10/08/2016 10:02 GMT+7 Email Print Like 0

ຍີ່ປຸ່ນພ້ອມແລ້ວຈະຍິງບັນດາວັດຖຸບິນເຂົ້າຜືນແຜ່ນດິນປະເທດນີ້


(ພາບປະກອບ:TTXVN)
      ວັນ​ທີ 08/08 ທ່ານ​ນາງ Tomomi Inada ລັດຖະມົນຕີ​ກະຊວງ​ປ້ອງ​ກັນ​ປະ​ເທດ ຍີ່ປຸ່ນ ອອກ​ຄຳ​ສັ່ງ​ໃຫ້​ບັນດາ​ກຳ​ລັງ​ປ້ອງ​ກັນ (SDF) ພ້ອມ​ແລ້ວ​ທີ່ຈະ​ຍິງ​ທຳລາຍ ບໍ່​ວ່າ​ວັດຖຸ​ໃດທີ່​​ບິນ​ເຂົ້າ​ຜືນ​ແຜ່ນດິນ​ປະ​ເທດ​ນີ້, ​ເພື່ອ​ແນ​ໃສ່ຮັບ​ມື​ຕໍ່​ກໍລະນີ ສປປ.​ເກົາຫຼີ ອາດຈະ​ຍິງ​ລູກ​ສອນ​ໄຟ​ເຂົ້າ ຍີ່ປຸ່ນ. ບັນດາ​ລູກ​ສອນ​ໄຟ​ຂອງ ສປ​ປ.​ເກົາຫຼີ ​ເຄີ​ຍ​ຍິງ​ຈາກຖານ​ຍິງ​ເຄື່ອນ​ທີ່ ສະ​ນັ້ນຈະພົບ​ເຫັນຍາກທີ່​ສຸດ. ຄຳ​ສັ່ງ​ດັ່ງກ່າວ ​ເພື່ອ​ແນ​ໃສ່ຊ່ວຍ​ໃຫ້ SDF ​ເປັນ​ເຈົ້າ​ການ​ກ່ວາ, ມີ​ຄວາມສະດວກກ່ວາ​ເມື່ອ​ຍິງ​ສະກັດ​ກັ້ນ​ລູກ​ສອນ​ໄ​ຟຂອງ ສປປ.​ເກົາຫຼີ​. SDF ຈະ​ຢູ່​ໃນ​ສະພາວະ​ເຕືອນ​ໄພ​ຢ່າງ​ນ້ອຍ​ສຸດ​​ແມ່ນ 3 ​ເດືອນ ​ແລະ ພາຍຫລັງ 3 ​ເດືອນ, ຄຳ​ສັ່ງ​ດັ່ງກ່າວ​ຂອງ​ທ່ານ​ນາງ​ລັດຖະມົນຕີ​ກະຊວງ​ປ້ອງ​ກັນ​ປະ​ເທດ Inada ກໍ່ຈະມີ​ການ​ພິຈາລະນາ​ຄືນ​ໃໝ່.
 (ແຫຼ່ງຄັດຈາກ VOV)