01/10/2016 13:05 GMT+7 Email Print Like 0

ຖະແຫຼງການຮ່ວມລະຫວ່າງ ສສ.ຫວຽດນາມ ແລະ ສ.ຟີລິບປິນ


ການເຈລະຈາລະຫວ່າງ 2 ຝ່າຍ
      ໂດຍ​ໄດ້​ຮັບ​ຄຳ​ເຊີ້​ນຂອງ​ທ່ານ​ປະທານ​ປະ​ເທດ ​ຫວຽດນາມ ​ເຈີ​່ນດ້າຍ​ກວາງ, ທ່ານ​ປະທານາທິບໍດີ ຟີ​ລິບ​ປິນ Rodrigo Duterte ​ໄດມາ​ຢ້ຽມຢາມ ຫວຽດນາມ ຢ່າງ​ເປັນ​ທາງ​ການ​ແຕ່​ວັນ​ທີ 28 – 29/9/2016. ​ໃນ​ການ​ຢ້ຽມຢາມ, ທ່ານ​ປະທານາທິບໍດີ Rodrigo Duterte​ ​ໄດ້​ເຈລະຈາ​ກັບ​ທ່ານ​ປະທານ​ປະ​ເທດ ຫວຽດນາມ ​ເຈີ່ນ​ດ້າຍ​ກວາງ, ​ເຂົ້າ​ຢ້ຽມ​ຂຳ່ນັບ​ທ່ານ​ເລຂາທິການ​ໃຫຍ່​ຄະນະ​ບໍລິຫານ​ງານ​ສູນ​ກາງ​ພັກ​ກອມ​ມູນ​ິດ ຫວຽດນາມ ຫງວຽນ​ຟູ໋ຈ້ອງ ​ແລະ ​ພົບ​ປະ​ກັບ​ທ່ານ​ນາຍົກລັດຖະມົນຕີ ຫງວຽນ​ຊວນ​ຟຸກ. ການ​ນຳ 2 ປະ​ເທດ​ໄດ້​ຢັ້ງຢືນ​ຄືນ​ໃໝ່​ຈິດ​ໃຈ​ຂອງ​ຖະ​ແຫຼ​ງການ​ຮ່ວມ​ປະຫວັດສາດ​ທີ່​ໄດ້​ລົງ​ນາມ​​ເມື່ອ​ປີ 1976 ສ້າງ​ຕັ້ງ​ການ​ພົວພັນ​ທາງ​ການ​ທູດ​ລະຫວ່າງ 2 ປະ​ເທດ, ຢັ້ງຢືນ​ຄືນ​ໃໝ່​ເລື່ອງສ້າງ​ຕັ້ງ​ການພົວພັນ​ຄູ່​ຮ່ວມ​ມື​ຍຸດ​ທະ​ສາດ ຫວຽດນາມ ​ແລະ ຟີ​ລິບ​ປິນ ​ໃນ​ເດືອນ 11/2015 ​ແມ່ນ​ເພື່ອ​ແນ​ໃສ່​ຍົກລະດັບ ​ແລະ ​ເພີ່ມ​ທະວີ​ການ​ພົວພັນ 2 ຝ່າຍ​ລະຫວ່າງ 2 ປະ​ເທດ, ພ້ອມ​ທັງ​ຂຸດ​ຄົ້ນ​ບັນດ​າ​ເງື່ອນ​ໄຂ​​ສະດວກ​ເພື່ອ​ພັດທະນາ ​ແລະ ​ເດີນ​ຕາມ​ບັນດາ​ຜົນ​ປະ​ໂຫຍ​ດຍຸດ​ທະ​ສາດ​ລວມ. ​ເມື່ອ​ແລກປ່ຽນ​ກ່ຽວ​ກັບ​ຂົງ​ເຂດ​ຮ່ວມ​ມື 2 ຝ່າຍ, ການ​ນຳ 2 