27/05/2015 07:28 GMT+7 Email Print Like 0

ຊາປາ - ຕາແສງເທດສະບານແຫ່ງເມກໝອກ

ຕັ້ງຢູ່ທາງທິດຕາເວັນຕົກສ່ຽງເໜືອຂອງຫວຽດນາມ, ຊາປາ ແມ່ນຕາແສງເທດສະບານແຫ່ງໜຶ່ງ ຂອງແຂວງ ລາວກາຍ, ຢູ່ລະດັບສູງ 1600 ແມັດເມື່ອທຽບກັບໜ້ານ້ຳທະເລ, ມີພູມ ອາກາດເຢັນສະບາຍຕະຫຼອດປີ, ມີທັດສະນີຍະພາບອັນກ້ວາງໃຫຍ່ໄພສານ ແລະ ມີພື້ນຖານວັດທະນະທຳທ້ອງຖິ່ນ ທີ່ເປັນເອກະລັກ. ຕາມ Roughguides ແມ່ນໜ້າເວັບໄຊ ທ່ອງທ່ຽວ ທີ່ມີຊື່ສຽງໂດ່ງດັງ ຂອງອັງກິດແລ້ວ, ປະຈຸບັນ ຊາປາ ແມ່ນໜຶ່ງໃນ 9 ຈຸດນັດໝາຍທີ່ໜ້າອ່າວຄະນິງຫາ ຄອຍຖ້າ ນັກທ່ອງທ່ຽວທີ່ມາຄົ້ນພົບໃນປີ 2015.
ຕາມພາສາຊົນເຜົ່າຢ້າວຢູ່ທ້ອງຖິ່ນ, ຊາປ໊າມີຄວາມໝາຍວ່າ “ຫາດຊາຍ”,  ພາຍລຸນມາ ຊາວຝຣັ່ງເອີ້ນຜິດຜ້ຽນໄປເປັນ ຊາປາ. ນັບແຕ່ນັ້ນເປັນຕົ້ນມາ, ຊື່ເອີ້ນດ່ັງກ່າວ ໄດ້ຕິດພັນກັບ ສະຖານທີ່ທ່ອງທ່ຽວ ທີ່ຂຶ້ນຊື່ລືນາມ ຂອງຫວຽດນາມຕະ ຫລອດ 110 ກວ່າປີຜ່ານມາ.

ປີ 1920 ເມື່ອເສັ້ນທາງລົດໄຟສາຍ ຮ່າໂນ້ຍ-ລາວກາຍ ໄດ້ ສ້າງສຳເລັດ, ຊາວຝຣັ່ງໄດ້ກໍ່ສ້າງເຮືອນວິນລາ ເກືອບ 300 ຫຼັງ ຢູ່ຊາປາແຫ່ງນີ້ ແນໃສ່ສ້າງໃຫ້ກາຍເປັນ “ນະຄອນຫຼວງ ແຫ່ງລະດູແລ້ງ” ຂອງພາກເໜືອຫວຽດນາມ.  ນັບແຕ່ນັ້ນ ເປັນຕົ້ນມາ, ຊາປາໄດ້ຮັບການພັດທະນາເປັນ ກຸ່ມສະຖານທີ່ ທ່ອງທ່ຽວມີຊື່ສຽງໂດ່ງດັງ ຊຶ່ງດຶງດູດໃຈນັກທ່ອງທ່ຽວ ເປັນຈຳນວນຫຼວງຫຼາຍເຊັ່ນ: ໂບດດ໋າ, ຄຸ້ມຖະໜົນເກົາໄມ, ຈອມພູຮ່າມຣົ່ງ, ຮ່ອມພູເມືອງຮວາ ແລະ ບ້ານກາດກາດ.


ຕາແສງເທດສະບານ ຊາປາ ປຽບເໝືອນ “ເມັດແກ້ວມະນີ ແຫ່ງເຂດຕາເວັນຕົກສ່ຽງເໜືອ” ມອງຈາກຈອມພູຮ່າມຣົ່ງ. ພາບ: ຫງວຽນຖັ໋ງ










ຊາປາ ຊຶ່ງເຕັມໄປດ້ວຍບັນດາຮ້ານກາເຟ, ຮ້ານຂາຍເຄື່ອງທີ່ລະນຶກ ຈົມຢູ່ໃນເມກໝອກ ສ້າງຄວາມປະທັບໃຈຢ່າງຍິ່ງ
ໃຫ້ແກ່ນັກທ່ອງທ່ຽວເປັນຈຳນວນຫຼວງຫຼາຍ. ພາບ: ຫງວຽນຖັ໋ງ



