14/04/2018 05:27 GMT+7 Email Print Like 0

ທ່ານນາຍົກລັດຖະມົນຕີຫງວຽນຊວນຟຸກເຮັດວຽກກັບສູນກາງຊາວໜຸ່ມກອມມູນິດໂຮ່ຈິມິນ

 ຕອນເຊົ້າວັນທີ 13 ເມສາ, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຫງວຽນຊວນຟຸກ ພ້ອມກັບທ່ານຮອງນາຍົກລັດຖະມົນຕີ ຫວູດຶກດາມ ໄດ້ເປັນປະທານ ແລະ ການນຳບາງກະຊວງ, ຂະແໜງການ ທີ່ເຮັດວຽກກັບການນຳຫຼັກແຫຼ່ງຂອງຄະນະບໍລິຫານງານສູນກາງຊາວໜຸ່ມກອມມູນິດໂຮ່ຈິມິນ.


ທ່ານນາຍົກລັດຖະມົນຕີຫງວຽນຊວນຟຸກເຮັດວຽກກັບສູນກາງຊາວໜຸ່ມກອມມູນິດໂຮ່ຈິມິນ

(ພາບ: TTXVN) 

ນີ້ແມ່ນການເຮັດວຽກປະຈຳປີລະຫວ່າງລັດຖະບານ ແລະ ສູນກາງຊາວໜຸ່ມ ເພື່ອແນໃສ່ຮັບຟັງຂໍ້ສະເໜີແນະຂອງໄວໜຸ່ມໃນທົ່ວປະເທດ, ຈາກນັ້ນ ສ້າງເງື່ອນໄຂໃຫ້ຊາວໜຸ່ມປະຕິບັດໜ້າທີ່ຂອງຕົນໃຫ້ເປັນຢ່າງດີກວ່າ, ປະກອບສ່ວນເຂົ້າໃນການພັດທະນາຂອງປະເທດຊາດ.

      ທ່ານນາຍົກລັດຖະມົນຕີໄດ້ເຈາະຈີ້ມວ່າ ການເຮັດວຽກຄວນສຸມໃສ່ເຂົ້າໃນບັນຫາເຊິ່ງຊາວໜຸ່ມທົ່ວປະເທດພວມສົນໃຈໃນປະຈຸບັນ, ໃນນັ້ນມີບັນຫາເລີ່ມທຸລະກິດໃນໝູ່ຊາວໜຸ່ມທີ່ພົບກັບຂໍ້ຕິດຂັດໃດ; ເລື່ອງກາຍເປັນພົນລະເມືອງທົ່ວໂລກໄດ້ວາງອອກແມ່ນຄືແນວໃດສຳລັບໄວໜຸ່ມຫວຽດນາມ; ບັນຫາລະດົມຊາວໜຸ່ມອຸທິດສ່ວນໃຫ້ແກ່ປະເທດຊາດ. ຕີລາຄາສູງສູນກາງຊາວໜຸ່ມຫວຽດນາມ ທີ່ໄດ້ຖືເອົາປີ 2018 ແມ່ນ “ປີໄວໜຸ່ມມີຫົວຄິດປະດິດສ້າງ”, ທ່ານນາຍົກລັດຖະມົນຕີໄດ້ຕັ້ງບັນຫາ ສະນັ້ນ, ອຳນາດການປົກຄອງທ້ອງຖິ່ນທຸກຂັ້ນຄວນສ້າງເງື່ອນໄຂຄືແນວໃດເພື່ອຊຸກຍູ້ໄວໜຸ່ມໃຫ້ມີຫົວຄິດປະດິດສ້າງ.

(ແຫຼ່ງຄັດຈາກ VOV)