29/08/2018 09:20 GMT+7 Email Print Like 0

ທ່ານເລຂາທິການໃຫຍ່ ຫງວຽນຝຸຈ້ອງ ຕ້ອນຮັບຄະນະຜູ້ແທນຂັ້ນສູງພັກຂະບວນການເບື້ອງຊ້າຍເອກະພາບ (MIU) ແຫ່ງ ສາທາລະນະລັດ ໂດມີນິກ

ຕອນບ່າຍວັນທີ 27 ສິງຫາ, ຢູ່ສໍານັກງານສູນກາງພັກ ກອມມູນິດຫວຽດນາມ, ທ່ານ ຫງວຽນຝຸຈ້ອງ ເລຂາທິການໃຫຍ່  ຄະນະບໍລິຫານງານສູນກາງພັກກອມມູນິດຫວຽດນາມ ໄດ້ໃຫ້ການຕ້ອນຮັບ ທ່ານ  Miguel Mejia ເລຂາທິການໃຫຍ່ ພັກຂະບວນການຝ່າຍຊ້າຍເອກະພາບ (MIU),  ລັດຖະມົນຕີກະຊວງນະໂຍບາຍເຊື່ອມໂຍງເຂົ້າກັບພາກພື້ນ ແຫ່ງ ສາທາລະນະລັດ ໂດມິນິກ.


ທ່ານເລຂາທິການໃຫຍ່ ຫງວຽນຝຸຈ້ອງ ຕ້ອນຮັບທ່ານ  Miguel Mejia ເລຂາທິການໃຫຍ່ ພັກຂະບວນການຝ່າຍຊ້າຍເອກະພາບ

(ພາບ: TTXVN)

ນະທີ່ນີ້, ທ່ານເລຂາທິການໃຫຍ່ ຫງວຽນຝຸຈ້ອງ ຖືວ່າ ໄລຍະຈະມາເຖິງ, ສອງພັກ ຄວນສືບຕໍ່ຊຸກຍູ້ການພົວພັນຄືແລກປ່ຽນຄະນະຜູ້ແທນຂັ້ນຕ່າງໆ,ແບ່ງປັນບົດຮຽນໃນການປະຕິບັດຕົວຈິງ.  ທ່ານເລຂາທິການໃຫຍ່ ເຊື່ອໝັ້ນວ່າ ດ້ວຍບົດບາດສໍາຄັນໃນວຽກງານການເມືອງ ໂດມີນິກ, ພັກ MIU ຈະສືບຕໍ່ປະກອບສ່ວນຕັ້ງໜ້າເຂົ້າໃນການປັບປຸງການພົວພັນຮ່ວມມືລະຫວ່າງສອງປະເທດຫວຽດນາມ - ສ. ໂດມີນິກ ໃຫ້ດີ    ກວ່າເກົ່າ.

        ສ່ວນທ່ານ Miguel Mejia ເລຂາທິການໃຫຍ່ພັກ MIU  ຢັ້ງຢືນວ່າ ຈະເຮັດຈົນສຸດຄວາມສາມາດຂອງຕົນເພື່ອຊຸກຍູ້, ເພີ່ມທະວີການພົວພັນສາມັກຄີ, ມິດຕະພາບທີ່ເປັນມູນເຊື້ອລະຫວ່າງສອງພັກ, ປະຊາຊົນສອງປະເທດ, ໂດຍສະເພາະແມ່ນການພົວພັນດ້ານເສດຖະກິດ, ການຄ້າ, ການລົງທຶນ, ນໍາການພົວພັນສອງຝ່າຍໃຫ້ນັບມື້ນັບເຂົ້າສູ່ລ່ວງເລິກ, ແທດຈິງ ແລະມີປະສິດທິຜົນກວ່າ.

        ໃນໄລຍະຢ້ຽມຢາມຫວຽດນາມ, ທ່ານເລຂາທິການໃຫຍ່ Miguel Mejia ໄດ້ມີການພົບປະກັບທ່ານເລຂາອົງຄະນະພັກນະຄອນຮ່າໂນ້ຍ ຮວ່າງຈູງຫາຍ; ເຂົ້າຮ່ວມພິທີເປີດສະຫຼອງຮູບປັ້ນສາດສະດາຈານ Juan Bosch ຊາວ ໂດມີນິກ ຢູ່ສວນສາທາລະນະ ຮວ່າບິງ, ທີ່ນະຄອນຮ່າໂນ້ຍ; ມີການເຈລະຈາກັບຫົວໜ້າຄະນະພົວພັນຕ່າງປະເທດສູນກາງ ຮວ່າງບິງກວນ; ຢ້ຽມຢາມ ແລະ ເຮັດວຽກກັບກະຊວງການຕ່າງປະເທດ, ກຸ່ມບໍລິສັດ ອຸດສາຫະກໍາ - ໂທລະຄົມມະນາຄົມກອງທັບ Viettel  ແລະອື່ນໆ.

(ແຫຼ່ງຄັດຈາກ VOV)