27/09/2016 09:46 GMT+7 Email Print Like 0

ທ່ານນາຍົກລັດຖະມົນຕີຫງວຽນຊວນຟຸກຕ້ອນຮັບລັດຖະມົນຕີກະຊວງຕຳຫລວດຈີນ


(ທີ່ການຕ້ອນຮັບ)
      ຕອນ​ເຊົ້າ​ວັນ​ທີ 26/09 ຢູ່ ຮ່າ​ໂນ້ຍ, ທ່ານ​ນາຍົກລັດຖະມົນຕີ ຫວຽດນາມ ຫງວຽນ​ຊວນ​ຟຸກ ​ໃຫ້ການ​ຕ້ອນຮັບ​ທ່ານ ກົວ​ເຊິ​ງກວນ ລັດຖະມົນຕີ​ກະຊວງ​ຕຳຫລວດ ຈີນ ທີ່​ພວມ​ມີ​ການ​ຢ້ຽມຢາມ ​ແລະ ​ເຮັດ​ວຽກ​ຢູ່ ຫວຽດນາມ. ທ່ານ​ນາຍົກລັດຖະມົນຕີ ຫງວຽນ​ຊວນ​ຟຸກ ສະ​ເໜີ​ການ​ນຳ​ກະຊວງ​ຕຳຫລວດ 2 ປະ​ເທດ​ປະຕິບັດ​ຄວາມ​ຮັບ​ຮູ້​ລວ​ມຂອງ​ການ​ນຳ 2 ປະ​ເທດ​ ​ແລະ ໝາກຜົນ​ເຊິ່ງ 2 ກະຊວງ​ໄດ້​ເຫັນ​ດີ​ເປັນ​ເອກະ​ພາບເປັນ​ຢ່າງ​ດີ. ທ່ານ​ນາຍົກລັດຖະມົນຕີ ຫງວຽນ​ຊວນ​ຟຸກ ສະ​ເໜີ 2 ກະຊວງ​ເພີ່​ມທະວີ​ການ​ພົບ​ປະ​ແລກປ່ຽນ​ຄະນະ​ຜູ້​ແທນ; ​ເພີ່ມ​ທະ​ວີ​ແລກປ່ຽນ​ບົດຮຽນ, ຕໍ່ສູ້​ປ້ອງ​ກັນ​ຕ້ານ​ອາດຊະຍາ​ກຳ, ຄວາມ​ປອດ​ໄພ, ສາສະໜາ ທຳລາຍ​ການ​ພັດທະນາ​ຂອງ​ແຕ່ລະ​ປະ​ເທດ; ສືບຕໍ່​ບັນດາການ​ບຸກ​ໂຈມ​ຕີປາບ​ປາມ​ອາດຊະຍາ​ກ​ຳຂ້າມ​ຊາດ​ຄື​: ຢາ​ເສັບ​ຕິດ, ການ​ຄ້າ​ມະນຸດ.
        ​ແລະ​ກໍ່​ໃນ​ຕອນ​ເຊົ້າ​ວັນ​ທີ 26/09, ທ່ານ​ນາຍົກລັດຖະມົນຕີ ຫງວຽນ​ຊວນ​ຟຸກ ​​ໄດ້​ໃຫ້ການ​ຕ້ອນຮັບ​ທ່ານ​ພົນ​ເອກ Syafruddin ຮອງຜູ້​ບັນຊາ​ຕຳຫລວດ​ແຫ່ງ​ຊາດ ອິນ​ໂດ​ເນ​ເຊຍ ທີ່​ພວມ​ຢູ່​ຢ້ຽມຢາມ ຫວຽດນາມ ຢ່າງ​ເປັນ​ທາງ​ການ. ທ່ານ​ນາຍົກລັດຖະມົນຕີ ຫງວຽນ​ຊວນ​ຟຸກ ສະ​ເໜີ​ວ່າ: ​ໃນ​ໄລຍະ​ຈະ​ມາ​ເຖິງ ກະຊວງ​ຕຳຫລວດ ຫວຽດນາມ ​ແລະ ຕຳຫລວດ​ແຫ່ງ​ຊາດ ອິນ​ໂດ​ເນ​ເຊຍ ​ເພີ່ມ​ທະວີ​ການ​ຮ່ວມ​ມື, ​ແບ່ງ​ປັ່ນ​ຂໍ້​ມູນ​ຂ່າວ, ສົມທົບ​ກັນ​ແໜ້ນ​ແຟ້ນ​ໃນ​ການ​ປ້ອງ​ກັນ​ຕ້ານ​ອາດຊະຍາ​ກຳ​ຂ້າມ​ຊາດ ​ແລະ ຕ້ານ​ກໍ່​ການ​ຮ້າຍກ່ວາ​ອີກ​. ທ່ານ​ນາຍົກລັດຖະມົນຕີ ຫງວຽນ​ຊວນ​ຟຸກ ຕີ​ລາຄາ​ສູງ​ບົດບາດ​ຂອງ ອິນ​ໂດ​ເນ​ເຊຍ ​ໃນ​ປະຊາ​ຄົມ ອາ​ຊຽນ. ກ່ຽວ​ກັບ​ບັນ​ຫາ​ທະ​ເລ​ຕາ​ເວັນ​ອອກ, ທ່ານ​ນາຍົກລັດຖະມົນຕີ ຫງວຽນ​ຊວນ​ຟຸກ ປາດ​ຖະໜາ​ວ່າ ອິນ​ໂດ​ເນ​ເຊຍ ພ້ອມ​ກັບ ຫວຽດນາມ ​ແລະ ບັນດາ​ປະ​ເທດ ອາ​ຊຽນ ອື່ນໆ​ ສືບ​ຕໍ່​ສົມທົບ​ກັນ​ຢ່າງ​ແໜ້ນ​ແຟ້ນ ຮັກສາຫຼັກ​ໝັ້ນ, ທັດສະນະລວມ ​ແລະ ບົດບາດຂອງ ອາ​ຊຽນ ​ໃນ​ການ​​ແກ້​ໄຂ​ບັນ​ຫາ​ທະ​ເລ​ຕາ​ເວັນ​ອອກ.
(ແຫຼ່ງຄັດຈາກ VOV)