18/07/2018 08:45 GMT+7 Email Print Like 0

ທ່ານນາງຮອງປະທານປະເທດ ດັ້ງທິງັອກທິ້ງ ລົງເຮັດວຽກຢູ່ດັກນົງ

ຕອນບ່າຍວັນທີ 16 ກໍລະກົດ, ທ່ານນາງຮອງປະທານປະເທດຫວຽດນາມ ດັ່ງທິງັອກທິ້ງ ພ້ອມດ້ວຍຄະນະປະຕິບັດງານ ໄດ້ລົງເຮັດວຽກກັບການນໍາແຂວງ ດັກນົງ ຂອງຫວຽດນາມ ກ່ຽວກັບສະພາບການເສດຖະກິດສັງຄົມ ແລະ ວຽກງານກໍ່ສ້າງພັກ, ອໍານາດການປົກຄອງແຂວງ. 


ທ່ານນາງຮອງປະທານປະເທດຫວຽດນາມ ດັ່ງທິງັອກທິ້ງ ກ່າວຄໍາເຫັນທີ່ການເຮັດວຽກ

(ພາບ: daknong.gov.vn)

ທີ່ການເຮັດວຽກ, ທ່ານນາງຮອງປະທານປະເທດ ດັ້ງທິງັອກທິ້ງ ປາດຖະໜາວ່າ ແຂວງດັກນົງ ຈະສືບຕໍ່ເອົາໃຈໃສ່ເຖິງວຽກງານສະຫວັດດີການສັງຄົມ, ລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ, ພ້ອມກັນນັ້ນ ກໍຕ້ອງມີບັນດາແຜນນະໂຍບາຍຖືກຕ້ອງ ເພື່ອແກ້ໄຂບັນດາບັນຫາ  ເປັນຕົ້ນແມ່ນ ການຍົກຍ້າຍຖິ່ນຖານແບບຊະຊາຍ.  ທ່ານນາງຮອງປະທານປະເທດ ດັ້ງທິງັອກທິ້ງ ກໍໄດ້ສະເໜີໃຫ້ທາງແຂວງດັກນົງ ຈົ່ງສຸມໃສ່ວຽກງານປະຕິຮູບການບໍລິຫານ, ສ້າງເງື່ອນໄຂ ເພື່ອຊ່ວຍໃຫ້ວິສາຫະກິດ, ປະຊາຊົນ ເປີດກວ້າງການທໍາການຜະລິດ, ການດໍາເນີນທຸລະກິດ. ໄປຄຽງຄູ່ກັນນັ້ນ, ທາງແຂວງກໍຕ້ອງຢຶດໝັ້ນບັນດາເປົ້າໝາຍ, ພິເສດແມ່ນເປົ້າໝາຍ ກ່ຽວກັບໂຄງປະກອບກະສິກໍາ, ການປູກປ່າ, ການປົກປັກຮັກສາປ່າ; ສືບຕໍ່ໃກ້ຊິດຕິດແທດ, ເຊື່ອມຊຶມ, ປະຕິບັດບັນດາຄໍາສັ່ງ, ມະຕິຂອງສູນກາງ ຢ່າງເຂັ້ມງວດ.

        ກ່ອນໜ້ານັ້ນ, ທ່ານນາງຮອງປະທານປະເທດ ດັ້ງທິງັອກທິ້ງ ໄດ້ໄປຢ້ຽມຢາມ ແລະ ມອບຂອງຂວັນໃຫ້ໂຮງຮຽນປະຖົມ 02 ແຫ່ງຄື ໂຮງຮຽນລາວັນເກົາ ແລະ ໂຮງຮຽນເລເລີ້ຍ ຢູ່ຕາແສງ ດັກເຣີມັງ,ເມືອງດັກເກີລອງ.

(ແຫຼ່ງຄັດຈາກ VOV)