29/10/2017 12:47 GMT+7 Email Print Like 0

ດ່ານັ້ງ ອອກເຄື່ອນພົນເຮັດອະນາໄມສິ່ງແວດລ້ອມເພື່ອຕ້ອນຮັບສັບປະດາຂັ້ນສູງ APEC

      ຕອນເຊົ້າວັນທີ 28 ຕຸລາ, ຄະນະກຳມະການນະຄອນ ດ່ານັ້ງ ໄດ້ຈັດຕັ້ງພິທີປຸກລະດົມເຄື່ອນພົນລະດັບນະຄອນ ປະຕິບັດຂະບວນການວັນອາທິດຂຽວ - ສະອາດ - ສວຍງາມ ແລະ ຕອບສະໜອງສັບປະດາຂັ້ນສູງ APEC 2017.

ພາບປະກອບ
      ພາຍຫຼັງພິທີປຸກລະດົມ, ປະຊາຊົນນັບພັນຄົນພ້ອມກັບພະນັກງານ, ນັກຮົບບັນດາກຳລັງປະກອບອາວຸດໄດ້ທຳການເຮັດອະນາໄມສິ່ງແວດລ້ອມ.
        ໃນຊຸມມື້ຜ່ານມາ, ບັນຍາກາດຕ້ອນຮັບ APEC ຢູ່ນະຄອນດ່ານັ້ງ ໄດ້ດຳເນີນໄປຢ່າງຟົດຟື້ນຢູ່ຖະໜົນສາຍຕ່າງໆ, ເຂດຊຸມຊົນຫຼາຍແຫ່ງ, ຜ່ານບັນດາການເຄື່ອນພົນອະນາໄມສິ່ງແວດລ້ອມ. ທ່ານ ຫງວຽນງອັກຕ໋ວນ, ຮອງປະທານຄະນະກຳມະການປະຊາຊົນນະຄອນ ດ່ານັ້ງ ໃຫ້ຮູ້ວ່າ:
        “ນະຄອນໄດ້ປຸກລະດົມຂະບວນການນີ້ເພື່ອແນໃສ່ລະດົມວົງຄະນະຍາດຈັດຕັ້ງ, ອົງການ, ສ່ວນບຸກຄົນໃນບໍລິເວນທົ່ວນະຄອນເຂົ້າຮ່ວມ. ແຕ່ລະຄົນໄດ້ປະກອບກຳລັງເຫື່ອແຮງເພື່ອທຳຄວາມສະອາດຕໍ່ສິ່ງເວດລ້ອມ, ເຮັດໃຫ້ສິ່ງແວດລ້ອມຂຽວ - ສະອາດ - ສວຍງາມໃຫ້ແກ່ນະຄອນ. ນີ້ແມ່ນການເຄື່ອນໄຫວເປັນປະຈຳ ແຕ່ໄດ້ຍົກລະດັບເປັນກິດຈະກຳຈຸດສຸມ. ພວກຂ້າພະເຈົ້າຫວັງວ່າ ພາຍຫຼັງກິດຈະກຳຈຸດສຸມນີ້ຈະສືບຕໍ່ໄດ້ຮັບການຮັກສາໄວ້ເພື່ອສ້າງພາບພົດຂອງນະຄອນໃຫ້ ຂຽວ - ສະອາດ - ສວຍງາມ”
(ແຫຼ່ງຄັດຈາກ VOV)