23/12/2017 13:28 GMT+7 Email Print Like 0

ຍົກສູງປະສິດທິຜົນບັນດາລາຍການ,ໂຄງການຮ່ວມມືກັບອົງການບໍ່ຂຶ້ນກັບລັດຖະບານຕ່າງປະເທດ

      ວັນທີ 21 ທັນວາ, ຢູ່ຮ່າໂນ້ຍ, ສະຫະສະມາຄົມບັນດາອົງການຈັດຕັ້ງມິດຕະພາບຫວຽດນາມ ໄດ້ສົມທົບກັບຄະນະຂົນຂວາຍຊ່ວຍເຫຼືອປະຊາຊົນ (PACCOM) ຈັດຕັ້ງກອງປະຊຸມແບ່ງປັນຂໍ້ມູນຂ່າວສານກັບບັນດາອົງການບໍ່ຂຶ້ນກັບລັດຖະບານຕ່າງປະເທດ ກ່ຽວກັບໂຄງການແຫ່ງຊາດສົ່ງເສີມການຂົນຂວາຍຊ່ວຍເຫຼືອບໍ່ຂຶ້ນກັບລັດຖະບານຕ່າງປະເທດໄລຍະ 2013 – 2017.

ຍົກສູງປະສິດທິຜົນບັນດາລາຍການ,ໂຄງການຮ່ວມມືກັບອົງການບໍ່ຂຶ້ນກັບລັດຖະບານຕ່າງປະເທດ
(ພາບ: dangcongsan.vn)
      ທີ່ກອງປະຊຸມ, ຜູ້ຕາງໜ້າບັນດາອົງການບໍ່ຂຶ້ນກັບລັດຖະບານຕ່າງປະເທດ ໄດ້ສະເໜີ, ແນະນຳບາງມາດຕະການແກ້ໄຂເພື່ອປະກອບສ່ວນຍົກສູງປະສິດທິຜົນວຽກງານຂົນຂວາຍການຊ່ວຍເຫຼືອປະຊາຊົນບໍ່ຂຶ້ນກັບລັດຖະບານຕ່າງປະເທດຄື: ກົນໄກແບ່ງປັນຂໍ້ມູນຂ່າວສານ, ຫັນລະບຽບການບໍລິຫານໃນວິວັດການຮັບຮອງ, ອະນຸຍາດໃຫ້ບັນດາອົງການບໍ່ຂຶ້ນກັບລັດຖະບານຕ່າງປະເທດໃໝ່ເປັນງ່າຍດ່າຍ…
        ແລະກໍ່ໃນວັນດຽວກັນ, ສະຫະສະມາຄົມບັນດາອົງການຈັດຕັ້ງມິດຕະພາບຫວຽດນາມ ໄດ້ຈັດພິທີຮັບຮູ້ການປະກອບສ່ວນຂອງບັນດາອົງການບໍ່ຂຶ້ນກັບລັດຖະບານຕ່າງປະເທດ ສຳລັບວຽກງານຫຼຸດຜ່ອນຄວາມທຸກຍາກ ແລະ ພັດທະນາແບບຍືນຍົງຂອງຫວຽດນາມ ໄລຍະ 2013 – 2017. ມີ 48 ອົງການບໍ່ຂຶ້ນກັບລັດຖະບານຕ່າງປະເທດໄດ້ຮັບການເຊີດຊູ.
ແຫຼ່ງຄັດຈາກ VOV