28/11/2017 11:16 GMT+7 Email Print Like 0

ທ່ານປະທານປະເທດ ເຈີ່ນດ້າຍກວາງ ເຂົ້າຮ່ວມພິທີສະຫລຸບປີ APEC 2017

      ຕອນເຊົ້າວັນທີ 27 ພະຈິກ, ທີ່ຮ່າໂນ້ຍ, ຄະນະກຳມະການແຫ່ງຊາດ APEC 2017 ຈັດຕັ້ງພິທີສະຫລຸບປີ APEC 2017.

ທ່ານປະທານປະເທດ ເຈີ່ນດ້າຍກວາງ ກ່າວຄຳເຫັນທີ່ພິທີສະຫລຸບປີ APEC 2017
      ປີ APEC 2017 ມີການເຄື່ອນໄຫວ 243 ຢ່າງ ເຊິ່ງ ຫວຽດນາມ ຈັດຕັ້ງ, ມີຜູູ້ແທນເຂົ້າຮ່ວມກ່ວາ 21.000 ຄົນ, ສະເພາະສັບປະດາຂັ້ນສູງ APEC ມີປະມານ 11.000 ຄົນເຂົ້າຮ່ວມ. ສັບປະດາຂັ້ນສູງ APEC ໄດ້ຮັບຮອງເອົາເອກະສານສຳຄັນ 8 ສະບັບ, ເປັນຕົ້ນແມ່ນຖະແຫຼງການຂັ້ນສູງ ດ່າໜັງ ແລະ ຖະແຫຼງການຮ່ວມກອງປະຊຸມລະຫວ່າງລັດຖະມົນຕີກະຊວງການຕ່າງປະເທດ - ເສດຖະກິດ.
        ກ່າວຄຳເຫັນທີ່ພິທີສະຫລຸບ, ທ່ານປະທານປະເທດ ຫວຽດນາມ ເຈີ່ນດ້າຍກວາງ ຊີ້ແຈ້ງວ່າ ປີ APEC 2017, ເປັນຕົ້ນແມ່ນສັບປະດາຂັ້ນສູງຄັ້ງທີ 25 ໄດ້ສຳເລັດຜົນຢ່າງຈົບງາມໃນທຸກດ້ານ ນຳ ຫວຽດນາມ ກາຍເປັນຈຸດສຸມສົນໃຈຂອງທົ່ວໂລກ. ທ່ານປະທານປະເທດ ເຈີ່ນດ້າຍກວາງ ຢືນຢັນວ່າ: ນີ້ແມ່ນຜົນງານການຕ່າງປະເທດທີ່ພົ້ນເດັ່ນຂອງທົ່ວພັກ, ທົ່ວປວງຊົນ ແລະ ທົ່ວກອງທັບໃນປີນີ້. ທ່ານປະທານປະເທດ ເຈີ່ນດ້າຍກວາງ ສະເໜີບັນດາກະຊວງ, ຄະນະ, ຂະແໜງການ, ທ້ອງຖິ່ນ ສືບຕໍ່ປະຕິບັດວຽກງານໂຄສະນາເຜີຍແຜ່ບັນດາຜົນສຳເລັດຂອງປີ APEC 2017 ແລະ ຄວາມສຳຄັນຂອງການເຊື່ອມໂຍງເຂົ້າກັບສາກົນຢ່າງເລິກເຊິ່ງ  ກ້ວາງຂວາງ.
 (ແຫຼ່ງຄັດຈາກ VOV)