29/05/2015 00:01 GMT+7 Email Print Like 0

ທ່ານເລຂາທິການໃຫຍ່ສະຫະປະຊາຊາດ ຕີລາຄາສູງ ກ່ຽວກັບທີ່ຕັ້ງພາລະບົດບາດ ຄວາມສໍາຄັນຂອງຫວຽດນາມ

ທ່ານ​ເລ​ຂາ​ທິການ​ໃຫຍ່ ສະຫະ​ປະຊາ​ຊາດ Ban Ki-moon ຫາ​ກໍ່​ສິ້ນ​ສຸດ​ການ​ຢ້ຽມຢາມ ຫວຽດນາມ ຢ່າງ​ເປັນ​ທາງ​ການ​ແຕ່​ວັນ​ທີ 22-23 ພຶ​ດສະພາ 2015. ​ເພິ່ນ​ພ້ອມ​ກັບ​ບັນດາ​ທ່ານ​ຜູ້ນຳ ຫວຽດນາມ ສຸມ​ໃສ່​ພິຈາ​ລະ​ນາ​ຫຼາຍ​ວິທີ​ການ ເພື່ອ​ຊຸກ​ຍູ້​ການ​ພົວພັນ​ຮ່ວມ​ມື​ໃນຫຼາຍ​ດ້ານ ລະຫວ່າງ ຫວຽດນາມ ​ແລະ ສປຊ ​ໃນຕໍ່ໜ້າ.
ທ່ານ​ເລ​ຂາ​ທິການ​ໃຫຍ່ ສະຫະ​ປະຊາ​ຊາດ Ban Ki-moon ຕີ​ລາຄາ​ສູງຕໍ່​ຜົນສ​ຳ​ເລັດ​ດ້ານ​ເສດຖະກິດ-​ສັງ​ຄົມ ຊຶ່ງ ຫວຽດນາມທີ່ບັນລຸ​ໄດ້​ໃນ​ວິວັດ​ແຫ່ງ​ການ​ປ່ຽນ​ແປງ​ໃໝ່. ​ເພິ່ນ​ກໍ່​ຕີ​ລາຄາ​ສູງຕໍ່​ທີ່​ຕັ້ງ ພາລະ​ບົດບາດ ຄວາມ​ສຳຄັນ​ຂອງ ຫວຽດນາມ ​ໃນ​ລະບົບ​ສະຫະ​ປະຊາ​ຊາດ. ສິ່ງ​ດັ່ງ ກ່າວ​ສະ​ແດງ​ອອກ ຫວຽດນາມ ​ເຄີ​ຍ​ເປັນ​ສະມາຊິກ​ບໍ່​​ຖາວອນຂອງ​ສະພາ​ຄວາມ​ໝັ້ນຄົງ ສະຫະ​ປະຊາ​ຊາດ ​ໄລ ຍະ 2008-2009 ​ແລະ ປະຈຸ​ບັນ​ເປັນສະມາຊິກ​ສະ​ພາ​ສິດ​ທິມະນຸດ ​ໄລຍະ 2014-2016 ​ແລະ ບັນດາ​ການ​ເຄື່ອນ​ໄຫວ​ປົກ​ປັກ​ຮັກສາ​ສັນຕິພາບ​ຂອງ​ສະຫະ​ປະຊາ​ຊາດ.
 
