26/08/2020 11:05 GMT+7 Email Print Like 0

ທ່ານຮອງນາຍົກລັດຖະມົນຕີເຈືອງຮ່ວາບີງ: ຄວາມປອດໄພການ​ເຄື່ອນ​ໄຫວ​ທາງການບິນ, ຊຸກຍູ້ການພັດທະນາເສດຖະກິດ

ກ່າວຄຳເຫັນທີ່ກອງປະຊຸມສະຫລຸບວຽກງານໃນ 7 ເດືອນຜ່ານມາ ແລະຜັນຂະຫຍາຍຫນ້າທີ່ໃນຊຸມເດືອນທ້າຍປີ ຂອງຄະນະກຳມະການຄວາມໝັ້ນຄົງການບິນພົນລະເຮືອນແຫ່ງຊາດ ຊື່ງຈັດຂຶ້ນໃນຕອນເຊົ້າວັນທີ 25 ສິງຫາ ຢູ່ ຮ່າໂນ້ຍ ຕາມຮູບການອອນລາຍ.

(ທ່ານຮອງນາຍົກລັດຖະມົນຕີ ເຈືອງຮ່ວາບີງ, ກ່າວຄຳເຫັນທີ່ກອງປະຊຸມ)

ທ່ານຮອງນາຍົກລັດຖະມົນຕີ ເຈືອງຮ່ວາບີງ ປະທານ ຄະນະກຳມະການດັ່ງກ່າວ ສະເຫນີ: ບັນດາກະຊວງ, ຂະແຫນງການ, ທ້ອງຖິ່ນ ຕ້ອງຮັບປະກັນຄວາມໝັ້ນຄົງ ຄວາມປອດໄພການເຄື່ອນໄຫວທາງການບິນ ປະກອບສ່ວນຊຸກຍູ້ການພັດທະນາເສດຖະກິດ ສັງຄົມ ພ້ອມທັງ ມອບໃຫ້ກະຊວງຄົມມະນາຄົມຂົນສົ່ງ ເປັນເຈົ້າພາບ ສົມທົບກັບບັນດາກະຊວງ, ຂະແຫນງການຊື່ງເປັນສະມາຊິກຂອງຄະນະກຳມະການ ຮີບເຮັ່ງສ້າງສຳເລັດເອກະສານແນະນຳ ຕີລາຄາຄວາມສ່ຽງດ້ານການບິນແຫ່ງຊາດ.  ທ່ານ ເຈືອງຮ່ວາບີງ ສະເຫນີ: ຄະນະຊີ້ນຳການປ້ອງກັນ ຕ້ານການກໍ່ການຮ້າຍ ບັນດາທ້ອງຖິ່ນທີ່ມີທ່າອາກາດສະຍານ, ສະຫນາມບິນ ປະຕິບັດຢ່າງເຂັ້ມງວດການສ້າງກົດລະບຽບການເຮັດວຽກ, ແລກປ່ຽນສະພາບການ ປະຕິບັດຢ່າງເຂັ້ມງວດບັນດາກົດລະບຽບຂໍ້ກຳນົດ. ພ້ອມທັງເອົາໃຈໃສ່ເຖິງວຽກງານເຝິກຊ້ອມ, ສ້າງຂັ້ນຕອນຮັບມືກັບກໍລະນີນາບຂູ່ເຖິງຄວາມໝັ້ນຄົງຄວາມປອດໄພການເຄື່ອນໄຫວທາງການບິນ.”
(ແຫຼ່ງຄັດຈາກ VOV)