06/09/2018 09:15 GMT+7 Email Print Like 0

ທ່ານເລຂາທິການໃຫຍ່ ຫງວຽນຝູຈ້ອງ ຢ້ຽມຢາມລັດເຊຍຢ່າງເປັນທາງການ

      ຕອນເຊົ້າວັນທີ 5 ກັນຍາ, ຕາມເວລາມົດສກູ, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຝູຈ້ອງ ພ້ອມດ້ວຍຄະນະໄດ້ໄປຮອດມົດສກູ ເລີ່ມຕົ້ນການຢ້ຽມຢາມສະຫະພັນລັດເຊຍຢ່າງເປັນທາງການຕາມຄຳເຊີນຂອງປະທານາທິບໍດີລັດເຊຍ ປູຕິນ.

ທ່ານເລຂາທິການໃຫຍ່ ຫງວຽນຝູຈ້ອງມາຮອດສະໜາມບິນເວີນູໂກໂວ 2, ມົດສກູ
      ອອກຕ້ອນຮັບທ່ານເລຂາທິການໃຫຍ່ ຫງວຽນຝູຈ້ອງຢູ່ສະໜາມບິນ, ມີການນຳກະຊວງການຕ່າງປະເທດລັດເຊຍ, ເອກອັກຄະລັດຖະທູດຂອງລັດເຊຍປະຈຳຫວຽດນາມ ແລະ ເອກອັກຄະລັດຖະທູດຫວຽດນາມປະຈຳລັດເຊຍໂງດຶກແມ້ງ; ບັນດາເອກອັກຄະລັດຖະທູດບັນດາປະເທດອາຊຽນປະຈຳລັດເຊຍ ພ້ອມກັບບັນດາພະນັກງານສະຖານທູດຫວຽດນາມ ແລະ ພໍ່ແມ່ພີນ້ອງຊາວຫວຽດນາມປະຈຳລັດເຊຍຢ່າງຫຼວງຫຼາຍ.
    ພິທີຕ້ອນຮັບທ່ານເລຂາທິການໃຫຍ່ ຫງວຽນຝູຈ້ອງ ແລະ ຄະນະ ຖືກຈັກຂຶ້ນຢູ່ສົມກຽດຢູ່ສະໜາມບິນ ເວີນູໂກໂວ 2.
                  ການຢ້ຽມຢາມສະຫະພັນລັດເຊຍ ຂອງທ່ານເລຂາທິການໃຫຍ່ ຫງວຽນ ຟຸຈ້ອງໃນຄັ້ງນີ້ແມ່ນມີຄວາມໝາຍສຳຄັນພິເສດ, ປະກອບສ່ວນເຮັດ ໃຫ້ການ ພົວພັນ ຄູ່ຮ່ວມມືຍຸດທະສາດຮອບດ້ານລະຫວ່າງຫວຽດນາມ - ສະຫະພັນລັດເຊຍ ເລິກເຊິ່ງກວ່າ, ປັບປຸງຄວາມໄວ້ເນື້ອເຊື່ອໃຈດ້ານການເມືອງ, ເພີ່ມທະວີຄວາມຜູກພັນຍຸດທະສາດ, ຢືນຢັນແຜນນະໂຍບາຍສະເໝີຕົ້ນ ສະເໝີປາຍຂອງຫວຽດນາມ ແມ່ນຖືລັດເຊຍ ເປັນຄູ່ຮ່ວມມືແຖວໜ້າ ໃນນະໂຍບາຍການຕ່າງປະເທດ ແລະ ຊຸກຍູ້ບັນດາການຮ່ວມມືໃນທຸກຂົງເຂດ ລະຫວ່າງ 2 ປະເທດ.. 
 (ແຫຼ່ງຄັດຈາກ VOV)