ເພາະສະ​ນັ້ນ, ທ່ານ​ເລ​ຂາ​ທິການ​ໃຫຍ່ ສະຫະ​ປະຊາ​ຊາດ Ban Ki-moon ຈຶ່ງ​ຫວັງ​ວ່າ ຫວຽດນາມ ຈະ​ສືບ​ຕໍ່​​ເປັນ​ເຈົ້າ​ການ, ຕັ້ງໜ້າ​ປະກອບສ່ວນ​ເຂົ້າ​ໃນ​ຄວາມ​ພະຍາຍາມ​ລວມ, ລວມທັງ​ການສະໝັກ​ເຂົ້າ​ໃນສະພາ​ເສດຖະກິດ-​ສັງຄົມ​ຂອງ ສະ​ຫະປະຊາ​ຊາດ ​​ສະ​ໄໝ 2016-2018 ​ແລະ ສະພາ​ຄວາມ​ໝັ້ນຄົງ ສະຫະ​ປະຊາ​ຊາດ ​ສະ​ໄໝ 2020-2021. ທ່ານ​ເລ​ຂາ​ທິການ​ໃຫຍ່ ສະຫະ​ປະຊາ​ຊາດ Ban Ki-moon ສະ​ເໜີ​ໃຫ້ ຫວຽດນາມສືບ​ຕໍ່​ຮ່ວມ​ມື​ຢ່າງ ​ແໜ້ນ​ແຟ້ນກັບສະຫະ​ປະຊາ​ຊາດ ​ໃນ​ການ​ຜັນ​ຂະ​ຫຍາຍ ຫົວ​ຄ​ິດປະດິດ​ສ້າງ “​ເຄື່ອນ​ໄຫວ ​ເປັນ​ເອກະ​ພາບ” ທີ່ ຫວຽດນາມ. 

 ທ່ານ​ປະທານ​ປະ​ເທດ ​ເຈືອງ​ເຕິ​ນຊາງ ຕ້ອນຮັບ​ທ່ານ​ເລຂາທິການ​ໃຫຍ່
ສະຫະ​ປະຊາ​ຊາດ Ban Ki-moon. ພາບ: ຫງວຽນ​ຄາງ-VNA


ທ່ານ​ປະທານ​ປະ​ເທດ ​ເຈືອງ​ເຕິ​ນຊາງ ພົບ​ປະ​ເຈລະຈາ​ກັບ​ທ່ານ​ເລຂາທິການ​ໃຫຍ່
ສະຫະ​ປະຊາ​ຊາດ Ban Ki-moon. ພາບ: ຫງວຽນ​ຄາງ-VNA


ທ່ານ​​ເລຂາ​ທິການ​ໃຫຍ່ ຫງວຽນ​ຝູ໋ຈ້ອງ  ຕ້ອນຮັບ​ທ່ານ​ເລຂາທິການ​ໃຫຍ່
ສະຫະ​ປະຊາ​ຊາດ Ban Ki-moon. ພາບ: ຈີ໋ຢຸງ-VNA


ທ່ານ​ນາຍົກລັດຖະມົນຕີ ຫງວຽນ​ເຕິ​ນຢຸງ  ຕ້ອນຮັບ​ທ່ານ​ເລຂາທິການ​ໃຫຍ່
ສະຫະ​ປະຊາ​ຊາດ Ban Ki-moon. ພາບ: ດຶກ​ຕ໋າມ-VNA


ທ່ານປະທານ​ສະພາ​ແຫ່​ງ​ຊາດ ຫງວຽນ​ຊິງ​ຮຸ່ງ  ຕ້ອນຮັບ​ທ່ານ​ເລຂາທິການ​ໃຫຍ່
ສະຫະ​ປະຊາ​ຊາດ Ban Ki-moon. ພາບ: ຍ໋ານ​ຊາງ-VNA


ທ່ານ​ເລຂາທິການ​ໃຫຍ່ ສະຫະ​ປະຊາ​ຊາດ Ban Ki-moo ​ເຂົ້າ​ຮ່ວມ ​ແລະ ​ກ່າວ​ປາ​ໄສ
​ຕໍ່ໜ້າ​ບັນດາ​ທ່ານ​ຜູ້​ແທນ​ໃນກອງ​ປະຊຸມ​ສະພາ​ແຫ່ງ​ຊາດ​ຊຸດ​ທີ່ XIII, ​ສະ​ໄໝ​​ທີ 9  ພາບ: ຍານຊ້າງ-VNA

