30/01/2018 13:16 GMT+7 Email Print Like 0

ທ່ານເລຂາທິການໃຫຍ່ຫງວຽນຟູ໋ຈ້ອງໄດ້ຮັບຫຼຽນ 50 ປີເປັນສະມາຊິກພັກ

      ຕອນບ່າຍວັນທີ 29 ມັງກອນ, ອົງຄະນະພັກຫ້ອງວ່າການສູນກາງພັກ ໄດ້ຈັດຕັ້ງພິທີປະດັບ ຫຼຽນ 50 ປີເປັນສະມາຊິກພັກ ໃຫ້ທ່ານເລຂາທິການໃຫຍ່ ຫງວຽນຟູ໋ຈ້ອງ.

ທ່ານນາຍົກລັດຖະມົນຕີ ຫງວຽນຊວນຟຸກ ມອບຊໍດອກໄມ້ໃຫ້ທ່ານເລຂາທິການໃຫຍ່ ຫງວຽນຟູ໋ຈ້ອງ

      ດ້ວຍ 50 ປີເປັນກຽດທີ່ເປັນສະມາຊິກພັກກອມມູນິດ ຫວຽດນາມ, ຍາມໃດ ທ່ານເລຂາທິການໃຫຍ່ ຫງວຽນຟູ໋ຈ້ອງ ກໍ່ຈົ່ງຮັກພັກດີຕໍ່ພັກ, ຕໍ່ປະເທດຊາດ ແລະ ປະຊາຊົນ; ຮັກສາຄຸນນະທາດຂອງນັກກອມມູນິດໄວ້ຢ່າງໝັ້ນຄົງ, ຍືດໝັ້ນລັດທິ ມາກ - ເລນິນ ແລະ ແນວຄິດ ໂຮ່ຈີມິນ, ເປົ້າໝາຍເອກະລາດແຫ່ງຊາດ ແລະ ລັດທິສັງຄົມນິຍົມ; ຮັກສາຄຸນສົມບັດປະຕິວັດ, ຍາມໃດກໍ່ນຳໜ້າ, ເປັນແບບຢ່າງ, ຮຳ່ຮຽນ, ຝືກຝົນຫຼໍ່ຫຼອມຢ່າງບໍ່ຢຸດຢັ້ງ. ດ້ວຍບັນດາຕຳແໜ່ງທີ່ສຳຄັນຂອງພັກ, ລັດເຊິ່ງຕົນຮັບຜິດຊອບ, ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ມີການປະກອບສ່ວນອັນໃຫຍ່ຫຼວງ, ສຳຄັນໃນພາລະກິດປະຕິວັດຂອງພັກ, ລັດ ຫວຽດນາມ, ໂດຍສະເພາະແມ່ນໃນພາລະກິດປ່ຽນແປງໃໝ່, ສ້າງສາ ແລະ ປົກປັກຮັກສາປະເທດຊາດ.

        ທ່ານເລຂາທິການໃຫຍ່ ຫງວຽນຟູ໋ຈ້ອງ ຖືວ່າ, ໃນຕະຫຼອດ 50 ປີທີ່ເປັນສະມາຊິກພັກ, ທ່ານໄດ້ຮັບການສຶກສາ, ຫຼໍ່ຫຼອມ, ບອກສອນຊັກນຳຫຼາຍທີ່ສຸດ, ສະນັ້ນຈຶ່ງສຳເລັດວຽກງານຈຳນວນໜຶ່ງ ແລະ ເຕີບໃຫຍ່ເທື່ອລະກ້າວ. ທ່ານເລຂາທິການໃຫຍ່ ຫງວຽນຟູ໋ຈ້ອງ ໝັ້ນໝາຍຈະສູ້ຊົນ, ສະຫຼະຕະຫຼອດຊີວິດ ຈົ່ງຮັກພັກດີຕໍ່ອຸດົມຄະຕິປະຕິວັດຂອງພັກ, ອອກແຮງຝຶກຝົນຫຼໍ່ຫຼອມ, ພະຍາຍາມຮຳ່ຮຽນ ແລະ ປະຕິບັດຕາມແນວຄິດ, ຄຸນສົມບັດ, ແບບແຜນດຳລົງຊີວິດຂອງປະທານ ໂຮ່ຈີມິນ ເພື່ອສົມເປັນສະມາຊິກພັກຂອງພັກກອມມູນິດ ຫວຽດນາມ.

(ແຫຼ່ງຄັດຈາກ VOV)