23/08/2019 09:28 GMT+7 Email Print Like 0

ດ່ານັ້ງແມ່ນໜຶ່ງໃນ 3 ສະຖານທີ່ທ່ອງທ່ຽວແຖວໜ້າຂອງ ຊາວສ.ເກົາຫຼີ ໃນໂອກາດວັນບຸນໄຫວ້ພະຈັນ

      ວັນທີ 21 ສິງຫາ, ເຄື່ອງມືຊອກຫາບັນດາສະຖານທີ່ທ່ອງທ່ຽວໃນທົ່ວໂລກ Skyscanner ໃຫ້ຮູ້ວ່າ  ນະຄອນ ດ່ານັ້ງ ( ຫວຽດນາມ) ພ້ອມກັບ ເກາະ Jeju (ສ.ເກົາຫຼີ) ແລະ ນະຄອນຫຼວງບາງກອກ (ໄທ) ແມ່ນບັນດາສະຖານທີ່ທີ່ໄດ້ຮັບຄວາມນິຍົມຊົມຊອບທີ່ສຸດຈາກແຂກທ່ອງທ່ຽວ ສ.ເກົາຫຼີ ໃນໂອກາດວັນບຸນໄຫວ້ພະຈັນປີນີ້.
        ນີ້ແມ່ນຜົນງານການວິເຄາະຂອງ Skyscanner ກ່ຽວກັບການຊອກຫາບັນດາສະຖານທີ່ທ່ອງທ່ຽວຂອງ ຊາວສ.ເກົາຫຼີ ໃນລະຫວ່າງວັນທີ 12 – 15 ສິງຫາ ປີນີ້. ການວິເຄາະຂອງ Skyscanner ຊີ້ແຈ້ງວ່າ ດ່ານັ້ງແມ່ນໜຶ່ງໃນບັນດານະຄອນທ່ອງທ່ຽວ ແລະ ພັກຜ່ອນບຳລຸງສຸຂະພາບແຖວໜ້າຂອງ ພາກພື້ນອາຊີຕາເວັນອອກສ່ຽງໃຕ້, ເພາະສະນັ້ນທີ່ນີ້ຈຶ່ງໄດ້ກາຍເປັນສະຖານທີ່ທ່ອງທ່ຽວທີ່ໄດ້ຮັບຄວາມນິຍົມຊົມຊອບຈາກແຂກທ່ອງທ່ຽວ ສ.ເກົາຫຼີ. ນອກຈາກນັ້ນ, ທີ່ນີ້ຍັງມີ ຫາດຊາຍ ໝີເຄ, ໂດຍເປັນໜຶ່ງໃນ 6 ຫາດຊາຍທີ່ດຶງດູດໃຈທີ່ສຸດໃນໂລກ. ດ່ານັ້ງກໍ່ຕັ້ງຢູ່ໃກ້ບັນດາສະຖານທີ່ທ່ອງທ່ຽວຕ່າງໆຄື: ໂຮ້ຍອານ, ບ່ານ່າ ແລະ ຫງຸແຫ່ງເຊີນ.
 (ແຫຼ່ງຄັດຈາກ VOV)