14/09/2018 09:54 GMT+7 Email Print Like 0

ທ່ານປະທານາທິບໍດີ ສ. ອິນໂດເນເຊຍ ສີ້ນສຸດ ການຢ້ຽມຢາມທາງລັດຖະກິດ ຢູ່ຫວຽດນາມ

ສອງຝ່າຍໄດ້ອອກຖະແຫຼງການຮ່ວມ ຫວຽດນາມ - ອິນໂດເນເຊຍ ກ່ຽວກັບ ເລື່ອງເພີ່ມທະວີການພົວພັນຄູ່ຮ່ວມມືຍຸດທະສາດ.

ພາບປະກອບ

ວັນທີ 12 ກັນຍາ, ທ່ານປະທານາທິບໍດີ ສາທາລະນະລັດ ອິນໂດເນເຊຍ Joko Widodo ແລະ ພັນລະຍາ ໄດ້ສິ້ນສຸດ ການຢ້ຽມຢາມທາງລັດຖະກິດ ຢູ່ ຫວຽດນາມ ຢ່າງຈົບງາມ, ໃນວັນທີ 11-12 ກັນຍາ, ຕາມຄຳເຊີນຂອງທ່ານ ປະທານປະເທດ ເຈິ່ນດ້າຍກວາງ ແລະ ພັນລະຍາ.

ໃນຂອບການຢ້ຽມຢາມ, ທ່ານປະທານາທິບໍດິ Joko Widodo ໄດ້ມີການພົບປະເຈລະຈາ ກັບທ່ານປະທານປະເທດ ເຈິ່ນດ້າຍກວາງ; ໄດ້ເຂົ້າພົບປະເຈລະຈາກັບ ທ່ານເລຂາທິການໃຫຍ່ ຫງວຽນຝູຈ້ອງ; ພົບປະກັບ ທ່ານນາຍົກລັດຖະມົນຕີ ຫງວຽນຊວນຟຸກ ແລະ ທ່ານນາງ ປະທານສະພາແຫ່ງຊາດ ຫງວຽນທິກິມເງິນ. ສອງຝ່າຍໄດ້ອອກຖະແຫຼງການຮ່ວມ ຫວຽດນາມ - ອິນໂດເນເຊຍ ກ່ຽວກັບ ເລື່ອງເພີ່ມທະວີການພົວພັນຄູ່ຮ່ວມມືຍຸດທະສາດ.

ທີ່ບັນດາການພົບປະເຈລະຈາ, ທັງສອງຝ່າຍ ເຫັນດີເປັນເອກະພາບ  ຮັກສາການພົບປະແລກປ່ຽນຄະນະ ຜູ້ແທນຂັ້ນສູງ ຢ່າງເປັນປົກກະຕິ ແລະ ສ້າງ ກາລະໂອກາດ ຫຼາຍຢ່າງຕື່ມອີກ ເພື່ອແລກປ່ຽນທັດສະນະ, ແນວຄວາມຄິດ, ຂໍ້ລິເລີ່ມ ສຳລັບບັນດາບັນຫາຍຸດທະສາດ ຜ່ານບັນດາກົນໄກ ແລະ ປຶກສາຫາລືສອງຝ່າຍ; ເພີ່ມທະວີການຮ່ວມມືໜູນຊ່ວຍດ້ານກົດໝາຍ, ຕໍ່ສູ້ປ້ອງກັນ ແລະ ຕ້ານອາດຊະຍາກຳມີການຈັດຕັ້ງ ຂ້າມຊາດ…

ສອງຝ່າຍຢັ້ງຢືນຄືນ ເລື່ອງສະໜັບສະໜູນການປະຕິບັດຖະແຫຼງການກ່ຽວກັບການປະພຶດຂອງບັນດາຝ່າຍ ຢູ່ທະເລຕາເວັນອອກ (DOC) ຢ່າງຄົບຖ້ວນ ແລະ ມີປະສິດທິຜົນ, ຊົມເຊີຍຄວາມຄືບໜ້າທີ່ດີ ຂອງການຮ່ວມມື ລະຫວ່າງ ອາຊຽນ ແລະ ຈີນ ແລະ ມີຄວາມປິຕິຊົມຊື່ນຕໍ່ໜ້າຄວາມຄືບໜ້າທີ່ແທດຈິງ ໃນການເຈລະຈາກົດແຫ່ງການປະພຶດຢູ່ທະເລຕາເວັນອອກ (COC) ຢ່າງມີປະສິດທິຜົນ ແລະ ແທດຈິງ.

ເນື່ອງໃນໂອກາດນີ້, ສອງຝ່າຍໄດ້ລົງນາມໃນ ໂຄງການດຳເນີນງານ ຜັນຂະຫຍາຍການພົວພັນຄູ່ຮ່ວມມືຍຸດທະສາດ ລະຫວ່າງ ສາທາລະນະລັດ ສັງຄົມນິຍົມ ຫວຽດນາມ ແລະ ສາທາລະນະລັດອິນໂດເນເຊຍ ໄລຍະ 2019-2023 ແລະ ແຈ້ງການຮ່ວມວ່າດ້ວຍ ການສະໜັກໃຈເຂົ້າຮ່ວມການຮ່ວມມືສາກົນກ່ຽວກັບຕ້ານການຂຸດຄົ້ນສິນທະເລຜິດກົດໝາຍ, ບໍ່ລາຍງານ ແລະ ບໍ່ ປະຕິບັດຕາມຂໍ້ ກຳນົດ (IUU) ແລະ ຊຸກຍູ້ການຄຸ້ມຄອງອາຊີບຫາປາແບບຍືນຍົງ.

(ແຫຼ່ງຄັດຈາກ VOV)