ປະ​ເທດ​ເປັນ​ເອກະ​ພາບ​ຮັກສາ​ບັນດາ​ກົນ​ໄກ​ຮ່ວມ​ມື 2 ຝ່າຍ ​ແລະ ຜັນ​ຂະຫຍາຍ​ບັນດາ​ສັນຍາ​ທີ່​ 2 ປະ​ເທດ​ໄດ້​ລົງ​ນາມ​ແລ້ວ​ຢ່າງ​ມີ​ປະສິດທິ​ຜົນ. ການ​ນຳ 2 ປະ​ເທດ​ຢັ້ງຢືນ​ໃຫ້​ຄຳ​ໝັ້ນ​ສັນຍາ​ຮັກສາ ​ແລະ ຊຸກຍູ້​ສັນຕິພາບ, ຄວາມ​ສະຫງົບ, ສະຖຽນ​ລະ​ພາບ, ຄວາມ​ປອດ​ໄພ, ຄວາມ​ເສລີ ​ໃນ​ການ​ເດີນ​ເຮ​ືອ ​ແລະ ການບິນ, ກໍ່​ຄື​​ບໍ່​ໃຫ້​ຕ້ານ​ການ​ຄ້າ​ຖືກ​ກີດ​ຂວາງ​ໃນ​ພາກ​ພື້ນ, ພິ​ເສດ​ແມ່ນ​ຢູ່​ທະ​ເລ​ຕາ​ເວັນ​ອອກ, ຮຽກຮ້ອງ​ໃຫ້​ບັນດາ​ຝ່າຍ​ລະງັບ​ໃຈດ ບໍ່​ນາບ​ຂູ່​ດ້ວຍ​ກຳລັງ​ອາວຸດ ຫຼື ນຳ​ໃຊ້​ກຳລັງ​ອາວຸດ, ​ເຄົາລົບ​ບັນດາ​ວິວັດ​ທະນາການດ້ານ​ການ​ທູ​ດ, ນິຕິກຳ, ​ແກ້​ໄຂຄວາມ​ຂັດ​ແຍ້​ງກັນ​ດ້ວຍ​ບັນດາ​ມາດ​ຕະການ​ສັນຕິພາບ, ບົນ​ພື້ນຖານ​ບັນດາ​ຫຼັກການທີ່​ເປັນ​ພື້ນຖານ​ຂອງ​ກົດໝາຍ​ສາກົນ, ​ໃນ​ນັ້ນ​ມີ​ສົນທິສັນຍາ ສປຊ ກ່ຽວ​ກັບ​ກົດໝາຍ​ວ່າ​ດ້ວຍ​ທະ​ເລ​ປີ 1982 (UNCLOS). 2 ຝ່າຍ​ກໍ​່ຢັ້ງຢືນ​ຄຳ​ໝັ້ນ​ສັນຍາ​ຮັກສາ​ສັນຕິພາບ, ສະຖຽນ​ລະ​ພາບ ​ແລະ ຄວາມ​ວັດທະນາ​ຖາວອນ​ໃນ​ພາກ​ພື້ນ, ຊຸ​ກຍູ້​ບັນດາ​ຄວາມ​ມານະ​ພະ​ຍາ​ຍາມ​ສ້າງ​ຕັ້ງ​ປະຊາ​ຄົມ ອາ​ຊຽນ ຜ່ານ​ການ​ຜັນ​ຂະຫຍາຍວິ​ໄສ​ທັດ ອາ​ຊຽນ 2025 ຢ່າງ​ມີ​ປະສິດທິ​ຜົນ ​ແລະ ຄົບ​ຖ້ວນ, ພ້ອມ​ທັງ​ຢັ້ງຢືນ​ຄືນ​ໃໝ່​ຄວາມ​ສຳຄັນ​ຂອງ​ບັນດາ​ຄວາມ​ມານະ​ພະຍາຍາມ​ເພື່ອ​ແນ​ໃສ່​ຊຸກຍູ້​ບົດບາດ​​ໃຈກາງ​ຂອງ ອາ​ຊຽນ ​ໃນ​ບັນດາ​ໂຄງ​ປະກອບ​ພາກ​ພື້ນ.
 (ແຫຼ່ງຄັດຈາກ VOV)