22/09/2016 08:59 GMT+7 Email Print Like 0

ຍົກສູງການພົວພັນຄູ່ຮ່ວມມືຍຸດທະສາດຫວຽດນາມ-ລັດເຊຍ

ທ່ານຮອງນາຍົກລັດຖະມົນຕີ ຈິ້ງດີງຢຸງ ຕ້ອນຮັບທ່ານ 
  konstantin Vnukov ເອກອັກຄະລັດຖະທູດ ລັດເຊຍ ປະຈຳ ຫວຽດນາມ
(ພາບ: VGP)
      ວັນ​ທີ 21/09 ທ່າ​ນຮອງ​ນາຍົກລັດຖະມົນຕີ ຫວຽດນາມ ຈິ້ງ​ດີງຢຸງ ນຳ​ໜ້າ​ຄະນະ​ຜູ້​ແທນ ຫວຽດນາມ ​ເຂົ້າ​ຮ່ວມ​ກອງ​ປະຊຸມຄະນະ​ກຳມະການ​ລະຫວ່າງ​ລັດຖະບານ ຫວຽດນາມ - ສະຫະພັນ ລັດ​ເຊຍ ຊຶ່ງດຳ​ເນີນ​ຢູ່​ນະຄອນ Saint-Petersburg. ກ່ອນ​ໜ້າ​ນັ້ນ ​ໃນ​ຕອນ​ບ່າຍ​ວັນ​ທີ 20/09 ​ໄດ​້ດຳ​ເນີນ​ການ​ພົບ​ປະ​ເຮັດ​ວຽກ​ລະຫວ່າງ​ທ່າ​ນຮອງ​ນາຍົກລັດຖະມົນຕີ ຈິ້ງ​ດີງຢຸງ ​ແລະ ​ເຈົ້າ​ຄອງນະຄອນ Saint-Petersburg ທ່ານ Georgy Paltavchenko ກ່ຽວ​ກັບ​ບັນດາ​ບາດກ້າວ​ຫັນ​ເປັນ​ລະອຽດ ​ແລ​ະ ຍົກ​ສູງ​ການ​ພົວພັນ​ຄູ່​ຮ່ວມ​ມື​ຍຸດ​ທະ​ສາດ ຫວຽດນາມ - ລັດ​ເຊຍ, ທ່ານ​ຮອງ​ນາຍົກລັດຖະມົນຕີ ຈິ້ງ​ດີງຢຸງ ​ເນັ້ນ​ໜັກ​ວ່າ: ຫວຽດນາມ ​ແລະ ສະຫະພັນ ລັ​ດ​ເຊຍ ບໍ່​ພຽງ​ແຕ່​ຄວນ​ປະຕິບັດ​ບັນດາ​ຄຳ​ໝັ້ນ​ສັນຍາ​ທີ່​ມີ​ຢູ່​ແລ້ວ​ເທົ່າ​ນັ້ນ ຫາກ​ຍັງ​ຕ້ອງ​ເປີດ​ກ້ວາງ​ບັນດາ​ທິດ​ທາງ​ຮ່ວມ​ມື​ໃໝ່​ຕື່ມ​ອີກ. ທ່ານ​ຮອ​ງນາຍົກລັດຖະມົນຕີ ຈິ້ງ​ດີງຢຸງ ​ໃຫ້​ຄຳ​ໝັ້ນ​ສັນຍາ​ວ່າ ລັດຖະບານ​ຈະ​ສ້າງ​ທຸກ​ເງື່ອນ​ໄຂ​ສະດວກ​ທີ່​ສຸດ​ໃຫ້​ບັນດາ​ນັກ​ລົງທຶນ ລັດ​ເຊຍ ​ແລະ  Saint-Petersburg ​ເຂົ້າມາ​ລົງທຶນ​ຢູ່ ຫວຽດນາມ. ທ່ານ​ຮອງ​ນາຍົກລັດຖະມົນຕີ ຈິ້ງ​ດີງຢຸງ ກໍ່​ສະ​ເໜີ​ອຳນາດ​ການ​ປົກຄອງ Saint-Petersburg ສ້າງ​​ໂອກາດ​ໃຫ້​ສິນຄ້າ ​ແລະ ການ​ບໍລິການ​ຂອງ ຫວຽດນາມ ​ແຊກ​ຊຶມ​ເຂົ້າ​ຕະຫລາດ​ນະຄອນ​​ໃຫຍ່​ທີ 2 ຂອງ ລັດ​ເຊຍ ນີ້.
      ສ່ວນ​ເຈົ້າ​ຄອງນະຄອນ Saint-Petersburg ທ່ານ Georgy Paltavchenko ຊົມ​ເຊີຍ​ບັນດາ​ໂຄງການ​ລົງທຶນ​ຂອງ ຫວຽດນາມ ​ເຂົ້າ​ນະຄອນ ​ແລະ ​ໃຫ້​ຄຳ​ໝັ້ນ​ສັນຍາ ​ໃນ​ໄລຍະ​ມໍ່ໆ​ນີ້ ຈະ​ຈັດ​ຕັ້ງ​ການ​ພົບ​ປະລະ​ຫວ່າງ​ຜູ້ຕາງໜ້າ​ວິ​ສາ​ຫະກິດ ຫວຽດນາມ ກັບ​ຜູ້ຕາງໜ້າ​ບັນດາ​ລະບົບ​ຂາຍຍ່ອຍ​ຂອງ​ນະຄອນ ​ເພື່ອ​ຊອກ​ຫາ​ລູກ​ຄ້າ​ທີ່​ມີ​ຄວາມ​ສາມ​າດບົ່ມ​ຊ້ອນ.
(ແຫຼ່ງຄັດຈາກ VOV)