ຕໍ່​ບັນຫາ​ຢູ່​ທະ​ເລ​ຕາ​ເວັນ​ອອກ, ທ່ານ​ເລຂາທິການ​ໃຫຍ່ ສະຫະ​ປະຊາ​ຊາດ Ban Ki-moon ​ໃຫ້​ຮູ້​ວ່າ, ສະຫະ​ປະຊາ​ຊາດ ​ແລະ ສ່ວນ​ຕົວ​ທ່ານພວມຕິດຕາມສະພາບ​ການ​ຜັນ​ແປຢູ່​ທະ​ເລຂາ​ເວັນ​ອອກ ​ຢ່າງ​ໃກ້​ສິດ ແລະ ​ໃຫ້​ຮູ້​ວ່າ​ການ​ຜັນ​ແປ​ດັ່ງກ່າວ ສຸດ​ທີ່​ສຳຄັນ ​ແລະ ​ເຄັ່ງຮ້ອນ. ​ເພິ່ນ​ກໍ່​​ແບ່ງປັນ ທັດສະນະ, ຄວາມຄາ​ໃຈຂອງ ຫວຽດນາມ, ອາ​ຊຽນ ​ແລະ ບັນດາ​ປະ​ເທດ​ໃນ​ກຸ່ມ G7 ຕໍ່​ບັນຫາການ​​​ເຄື່ອນ​ໄຫວ ຖົມ​ທະ​ເລ, ດັດ​ປັບ,ກໍ່ສ້າງ​​​ຂະ ໜາດ​ໃຫຍ່ ​ເຮັດ​ໃຫ້​ສະພາບ​ເດີມໂຄງ​ປະກອບ ​ຂອງ​ບັນດາເກາະ, ຫີນ ​ແລະ ຫາ​ດຊາຍ​ມີ​ຄວາມປ່ຽນ​ແປງ, ລະ​ເມີດ​ກົດໝາຍ​ສາກົນ, ສົນທິສັນຍາ​ຂອງ​ສະຫະ​ປະຊາ​ຊາດ​ວ່າ​ດ້ວຍ​ກົດໝາຍ​ທະ​ເລ​ປີ 1982, ຖະ​ແຫຼງການ​ກ່ຽວກັບ​ການ​ປະພຶດ​ຕໍ່ຂອງ​ຝ່າຍ​ຕ່າງໆ ຢູ່​ທະ​ເລຕາ​ເວັນ​ອອກ (DOC), ທໍາລາຍ​ຄວາມ​​ໄວ້​ເນື້ອ​ເຊື່ອ​ໃຈ​ລະຫວ່າງ​ບັນດາ​ປະ​ເທດ, ຂົ່ມຂູ່​ຕໍ່​ສັນຕິພາບ​, ສະຖຽນ​ນະພາ​ບ, ຄວາມ​ສະຫງົບ, ຄວາມປອດ​ໄພ ​ແລະ ​ສິດເສລີ​ພາບຂອງ​ການ​ເດີນ​ທະ​ເລ, ​ເດີນ​ອາກາດ​ຢູ່ ທະ​ເລ​ຕາ​ເວັນ​ອອກ ​ແລະ ພາກ​ພື້ນ.
 
