21/10/2018 10:36 GMT+7 Email Print Like 0

ທ່ານນາຍົກລັດຖະມົນຕີ ຫງວຽນຊວນຟຸກ ສິ້ນສຸດການເຂົ້າຮ່ວມກອງປະຊຸມສຸດຍອດ ASEM 12, ເຮັດວຽກ ຢູ່ ອີຢູ ແລະ ຢ້ຽມຢາມແບກຊິກຢ່າງເປັນທາງການ

      ຕອນບ່າຍວັນທີ 19 ຕຸລາ ຕາມເວລາທ້ອງຖິ່ນ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ອອກຈາກນະຄອນຫຼວງ ບຣຸກແຊນ ປະເທດ ແບນຊິກ ແລະ ເດີນທາງໄປນະຄອນຫຼວງ Copenhagen, ເຂົ້າຮ່ວມກອງປະຊຸມສຸດຍອດ ຄູ່ຮ່ວມມືເພື່ອການເຕີບໂຕຂຽວ ແລະ ບັນດາເປົ້າໝາຍທົ່ວໂລກ ຮອດປີ 2030 (P4G) ແລະ ຢ້ຽມຢາມ ລາຊະອານາຈັກແດນມາກ ຢ່າງເປັນທາງການ.

ທ່ານນາຍົກລັດຖະມົນຕີ ຫງວຽນຊວນຟຸກທີ່ກອງປະຊຸມສຸດຍອດ ອາຊີ - ເອີຣົບ ຄັ້ງທີ 12
            ການເຂົ້າຮ່ວມ ກອງປະຊຸມສຸດຍອດ ອາຊີ - ເອີຣົບ ຄັ້ງທີ 12 (ASEM 12), ເຮັດວຽກ ທີ່ສະຫະພາບເອີຣົບ (ອີຢູ) ແລະ ຢ້ຽມຢາມລາຊະອານາຈັກ ແບນຊິກ ຢ່າງເປັນທາງການ ໄດ້ສິ້ນສຸດຢ່າງຈົບງາມ, ປະຕິບັດສໍາເລັດບັນດາເປົ້າໝາຍທີ່ໄດ້ວາງອອກ.
        ໃນໄລຍະຢ້ຽມຢາມ ແບນຊິກ ຢ່າງເປັນທາງການ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ມີການໂອ້ລົມສົນທະນາ ກັບທ່ານນາຍົກລັດຖະມົນຕີແບນຊິກ  Charles Michel ແລະ ພ້ອມກັນເປັນສັກຂີພິຍານພິທີລົງນາມໃນເອກະສານຮ່ວມມືລະຫວ່າງກະຊວງ, ຂະແໜງການ ຂອງສອງປະເທດ. ທ່ານນາຍົກລັດຖະມົນຕີ ຫງວຽນຊວນຟຸກ ກໍໄດ້ມີການພົບປະກັບ ເຈົ້າຊີວິດ ແບນຊິກ Phillippe;  ພົບປະກັບປະທານສະພາຕໍ່າແບນຊິກ Siegfried Bracke; ຕ້ອນຮັບທ່ານລັດຖະມົນຕີ - ປະທານເຂດ Wallonie Willy Borsus  ແລະ ລັດຖະມົນຕີ - ປະທານເຂດ Flanders Geert Bourgeois.
ຢູ່ນອກກອງປະຊຸມ ສຸດຍອດ ASEM 12, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ມີການພົບປະສອງຝ່າຍຄັ້ງຕ່າງໆ ກັບ ການນໍາບັນດາສະມາຊິກ ASEM  ເຂົ້າຮ່ວມກອງປະຊຸມສໍາຄັນນີ້ ເຊິ່ງລວມມີ: ປະທານຄະນະກໍາມະການເອີຣົບ; ນາຍົກລັດຖະມົນຕີ ຈີນ, ນອກແວ, ສະໂລວານີ, ແອັດສະປາຍ, ໂຮນລັງ, ໂປໂລຍ, ແຟງລັງ,  ອັງກິດ,  ລັດເຊຍ, ເກັຼກ ແລະ ປະທານາທິບໍດີ ມົງໂກນ.
 (ແຫຼ່ງຄັດຈາກ VOV)