທນຄຸນຜູ້ໃຫ້ກຳເນີດ. ພາບ: ເຈີ່ນແທງຢາງ



ທ່ານເອກອັກຄະລັດຖະທູດ Ted Osius ສະແດງຄວາມເຄົາລົບ ນັບຖືຕໍ່ບັນດາທ່ານຍາຄູໃນວັນບຸນວູລານ ປີ 2015. ພາບ: ເຈີ່ນແທງຢາງ


ທ່ານເອກອັກຄະລັດຖະທູດ Ted Osius ປ່ອຍປາໄນສາມໂຕ ລົງໜອງໄຕ ໃນມື້ວັນບຸນໄຫວ້ຂວັນເຕົາໄຟ
ຕາມຮີດຄອງປະເພນີ ຂອງຄົນຫວຽດນາມ. ພາບ: ເລຮ໋ຽວ

 

ທ່ານເອກອັກຄະລັດຖະທູດ Ted Osius ເປັນນັກການທູດຢ່າງມືອາຊີບ ຂອງອາເມລິກາ. ກ່ອນຈະໄດ້ຮັບການແຕ່ງຕັ້ງເປັນເອກອັກຄະລັດຖະ ທູດປະຈຳຫວຽດນາມ, ທ່ານເຄີຍດຳລົງຫຼາຍຕຳແໜ່ງທີ່ສຳຄັນ ໃນຂະ ແໜງການການທູດເຊັ່ນ: ຮອງເອກອັກຄະລັດຖະທູດ ອາເມລິກາ ປະຈຳອິນ ໂອເນເຊຍ; ທີ່ປຶກສາດ້ານການເມືອງສະຖານທູດອາເມລິກາ ປະຈຳ ອິນເດຍ; ຮອງຜູ້ອຳນວຍການຫ້ອງການກ່ຽວກັບແຫຼມເກົາຫຼີ; ເປັນທີ່ປຶກ ສາຂັ້ນສູງກ່ຽວກັບບັນຫາສາກົນທີ່ສຳນັກງານຮອງປະທານາທິບໍດີ…
ໃນງານຕ້ອນຮັບປີໃໝ່ປີມະເມັຍ 2015, ເປັນປີໃໝ່ປີທຳອິດຢູ່ຫວຽດ ນາມໃນຖານະເປັນເອກອັກຄະລັດຖະທູດ, ທ່ານ Ted Osius ໄດ້ສ້າງ ພາບອັນຈົບງາມດ້ວຍການອັດວີດີໂອ ກລິບ “ສະບາຍດີ ຫວຽດນາມ!” ລົງໃນໜ້າ facebook ເພື່ອອວຍພອນປີໃໝ່ ແລະ ແບ່ງປັນຄວາມ ຮູ້ສຶກຂອງຕົນກ່ຽວກັບປີໃໝ່ປະເພນີຫວຽດນາມ.

ໃນມື້ວັນບຸນໄຫວ້ຂວັນເຕົາໄຟ, ທ່ານເອກອັກຄະລັດ ຖະທູດ Ted Osius ໄດ້ພ້ອມກັບຄອບຄົວກໍ່ໄດ້ປ່ອຍປາໄນທີ່ໜອງໄຕຄືກັນກັບຫຼາຍໆຄອບຄົວຄົນ ຫວຽດນາມຢູ່ຮ່າໂນ້ຍ, ແລະ ຫລາຍຄົນ ຍິ່ງຕົກຕະລຶງເມື່ອພົບພໍ້ທ່ານໄປຕະຫຼາດ ຊື້ເຄື່ອງຂອງກະກຽມຕ້ອນ ຮັບປີໃໝ່  ແລະ ລົງມືຫໍ່ເຂົ້າຕົ້ມດ້ວຍຕົນເອງ. ຜ່ານການເຮັດຕົວຈິງ ວຽກ ຕ່າງໆເຫລົ່ານັ້ນ ບໍ່ພຽງແຕ່ສະແດງໃຫ້ເຫັນວ່າ ທ່ານ Ted Osius ຢາກ ຮູ້ດີຕໍ່ບັນຫາ ຫາກຍັງມີຄວາມເຄົາລົບນັບຖື ແລະ ມີຄວາມຫວັງຢາກຄົ້ນ ພົບສິ່ງປະທັບໃຈຂອງ ວັດທະນະທຳອັນເປັນມູນເຊື້ອຂອງຄົນຫວຽດ ນາມອີກດ້ວຍ.

