24/10/2018 10:29 GMT+7 Email Print Like 0

ທ່ານນາຍົກລັດຖະມົນຕີຫງວຽນຊວນຟຸກຕ້ອນຮັບລັດຖະມົນຕີສິ່ງແວດລ້ອມແຫ່ງການດຳເນີນທຸລະກິດ,ການຄ້າແລະວິສາຫະກິດຣູມານີ

ຕອນບ່າຍວັນທີ 23 ຕຸລາ ຢູ່ ສຳນັກງານລັດຖະບານ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ໃຫ້ການຕ້ອນຮັບທ່ານລັດຖະມົນຕີກະຊວງສິ່ງແວດລ້ອມແຫ່ງການດຳເນີນທຸລະກິດ, ການຄ້າ ແລະ ວິສາຫະກິດ ຣູມານີ Stefan Radu Oprea  ພວມຢ້ຽມຢາມ ແລະ ເຮັດວຽກຢູ່ ຫວຽດນາມ.
ທ່ານນາຍົກລັດຖະມົນຕີຫງວຽນຊວນຟຸກຕ້ອນຮັບລັດຖະມົນຕີກະຊວງສິ່ງແວດລ້ອມແຫ່ງການດຳເນີນທຸລະກິດ,ການຄ້າແລະວິສາຫະກິດ ຣູມານີ

ທີ່ການຕ້ອນຮັບ, ທ່ານລັດຖະມົນຕີ Stefan Radu Oprea   ຢືນຢັນ: ຣູມານີ ໃຫ້ຄຳໝັ້ນສັນຍາຊຸກຍູ້ການຮ່ວມມືກັບຫວຽດນາມໃນຫລາຍຂົງເຂດຊື່ງ ຣູມານີ ມີທ່າແຮງ ແລະ ຫວຽດນາມ ມີຄວາມຕ້ອງການ ແລະ ປາດຖະຫນາຢາກຮັບຄົນງານຫວຽດນາມ ໄປເຮັດວຽກຢູ່ ຣູມານີ. ທ່ານ Stefan Radu Oprea   ໃຫ້ຮູ້ວ່າ: 6 ເດືອນຕົ້ນປີ 2019 ຣູມານີ ແມ່ນປະທານ ຄະນະກຳມະການເອີລົບ ແລະ ນີ້ຈະແມ່ນໂອກາດດີໃນການຊຸກຍູ້ການຮ່ວມມືລະຫວ່າງ ຫວຽດນາມ ແລະ ອີຢູ ເວົ້າລວມ ແລະ ຫວຽດນາມ ແລະ ຣູມານີ ເວົ້າສະເພາະ.

ທ່ານນາຍົກລັດຖະມົນຕີ ຫງວຽນຊວນຟຸກ ສະເຫນີ ຄະນະກຳມະການລະຫວ່າງລັດຖະບານສອງປະເທດ ຄວນສົມທົບກັນ ວາງອອກບັນດາມາດຕະການລະອຽດ ເພື່ອຊຸກຍູ້ການພົວພັນລະຫວ່າງສອງປະເທດໃນທຸກຂົງເຂດ.  ທ່ານນາຍົກລັດຖະມົນຕີ ຫງວຽນຊວນຟຸກ ປາດຖະຫນາຢາກ ອີຢູ ຊຸກຍູ້ການລົງນາມໃນສັນຍາການຄ້າເສລີ ຫວຽດນາມ - ອີຢູ ແລະ ສັນຍາອາລັກຂາການລົງທຶນໂດຍໄວ.

(ແຫຼ່ງຄັດຈາກ VOV)