02/10/2015 14:32 GMT+7 Email Print Like 0

ທ່ານປະທານປະເທດ ເຈືອງເຕິນຊາງ ເຂົ້າຮ່ວມກອງປະຊຸມສຸດຍອດ ສະຫະປະຊາຊາດ

ແຕ່ວັນທີ 24-28 ກັນຍາ, ໂດຍຕອບຮັບການເຊີນຂອງທ່ານ Ban Ki-moon ເລຂາທິການໃຫຍ່ ສະຫະປະຊາຊາດ, ທ່ານ ເຈືອງເຕິນຊາງ ປະທານປະເທດ ໄດ້ເຂົ້າຮ່ວມກອງປະຊຸມສຸດຍອດ ສະຫະປະຊາຊາດ ເພື່ອຜ່ານລະບຽບວາລະກອງປະຊຸມໂລກ 2030 ກ່ຽວກັບການພັດທະນາແບບຍືນຍົງ ທີ່ນະຄອນຫຼວງ ນີວຢອກ ແຫ່ງປະເທດ ສ.ອາເມລິກາ. 
ໃນມື້ທຳອິດຂອງກອງປະຊຸມ, ທ່ານປະທານປະເທດ ເຈືອງເຕິນຊາງ ໄດ້ມີບົດກ່າວປາໄສໂດຍໄດ້ຍົກໃຫ້ເຫັນສິ່ງທ້າທາຍທີ່ໃຫຍ່ຫລວງຕ່າງໆທີ່ກຳລັງຂົ່ມຂູ່ສັນຕິພາບ, ຄວາມສະຫງົບປອດໄພ ແລະ ການພັດທະນາ ແບບຍືນຍົງ, ໂດຍສະເພາະຢ່າງຍິ່ງແມ່ນຄວາມທຸກຍາກ, ໄພອຶດຫີວ, ໂລລະບາດ, ຄວາມບໍ່ຍຸຕິທຳໃນສັງຄົມ, ການບົກແຫ້ງຂອງແຫຼ່ງຊັບພະຊາກອນທໍາມະຊາດ, ສິ່ງແວດລ້ອມເສື່ອມເສຍ, ຂໍ້ພິພາດ, ວິກິດການ, ສະພາບການໃຊ້ຄວາມຮຸນແຮງ, ຂາດສະຖຽນລະພາບ, ຄວາມເຄັ່ງຕຶງນັບມື້ເພີ່ມທະວີແລະອື່ນໆ.

ໃນຂອບຂອງກອງປະຊຸມ, ທ່ານປະທານປະເທດ ເຈືອງເຕິນຊາງ ຍັງໄດ້ເຂົ້າຮ່ວມ, ກ່າວປາໄສ ທີ່ກອງປະຊຸມຂັ້ນສູງຈຳນວນໜຶ່ງຕື່ມອີກ ກ່ຽວກັບຫົວເລື່ອງຕ່າງໆເຊ່ັນ: ລົບລ້າງຄວາມອຶດຫີວ ຫຼຸດຜ່ອນ ຄວາມທຸກຈົນ, ພັດທະນາຊົນນະບົດ, ຄວາມສະເໝີພາບບົດບາດຍິງ-ຊາຍ, ການເຄື່ອນໄຫວຮັກສາສັນຕິພາບ.

ທ່ານປະທານປະເທດ ເຈືອງເຕິນຊາງ ພົບປະກັບທ່ານເລຂາທິການໃຫຍ່ Ban Ki – moon. ພາບ: ເລເຢືອງ/VNA


ທ່ານປະທານປະເທດ ກ່າວປາໄສໃນວາລະໄຂກອງປະຊຸມສຸດຍອດ ສະຫະປະຊາຊາດ. ພາບ: ຫງວຽນຄາງ/VNA


ພາບລວມຂອງ ວາລະໄຂກອງປະຊຸມສຸດຍອດສະຫະປະຊາຊາດ. ພາບ: ຫງວຽນຄາງ/VNA
 
ຢູ່ນອກກອບກອງປະຊຸມ, ທ່ານປະທານປະເທດ ກໍຍັງໄດ້ມີການພົບ ປະສອງຝ່າຍ ກັບທ່ານປະທານາທິບໍດີ ແລະ ນາຍົກລັດຖະມົນຕີ ຂອງປະເທດຈຳນວນໜຶ່ງ. ໃນການພົບປະນີ້ ທ່ານປະທານປະເທດ ໄດ້ແລກປ່ຽນທັດທະສະ ຄວາມຄິດເຫັນກ່ຽວກັບ ບັນດາມາດຕະການ ຊຸກຍູ້ການພົວພັນສອງຝ່າຍ ກໍຄືແບ່ງປັນທັດສະນະກ່ຽວກັບບັນດາບັນຫາຂອງສາກົນທີ່ຕ່າງຝ່າຍ ຕ່າງມີຄວາມສົນໃຈ.

ໃນໂອກາດນີ້, ທ່ານປະທານປະເທດ ກໍ່ໄດ້ມີການເຄື່ອນໄຫວພົບປະກັບບັນດານັກທຸລະກິດ ຫວຽດນາມ-ອາເມລິກາ ແລະ ເຂົ້າຮ່ວມເວທີປາໄສນະໂຍບາຍກ່ຽວກັບການພົວພັນຫວຽດນາມ-ອາເມລິກາ ເນື່ອງໃນໂອກາດສະເຫຼີມສະຫຼອງ 20 ປີແຫ່ງວັນສ້າງຕັ້ງສາຍພົວພັນ ການທູດລະຫວ່າງສອງຊາດ ທີ່ສຳນັກງານສະມາຄົມອາຊີ;  ໄດ້ໄປຢ້ຽມຢາມສຳນັກງານຂ່າວສານອາເມລິກາ AP ແລະ ຕອບການສຳພາດໂດຍກົງຈາກນັກຂ່າວ ດັ່ງກ່າວ.

ທ່ານປະທານປະເທດກ່າວປາໄວ ໃນກອງປະຊຸມຜູ້ນຳທົ່ວໂລກ ກ່ຽວກັບຄວາມສະເໝີພາບລະຫວ່າງບົດບາດຍິງ-ຊາຍ. ພາບ: ຫງວຽນຄາງ/VNA


ທ່ານປະທານປະເທດກ່າວປາໄວ ໃນກອງປະຊຸມຜູ້ນຳທົ່ວໂລກ ກ່ຽວກັບຄວາມສະເໝີພາບລະຫວ່າງບົດບາດຍິງ-ຊາຍ. ພາບ: ຫງວຽນຄາງ/VNA


ທ່ານປະທານປະເທດ ເຂົ້າຮ່ວມກອງປະຊຸມສົນທະນານະໂຍບາຍ ທີ່ສະມາຄົມອາຊີ(AS). ພາບ: ຫງວຽນຄາງ/VNA

ປະຕິບັດໂດຍ: Vietnam+/VNP
ບັນດາບົດທີ່ຖືກນຳສະເໜີ