25/01/2015 06:11 GMT+7 Email Print Like 0

ຊີ້ນຳ, ບໍລິຫານຢ່າງມີ ໄຫວພິບ ເພື່ອຮັບປະກັນ ບັນລຸ ລະດັບເຕີບໂຕ GDP ໃນປີ 2015 ໃຫ້ໄດ້ 6,2%

(ທ່ານ​ນາຍົກລັດຖະມົນຕີ ຫງວຽນ​ເຕີນ​ຢຸງ ຊີ້​ນຳ, ບໍລິຫານ​ຢ່າງ​ມີ​ໄຫວ​ພິບ​
ເພື່ອ​ຮັບປະກັນ​ບັນລຸ​ລະດັບ​ເຕີບ​ໂຕ GDP
ໃນປີ 2015 ໃຫ້​ໄດ້ 6,2%)

 ຕອນ​ຄໍ່າ​ວັນ​ທີ 22/01, ທ່ານ​ນາຍົກລັດຖະມົນຕີ ຫງວຽນ​ເຕີນ​ຢຸງ ຊີ້​ນຳ​ກອງ​ປະຊຸມ​ກັບ​ບັນດາ​ກະຊວງ, ຂະ​ແໜງ​ການ​ທີ່ກ່ຽວຂ້ອງ​ເພື່ອ​ປຶກສາ​ຫາ​ລື ແລະ ສະ​ເໜີ​ບັນດາ​ບັນຫາ​ສຳຄັນ​ກ່ຽວ​ກັບ​ການ​ຄຸ້ມ​ຄອງ ແລະ ບໍລິຫານ​ເສດຖະກິດ​ມະຫາ​ພາກ. ກ່າວ​ຄຳ​ເຫັນ​ທີ່​ກອງ​ປະຊຸມ, ທ່ານ​ນາຍົກລັດຖະມົນຕີ ຫງວຽນ​ເຕີນ​ຢຸງ ເນັ້ນ​ໜັກ​ວ່າ ວຽກ​ງານ​ຊີ້​ນຳ, ບໍລິຫານ​ຕ້ອງ​ຢືດໝັ້ນ​ກັບບັນດາ​ຄາດໝາຍ​ທີ່​ວາງ​ອອກ​ນັບ​ແຕ່​ຕົ້ນ​ປີ ເພື່ອ​ຮັບປະກັນ​ການ​ເຕີບ​ໂຕ GDP ປີ 2015 ໃຫ້​ບັນລຸ 6,2%, ຄວບ​ຄຸມ​​ໄພ​ເງິນ​ເຟີ້​ໃນ​ລະດັບ 5%... ດ້ວຍ​ຈິດ​ໃຈ​ລວ​ມຄື​ແນວ​ນັ້ນ, ທ່ານ​ນາຍົກລັດຖະມົນຕີ ໄດ້​ຊີ້​ນຳ​ໃຫ້​ທະນາຄານ​ແຫ່ງ​ລັດ ຕ້ອງ​ເປັນ​ເຈົ້າ​ການ​ບໍລິຫານ​ດອກ​ເບ້ຍ ແລະ ເຕີບ​ໂຕ​ບ້ວງ​ເງິນ​ສິນ​ເຊື່ອ​ໃຫ້​ເໝາະສົມ​ກັບ​ການ​ຜັນ​ແປ​ຂອງ​ໄພ​ເງິນ​ເຟີ້ ເພື່ອ​ຮັບປະກັນການ​ເຕີບ​ໂຕ​ດ້ານ​ເສດຖະກິດ​ຄື​ຄາດໝາຍ​ທີ່​ໄດ້​ວາງ​ອອກ. ກ່ຽວ​ກັບ​ການ​ຂຸດ​ຄົ້ນ​ນ້ຳມັນ​ດິບ, ທ່ານ​ນາຍົກລັດຖະມົນຕີ ຫງວຽນ​ເຕີນ​ຢຸງ ຮຽກຮ້ອງ​ໃຫ້​ກຸ່ມ​ບໍລິສັດ​ນ້ຳມັນ​ອາຍ​ແກັດ​ຫວຽດນາມ ສູ້​ຊົນ​ບັນລຸ​ແຜນການ​ທີ່​ໄດ້​ວາງ​ອອກ​ຢ່າງ​ສູງສຸດ ແຕ່​ຕ້ອງ​​ໃກ້ຊິດຕິດ​​ແທດ​ກັບພັນສະພາບ​ລາຄາ​ນ້ຳມັນ​ດິບ​ເພື່ອ​ບໍລິຫານ​ການ​ຂຸດ​ຄົ້ນ​ນ້ຳມັນ​ດິບບົນ​ຫຼັກການ​ບໍ່​​ໃຫ້ຫຼຸບ​ທຶນ ແລະ ໄລ່​ລຽງ​​ເຖິງ​ບໍ່ນ້ຳມັນແຕ່ລະແຫ່ງຢ່າງລະ​ອຽດ. ທ່ານນາຍົກລັດຖະມົນຕີ ຊີ​້ນຳ​ໃຫ້​ກຸ່ມ​ບໍລິສັດ​ໄຟຟ້າ​ຫວຽ​ດນາມ ກວດກາ​ຄືນ​ເພື່ອ​ຫຼຸດຜ່ອນ​ລາຄາ​ຢ່າງ​ແຮງ, ໃນ​ນັ້ນ​ມີ​ບັນຫາ​ຂາດ​ແຄນ​​ໄຟຟ້າ ແລະ ເພີ່ມ​ສະມັດ​ຕະພາບ​ແຮງ​ງານ. ທ່ານ​ນາຍົກລັດຖະມົນຕີ ຊີ້​ນຳ​ໃຫ້​ໜ່ວຍຄົ້ນຄວ້າ​ບໍລິຫານ​ເສດຖະກິດ​ມະຫາ​ພາກ ເອົາ​ໃຈ​ໃສ່​ເຖິງ​ບາງ​ເນື້ອ​ໃນ, ໃນ​ນັ້ນ​ມີ​ການ​ກະທົບ​​ເຖິງເສດຖະກິດ​ຫວຽດນາມ ເມື່ອ​ຫວຽດນາມ ເຂົ້າ​ຮ່ວມສັນຍາ​ການ​ຄ້າ​ເສລີ ແລະ ປະຊາ​ຄົມ​ເສດຖະກິດ​ອາ​ຊຽນ ໄດ້​ຮັບ​ການ​ສ້າງ​ຕັ້ງ, ພ້ອມ​ທັງ​ຕີ​ລາຄາ​ຄືນ​ລະບົບ​ຂາ​ຍຍ່ອຍຂອງ​ຫວຽດນາມ ໃນ​ສະພາບ​ແກ່ງ​ແຍ້​ງຢ່າງ​ຂ້ຽວຂາດ, ໜີ້​ສາທາລະນະ, ການດັດ​ປັບ​ລາຄາ​ບາງ​ການ​ບໍລິການສາທາລະນະ​ຈຳນວນ​ໜຶ່ງ.

 (​ແຫຼ່ງຄັດ​ຈາກ VOV)