​ເພາະສະ​ນັ້ນ, ທ່ານ​ເລຂາທິການ​ໃຫຍ່ ສະຫະ​ປະຊາ​ຊາດ ຈຶງ​ສະ​ແດງ​ຄວາມ​ເປັນ​ຫ່ວງ​ຕໍ່​ຄວາມ​ເຄັ່ງ​ຕຶງ​ຢູ່​ທະ​ເລຕາ​ເວັນ​ອອກ, ​ເພິ່ນ​ປາດ​ຖະໜາ​ຢາກ​ໃຫ້ ບັນດາ​ປະ​ເທດ​ທີ່​ກ່ຽວຂ້ອງ​​ມີ​ການ​ສົນທະນາຮ່ວມ​ກັນ, ​ແກ້​ໄຂ​ຂໍ້ຂັດ​ແຍ້​ງ​ດ້ວຍ​ສັນຕິ​ວິທີ, ​​ເໝາະກັບ​ກົດ​ບັດຂອງ​ສະຫະ​ປະຊາ​ຊາດ ​ແລະ ກົດໝາຍ​ສາກົນ, ​ໃນ​ນັ້ນ ມີສົນທິ​ສັນຍາ​ຂອງ​ສະຫະ​ປະຊາ​ຊາດ​ວ່າ​ດ້ວຍ​ກົດໝາຍທາງ​ທະ​ເລ​ປິ 1982; ຫວັງ​ວ່າ ບັນດາ​ປະ​ເທດ ອາ​ຊຽນ ​ແລະ ຈີນ ຈະ​ບັນລຸ​ໄດ້​ປະມວນ​ກົດ​ລະບຽບ​ຢູ່​ທະ​ເລ​ຕາ​ເວັນ​ອອກ (COC) ​ໂດຍ​ໄວ; ສະຫະ​ປະຊາ​ຊາດ ກ່ຽມພ້ອມສະໜັບສະໜູນ​ຕໍ່​ບັນຫາ​ດັ່ງກ່າວ ຖ້າຫາກ​ທຸກ​ຝ່າຍ​ທີ່​ກ່ຽວຂ້ອງ​ສະ​ເໜີ​ມາ.

ທ່ານ​ເລຂາທິການ​ໃຫຍ່ ສະຫະ​ປະຊາ​ຊາດ Ban Ki-moon ພົບ​ປະ​ເຈລະຈາ​ກັບ​ທ່ານ​ຮອງ​ນາຍົກລັດຖະມົນຕີ,
ລັດຖະມົນຕີ​ວ່າການ​ກະຊວງ​ການ​ຕ່າງປະ​ເທດ ຟ້າ​ມບິ່ງ​ມິນ. ພາບ: ຟ້າ​ມກຽນ-VNA


ທ່ານ​ເລຂາທິການ​ໃຫຍ່ ສະຫະ​ປະຊາ​ຊາດ Ban Ki-moon ​ເຂົ້າ​ຮ່ວມ​ກອງ​ປະຊຸມ​ສະ​ຫຼຸບ 1 ປີ​
ແຫ່ງ​ການ​ປະຕິບັດ​ໜ້າ​ທີ່​ເຂົ້າ​ຮ່ວມ​ການ​ຮັກສາ​ສັນຕິ​ພາບ ສປຊ ​ແລະ
ປະກາດ​ໂຄງການ​ກໍ່ສ້າງ​ສູນ​ປົກ​ປັກ​ຮັກສາ​ສັນຕິ​ພາບ ຫວຽດນາມ. ພາບ: ຟ້າ​ມກຽນ-VNA


ທ່ານ​ເລຂາທິການ​ໃຫຍ່ ສະຫະ​ປະຊາ​ຊາດ Ban Ki-moon ​ເຂົ້າ​ຮ່ວມ​ພິທີ​ເປີດ​ສະຫຼອງ
“ຫຼັງ​ເຮືອນ​ສີ​ຂຽວ ສປ​ຊ“ ທີ່ ຫວຽດນາມ. ພາບ: ຟ້າ​ມກຽນ-VNA


ທ່ານ​ເລຂາທິການ​ໃຫຍ່ ສະຫະ​ປະຊາ​ຊາດ Ban Ki-moon
​ມາ​ຢ້ຽມຢາມ​ສະ​ຖາ​ບັນການ​ຕ່າ​ງປະ​ເທດ. ພາບ: ຟ້າ​ມກຽນ-VNA

 
ປະຕິບັດ​​ໂດຍ: VNA/VNP
ບັນດາບົດທີ່ຖືກນຳສະເໜີ