T
ທັດສະນີຍະພາຍທີ່ສວຍສົດງົດງາມຂອງຮ່ອມພູ ຕ່າວັນ ກັບຮູບພາບທົ່ງນາຂັ້ນໄດ
ອ້ອມຮອບໝູ່ບ້ານຕ່າງໆ. ພາບ: ຫງວຽນຖັ໋ງ



ຄວາມງາມອັນມະຫັດສະຈັນຂອງເຂດພູຜາປ່າດົງ ຊາປາ ມອງຈາກພູຮ່າມຣົ່ງ. ພາບ: ຫງວຽນຖັ໋ງ


ບ້ານກາດກາດຫ່າງຈາກເທດ ຊາປາ 2 ກິໂລແມັດ, ເປັນບ່ອນ ໜຶ່ງທີ່ນັກທັດສະນາຈອນມັກມາຊອກຮູ້
ພື້ນຖານ ວັດທະນະ ທຳ ຂອງຊົນເຜົ່າມົ້ງ. ພາບ: ຫງວຽນຖັ໋ງ





ສີຂາວກະຈະຂອງດອກໝາກໝັ້ນຢູ່ຕາມເສັ້ນທາງຊອຍ ແລະ ໝູ່ບ້ານຕ່າງໆ
ຢູ່ແຄມຕາແສງເທດສະບານ ຊາປາ. ພາບ: ຫງວຽນຖັ໋ງ



ບົນເສັ້ນທາງຂຶ້ນຈອມພູຮ່າມຣົ່ງ, ນັກທ່ອງທ່ຽວຈະຜ່ານກາຍ ສວນດອກໄມ້ທີ່ກ້ວາງໃຫຍ່
ແລະ ຫຼາກຫຼາຍສີສັນ ເໝືອນດັ່ງ ເຂດພູພຽງທີ່ຫຍໍ້ລົງ. ພາບ: ກົງດາດ



ຊາປາເປັນຈຸດນັດໝາຍດຶງດູດໃຈນັກທ່ອງທ່ຽວຢູ່ພາຍໃນ ແລະ ຕ່າງປະເທດ,
ພິເສດແມ່ນໃນໂອກາດວັນບຸນ ແລະ ຕົ້ນປີໃໝ່. ພາບ: ແທງຢາງ



ຊາປາເປັນບ່ອນໃຊ້ຊີວິດຂອງວົງຄະນາຍາດ 6 ຊົນເຜົ່າຄື: ກິງ, ມົ້ງ, ຢາວແດງ, ໄຕ່, ໄຢ໋ ແລະ ຊາຟໍ໋. ເມື່ອມາຮອດນີ້, ນັກທ່ອງທ່ຽວສາມາດ
ຊອກຊື້ເຄື່ອງທີ່ລະນຶກ ທີ່ໄດ້ຮັບການ ຜະລິດຈາກພໍ່ແມ່ປະຊາຊົນຊາວຊົນເຜົ່າສ່ວນໜ້ອຍ. ພາບ: ຈ້ອງຈິ໋ງ

ນັບຕັ້ງແຕ່ເປີດການນໍາໃຊ້ເສັ້ນທາງດ່ວນ ຮ່າໂນ້ຍ-ລາວກາຍ ເມື່ອເດືອນກັນຍາປີ 2014 ເປັນຕົ້ນມາ, ຈຳນວນນັກທ່ອງ ທ່ຽວທີ່ມາທ່ຽວຊາປາ ໄດ້ເພີ່ມຂຶ້ນ 40% ເມື່ອທຽບກັບ ເມື່ອກ່ອນ (ແຫຼ່ງໜັງສືພິມປະຊາຊົນ).

ຕາມ Roughguides ແມ່ນໜ້າເວັບໄຊທ່ອງທ່ຽວ ທີ່ມີຊື່ສຽງໂດ່ງດັງ ຂອງອັງກິດແລ້ວ, ປະຈຸບັນ ຊາປາ ແມ່ນໜຶ່ງໃນ 9 ຈຸດນັດໝາຍທີ່ໜ້າອ່າວຄະນິງຫາ ຄອຍຖ້າ ນັກທ່ອງທ່ຽວທີ່ມາຄົ້ນພົບໃນປີ 2015.
ປະຕິບັດໂດຍ: ສະໂມສອນຖ່າຍຮູບວິນາທີຄຳ (ຂ່າວພາບຫວຽດນາມ)
ບັນດາບົດທີ່ຖືກນຳສະເໜີ