24/12/2018 08:13 GMT+7 Email Print Like 0

ທ່ານນາຍົກລັດຖະມົນຕີ ຫງວຽນຊວນຟຸກ ເຮັດວຽກກັບໜ່ວຍທີ່ປຶກສາເສດຖະກິດຂອງນາຍົກລັດຖະມົນຕີ

      ທ່ານນາຍົກລັດຖະມົນຕີ ໄດ້ສະເໜີໃຫ້ໜ່ວຍທີ່ປຶກສາ ຄວນສະເໜີວິທີການເພື່ອໃຫ້ເສດຖະກິດຂອງປີ 2019 ສືບຕໍ່ໄດ້ຮັກສາທ່າເຕີບໂຕສູງຄື ຮັບປະກັນເສດຖະກິດມະຫາພາກເປັນປົກກະຕິ

ທ່ານນາຍົກລັດຖະມົນຕີ ຫງວຽນຊວນຟຸກ ເຮັດວຽກກັບໜ່ວຍທີ່ປຶກສາເສດຖະກິດຂອງນາຍົກລັດຖະມົນຕີ
      ວັນທີ 22 ທັນວາ, ທີ່ສຳນັກງານລັດຖະບານ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ເຮັດວຽກກັບໜ່ວຍທີ່ປຶກສາເສດຖະກິດຂອງນາຍົກລັດຖະມົນຕີ. ທ່ານນາຍົກລັດຖະມົນຕີ ໄດ້ສະເໜີໃຫ້ໜ່ວຍທີ່ປຶກສາ ຄວນສະເໜີວິທີການເພື່ອໃຫ້ເສດຖະກິດຂອງປີ 2019 ສືບຕໍ່ໄດ້ຮັກສາທ່າເຕີບໂຕສູງຄື ຮັບປະກັນເສດຖະກິດມະຫາພາກເປັນປົກກະຕິ. ພິເສດແມ່ນສະເໜີວິທີການປະຕິບັດໃນໄລຍະຍາວ, ເພື່ອໃຫ້ ຫວຽດນາມ ຫຼີກເວັ້ນຈາກການຕົກບ້ວງລາຍຮັບປານກາງ ແລະ ກາຍເປັນປະເທດມີລະດັບລາຍຮັບປານກາງສູງ.
        ກ່ອນອື່ນໝົດ, ທ່ານນາຍົກລັດຖະມົນຕີ ສະເໜີໃຫ້ໜ່ວຍທີ່ປຶກສາສະເໜີວິທີການເພື່ອໃຫ້ປີ 2019 ມີການເຕີບໂຕດ້ານເສດຖະກິດຂອງປະເທດຊາດບັນລຸປະມານ 7% ແຕ່ຍັງຮັກສາໄດ້ສະຖຽນລະພາບດ້ານມະຫາພາກ. ພ້ອມກັບການຍົກອອກບັນດາກຳລັງໜູນໃໝ່ໃຫ້ແກ່ການເຕີບໂຕ, ທ່ານນາຍົກລັດຖະມົນຕີ ປາດຖະໜາວ່າບັນດານັກເສດຖະກິດສະເໜີມາດຕະການເພື່ອໃຫ້ ຫວຽດນາມ ຫຼີກເວັ້ນຈາກການຕົກບ້ວງລາຍຮັບປານກາງ, ຕົກບ້ວງແຮງງານລາຄາຕ່ຳ… ພິເສດແມ່ນໃນສະພາບການການປະຕິວັດອຸດສາຫະກຳ 4.0 ພວມແຜ່ຂະຫຍາຍ, ຄວນມີບາດກ້າວເດີນທີ່ເໝາະສົມ ແລະ ມີປະສິດທິຜົນ.
        ກ່ຽວກັບມາດຕະການໄລຍະຍາວ, ທ່ານນາຍົກລັດຖະມົນຕີ ໄດ້ຊົມເຊີຍໜ່ວຍທີ່ປຶກສາໄດ້ເປັນເຈົ້າການໃນການສົມທົບກັບບາງອົງການຄົ້ນຄ້ວາຫົວເລື່ອງຮູບແບບການເຕີບໂຕເສດຖະກິດ ຫວຽດນາມ ໄລຍະ 2021 – 2030 ເພື່ອໃຫ້ຄຳປຶກສາແກ່ລັດຖະບານ, ນາຍົກລັດຖະມົນຕີ.
 (ແຫຼ່ງຄັດຈາກ VOV)