22/11/2018 08:33 GMT+7 Email Print Like 0

ຊຸກຍູ້ວິສາຫະກິດຂະໜາດກາງ ແລະ ນ້ອຍ ເຂົ້າຮ່ວມລະບົບມູນຄ່າທົ່ວໂລກ ແລະ ການປະຕິວັດອຸດສາຫະກຳ 4.0

ກອງປະຊຸມສຳມະນາ “ຊຸກຍູ້ວິສາຫະກິດຂະໜາດກາງ ແລະ ນ້ອຍ ເຂົ້າຮ່ວມລະບົບມູນຄ່າທົ່ວໂລກ ແລະ ການປະຕິວັດອຸດສາຫະກຳ 4.0” ໂດຍຄະນະກຳມະການປະຊາຊົນນະຄອນ ຫ້າຍຟ່ອງ ສົມທົບກັບສະພາທຸລະກິດ ອາເມລິກາ - ອາຊຽນ ຈັດຂຶ້ນໃນວັນທີ 21 ພະຈິກ, ທີ່ຫ້າຍຟ່ອງ.

ທີ່ກອງປະຊຸມສຳມະນາ (ພາບ: haiphong.gov.vn)

ທີ່ກອງປະຊຸມສຳມະນາ, ບັນດາຜູ້ແທນເຂົ້າຮ່ວມໄດ້ເຫັນດີເປັນເອກະພາບກັນຖືວ່າ ໃນສະພາບການໃໝ່ ດ້ວຍການປ່ຽນແປງຂອງລະບົບການຕອບສະໜອງທົ່ວໂລກ ແລະ ພື້ນຖານເສດຖະດິດດີຈີຕອນ, ຮຽກຮ້ອງໃຫ້ບັນດາເຈົ້າຂອງວິສາຫະກິດຂະໜາດນ້ອຍ ແລະ ກາງ ຄວນປ່ຽນແປງຈິນຕະນາການ, ໄປທັນກັບລະດັບການພັດທະນາລວມຂອງໂລກໂດຍໄວ. ຕາມທ່ານ ປອ. ຫວູຫວຽດງ້ານ, ຫົວໜ້າໜ່ວຍງານໃຫ້ຄຳປຶກສາດ້ານເສດຖະກິດ ຂອງ ທ່ານນາຍົກລັດຖະມົນຕີ ໃຫ້ຮູ້ວ່າ:

“ແກ້ໄຂ 3 ບັນຫາດັ່ງກ່າວ, ບວກກັບການໜູນຊ່ວຍຂອງບັນດາຂອບເຂດ, ລະບອບລະບຽບການ ແລະ ນະໂຍບາຍແຫ່ງລັດ, ຂ້າພະເຈົ້າຫວັງວ່າໃນໄລຍະຈະມາເຖິງນີ້ SME ຈະຂະຫຍາຍຕົວຄືດັ່ງຄວາມຄາດຫວັງຂອງລັດຖະບານ. ບໍ່ວ່າພື້ນຖານເສດຖະກິດໃດໃນໂລກ ກໍ່ລ້ວນແຕ່ຖືລະບົບ SMEs ເປັນເສົາຫຼັກຂອງພື້ນຖານເສດຖະກິດ. ສິ່ງນັ້ນ ລັດຖະບານໄດ້ມີການຮັບຮູ້ຢ່າງເລິກເຊິ່ງທີ່ສຸດ. ບັນດາເອກະສານໃນຂອບເຂດກົດໝາຍ ໃນໄລຍະຜ່ານມາໄດ້ປາກົດຕົວຂຶ້ນເພື່ອໜູນຊ່ວຍ SMEs. ອາຍຸການທີ່ຈະມາເຖິງ, ກຳລັງໜູນເພື່ອເຕີບໂຕ, ພັດທະນານັ້ນ, ກໍ່ແມ່ນຂົງເຂດ SMEs.”

ກອງປະຊຸມສຳມະນາ ໄດ້ສະໜອງຂໍ້ມູນຂ່າວສານສຳຄັນຫຼາຍຢ່າງຄື: ວິທີການຊຳລະເງິນແບບເອເລັກໂຕນິກ ໃຫ້ແກ່ບັນດາວິສາຫະກິດ, ບັນດາລະບຽບການນິຕິກຳ ທີ່ບັນດາວິສາຫະກິດຂະໜາດກາງ ແລະ ນ້ອຍຄວນເຮັດເມື່ອສົ່ງອອກສິນຄ້າ, ກາລະໂອກາດໃຫ້ບັນດາວິສາຫະກິດພັດທະນາການຄ້າຂ້າມຊາຍແດນ…

(ແຫຼ່ງຄັດຈາກ VOV)