ທ່ານເອກອັກຄະລັດຖະທູດ Ted Osius ເຄີຍມັກເຂົ້າຮ່ວມງານບຸນ ໃຫຍ່ຕ່າງໆກ່ຽວກັບວັດທະນະທຳອັນເປັນມູນເຊື້ອຂອງຄົນຫວຽດນາມ. ທ່າມກາງຫ່າຝົນຕົກປານຖອກນ້ຳຂອງມື້ວັນເພງເດືອນເຈັດ (ຕາມຈັນ ທະປະຕິທິນ), ຫຼາຍຄົນໄດ້ພົບພໍ້ທ່ານ ແລະ ຄອບຄົວໄປເຂົ້າຮ່ວມບຸນ ວູລານ (ງານຕອບບຸນແທນຄຸນຜູ້ໃຫ້ກຳເນີດຂອງຄົນຫວຽດນາມ) ທີ່ວັດ ກວ໋ານສື໋, ຮ່າໂນ້ຍ. ແລະ ເມື່ອບໍ່ດົນມານີ້, ເນື່ອງໃນໂອກາດວັນຄູແຫ່ງ ຊາດຫວຽດນາມ (20/11), ທ່ານກໍ່ໄດ້ພ້ອມກັບຄອບຄົວ ໄປຈູດທູບ ທຽນທີ່ວັນມ໋ຽວ-ກວກຕືຢາມ (ມະຫາວິທະຍາໄລ ແຫ່ງທຳອິດ ຂອງ ຫວຽດນາມ). ຢູ່ທີ່ນີ້, ທ່ານໄດ້ເລົ່າຄືນຄຳເວົ້າທີ່ມີຊື່ສຽງຂອງ ທ່ານປະ ທານໂຮ່ຈີມິນວ່າ: “ເພື່ອຜົນປະໂຫຍດສິບປີຕ້ອງປູກຕົ້ນໄມ້, ເພື່ອຜົນ ປະໂຫຍດຮ້ອຍປີຕ້ອງສ້າງມະນຸດ”.

ທ່ານເອກອັກຄະລັດຖະທູດ Ted Osius ເປັນຄົນທີ່ມີຄວາມຫ້າວຫັນ ທີສຸດໃນການເຄື່ອນໄຫວສັງຄົມເຊ່ັນ: ເຂົ້າຮ່ວມຂະບວນການຂີ່ລົດຈັກ ເພື່ອປຸກລະດົມການໃສ່ໝວກກັນທະທົບ, ຖີບລົດເພື່ອສິ່ງແວດລ້ອມ, ເຂົ້າຮ່ວມການບໍລິຈາກເລືອດ… ພິເສດ, ທ່ານຍັງ ປະຕິບັດການ ຖີບລົດທະລຸຜ່ານປະເທດຫວຽດນາມ, ໄປຢ້ຽມຢາມທົ່ງນາຮົ້ວສວນ, ໂອ້ລົມ ກັບຊາວກະສິກອນ. ນີ້ຄືວິທີການຜ່ານປະສົບການຕົວຈິງໜຶ່ງບໍ່ມີ ສອງຂອງນັກການທູດສຸດພິເສດ.

ຍ້ອນແນວນັ້ນ, ຫາກໍ່ໄດ້ຫນຶ່ງປີດຳລົງຕຳແໜ່ງເປັນເອກອັກຄະລັກຖະ ທູດແຕ່ພາບຂອງທ່ານ Ted Osius ໄດ້ກາຍເປັນພາບທີ່ເຄີຍຊິນ ແລະ ໄດ້ປະກົດຕົວເປັນປະຈຳໃນໜ້າໜັງສືພິມຂອງຫວຽດນາມ. ນັ້ນຄືພາບ ຂອງທ່ານເອກອັກຄະລັດຖະທູດໜຶ່ງ ທີ່ໃກ້ຊິດສະໜິດສະໜົມ, ມີຄວາມ ຮູ້ດີຕໍ່ວັດທະນະທຳ ແລະ ຮີດຄອງປະເພນີ ຫວຽດນາມ ແລະ ໄດ້ອອກ ເຫື່ອແຮງເພື່ອການພັດທະນາລວມຂອງສອງປະເທດຫວຽດນາມ-ອາເມ ລິກາ. 
ບົດ: ຖາວວີ - ພາບ: ເຈີ່ນແທງຢາງ, ເລຮ໋ຽວ
ບັນດາບົດທີ່ຖືກນຳສະເໜີ