31/12/2015 09:30 GMT+7 Email Print Like 0

ຊາວຫວຽດນາມອາໄສຢູ່ຕ່າງປະເທດ ແມ່ນແຫຼ່ງກຳລັງໃຫຍ່ຫລວງຂອງປະເທດຊາດ

(ພາບປະກອບ)
      ຕອນ​ຄ່ຳ​ວັນ​ທີ 29/12, ຄະນະ​ປະຈຳການ​ຄະນະ​ກຳມະການ​ສູນ​ກາງ​ແນວ​ໂຮມ​ປະ​ເທດ​ຊາດ ຫວຽດນາມ ​ໄດ້​ພົບ​ປະ​ສັງ​ສັນ​ກັບ​ບັນດາ​ກຳມະການ​ຄະນະ​ກຳມະການ​ສູນ​ກາງ​ແນວ​ໂຮມ​ປະ​ເທດ​ຊາດ ຫວຽດນາມ ຊຸດ​ທີ 8 ​ຊຶ່ງແມ່ນ​ຊາວ ຫວຽດນາມ ອາ​ໄສ​ຢູ່​ຕ່າງປະ​ເທດ. ທີ່​ການ​ຕ້ອນຮັບ, ທ່ານ ຫງວຽນ​ທ້ຽນ​ເຍີນ ກຳມະການ​ກົມ​ການ​ເມືອງ, ປະທານຄະນະ​ກຳມະການ​ສູນ​ກາງ​ແນວ​ໂຮມ​ປະ​ເທດ​ຊາດ ຫວຽດນາມ ​ເນັ້ນ​ໜັກ​ວ່າ: ປະຈຸ​ບັນມີ​ຊາວ ຫວຽດນາມ ອາ​ໄສ​ຢູ່​ຕ່າງປະ​ເທດ 4,5 ລ້ານ​ຄົນ. ນີ້​ແມ່ນ​​ແຫຼ່ງກຳລັງອັນໃຫຍ່​ຫລວງ​ກ່ຽວ​ກັບທາງ​ດ້ານ​ພູມ​ປັນຍາ, ມະນຸດ ​ແລະ ​ເສດຖະກິດ. ຄາດ​ວ່າ​ໃນ​ປີ 2015, ຊາວ ຫວຽດນາມ ອາ​ໄສ​ຢູ່​ຕ່າງປະ​ເທດ​ໄດ້​ສົ່ງ​ເງິນ​ເມືອປະ​ເທດ​ປະມາ​ນ 13,4 ຕື້ USD. ບັນດາ​ໝາກ​ຜົນ​ຂອງ​ປະ​ເທດ​ຊາດ​ໃນ​ປີ 2015 ມີການ​ປະກອບສ່ວນ​ຂອງ​ຊາວ ຫວຽດນາມ ອາ​ໄສ​ຢູ່​ຕ່າງປະ​ເທດ. ຜູ້​ຕາງໜ້າປະຊາ​ຄົມ​ຊາວ​ ຫວຽດນາມ ອາ​ໄສ​ຢູ່​ຕ່າງປະ​​ເທດຢືນຢັນ​ວ່າ: ພໍ່​ແມ່​ພີ​ນ້ອງ​ຊາວ ຫວຽດນາມ ອາ​ໄສ​ຢູ່​ຕ່າງປະ​ເທດ ​ມີ​ຄວາມເບີດ​ບານ​ມ່ວນ​ຊື່ນທີ່​ສຸດ​ຕໍ່​ບັນດາ​ນະ​ໂຍບາຍ​ເປີດ​ອົກ​ເປີດ​ໃຈ​ຂອງ​ລັດຖະບານ ຫວຽດນາມ ​ໃນ​ການສ້າງ​ເງື່ອນ​ໄຂ​ໃຫ້​ແກ່​ຊາວ ຫວຽດນາມ ອາ​ໄສ​ຢູ່​ຕ່າງປະ​ເທດ​ໄດ້​ຊື້​ເຮືອນ​ຢູ່, ຍົກ​ເວັ້ນວີຊາ ​ແລະ ​ໃນບັນຫາ​​ເຂົ້າ​ສັນຊາດ​ກໍ່​ມີ​ຄວາມສະດວກ​ກ່ວາ​ເກົ່າ.
 (ແຫຼ່ງຄັດຈາກ VOV)