27/12/2019 08:33 GMT+7 Email Print Like 0

ທ່ານເລຂາທິການໃຫຍ່, ປະທານປະເທດ ຫວຽດນາມ ຫງວຽນຝູຈ້ອງ ເປັນປະທານກອງປະຊຸມກົມການເມືອງ

      ວັນທີ 26 ທັນວາ, ຢູ່ສຳນັກງານສູນກາງພັກ, ທ່ານເລຂາທິການໃຫຍ່, ປະທານປະເທດ ຫວຽດນາມ ຫງວຽນຝູຈ້ອງໄດ້ເປັນປະທານກອງປະຊຸມກົມການເມືອງເພື່ອປະກອບຄຳຄິດເຫັນໃສ່ແຜນການເຮັດວຽກຂອງກົມການເມືອງ, ຄະນະເລຂາທິການ ປີ 2020, ພິຈາລະນາ, ຕົກລົງກ່ຽວກັບວຽກງານພະນັກງານ ແລະ ບາງບັນຫາສຳຄັນອື່ນ. 

ທ່ານເລຂາທິການໃຫຍ່, ປະທານປະເທດ ຫວຽດນາມ ຫງວຽນຝູຈ້ອງ ກ່າວຄຳເຫັນທີ່ກອງປະຊຸມກົມການເມືອງ (ພາບ: TTXVN)
      ສ່ວນການຄາດຄະເນແຜນການເຮັດວຽກຂອງປີ 2020, ກົມການເມືອງໄດ້ເຫັນດີກັບຂໍ້ສະເໜີຂອງຫ້ອງວ່າການສູນກາງພັກ. ທ່ານ ເລຂາທິການໃຫຍ່, ປະທານປະເທດ ຫວຽດນາມ ຫງວຽນຝູຈ້ອງ ເນັ້ນໜັກວ່າ: ປີ 2020 ເຊິ່ງແມ່ນປີກະກຽມກອງປະຊຸມໃຫຍ່ອົງຄະນະພັກທຸກຂັ້ນກ້າວໄປເຖິງກອງປະຊຸມໃຫຍ່ຄັ້ງທີ XIII ຂອງພັກ, ປີນີ້ມີຫຼາຍເຫດການການເມືອງສຳຄັນ, ການເລືອກເຟັ້ນເນື້ອໃນແຜນການເຮັດວຽກຂອງປີ 2020 ຄວນສຸມໃສ່ບັນດາເນື້ອໃນທີ່ມີຢູ່ໃນແຜນການທົ່ວສົກປີ ແລ້ວ. ຫ້ອງວ່າການສູນກາງພັກຄວນສົມທົບກັບບັນດາອົງການທີ່ສ່ວນກ່ຽວຂ້ອງຢ່າງແໜ້ນແຟ້ນ ກ່ວາອີກເພື່ອສືບຕໍ່ກວດກາຄືນ, ສະເໜີການເລືອກເຟັ້ນບັນດາເນື້ອໃນທີ່ຕ້ອງການຍື່ນສະເໜີຕໍ່ກົມການເມືອງ, ຄະນະເລຂາທິການປຶກສາຫາລື ໃຫ້ຖືກຕ້ອງ ແລະ ມີຈຸດສຸມ.
 (ແຫຼ່ງຄັດຈາກ VOV)