18/04/2018 10:27 GMT+7 Email Print Like 0

ຍີ່ປຸ່ນ ແລະ ຈີນ ປາດຖະໜາຢາກນຳການພົວພັນ 2 ຝ່າຍໄປສູ່ “ການເລີ່ມຕົ້ນໃໝ່”

      ທ່ານນາຍົກລັດຖະມົນຕີ ຍີ່ປຸ່ນ Shinzo Abe ໄດ້ຮຽກຮ້ອງໃຫ້ຊຸກຍູ້ການພົວພັນ 2 ຝ່າຍ ແລະ ປາດຖະໜາຢາກຮ່ວມມືກັບ ຈີນ ໃນບັນຫາ ສປປ ເກົາຫຼີ.

ທ່ານລັດຖະມົນຕີການຕ່າງປະເທດ ຈີນ ແລະ ທ່ານນາຍົກລັດຖະມົນຕີ ຍີ່ປຸ່ນ
(ພາບ:Reuters)
      ວັນທີ 16 ເມສາ, ບັນດາການນຳ ຍີ່ປຸ່ນ ແລະ ຈີນ ໃຫ້ຄຳໝັ້ນສັນຍາສ້າງ “ການເລີ່ມຕົ້ນໃໝ່” ໃນການພົວພັນ 2 ຝ່າຍ, ພ້ອມທັງຮຽກຮ້ອງການຮ່ວມມືແໜ້ນແຟ້ນກ່ວາໃນສະພາບການໂລກມີການຜັນແປຫຼາຍຢ່າງທີ່ກ່ຽວຂ້ອງເຖິງບັນດາຄວາມເຄັ່ງຕຶງດ້ານການຄ້າ ຫຼື ບັນຫານິວເຄຼຍ ຢູ່ ສປປ ເກົາຫຼີ. ທີ່ການຕ້ອນຮັບລັດຖະມົນຕີການຕ່າງປະເທດ ຈີນ ຫວາງອີ ໃນຂອບເຂດການຢ້ຽມຢາມແກ່ຍາວເວລາ 3 ວັນຂອງທ່ານເຖິງ ໂຕກຽວ, ທ່ານນາຍົກລັດຖະມົນຕີ ຍີ່ປຸ່ນ Shinzo Abe ໄດ້ຮຽກຮ້ອງໃຫ້ຊຸກຍູ້ການພົວພັນ 2 ຝ່າຍ ແລະ ປາດຖະໜາຢາກຮ່ວມມືກັບ ຈີນ ໃນບັນຫາ ສປປ ເກົາຫຼີ. ທ່ານ Abe ກໍ່ຮຽກຮ້ອງຢາກ ຍົກລະດັບການພົວພັນ ຍີ່ປຸ່ນ - ຈີນ, ທີ່ຕ່າງຝ່າຍຕ່າງມີຜົນປະໂຫຍດໃນຫຼາຍຂົງເຂດ.
        ໃນຂະນະນັ້ນ, ທ່ານລັດຖະມົນຕີການຕ່າງປະເທດ ຈີນ ຫວາງອີ ໃຫ້ຮູ້ວ່າ: ປັກກິ່ງ ຢາກນຳການພົວພັນ 2 ຝ່າຍໄປສູ່ “ການເລີ່ມຕົ້ນໃໝ່”, ຮ່ວມມືໃນບັນດາຂົງເຂດເຊິ່ງລວມມີ: ພະລັງງານ, ການເງິນ ແລະ ສິ່ງແວດລ້ອມ.
 (ແຫຼ່ງຄັດຈາກ VOV)