06/05/2016 10:02 GMT+7 Email Print Like 0

ຈີນ ແລະ ລາວຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານ


ທ່ານ​ນາ​ຍົກ​ລັດ​ຖະ​ມົນ​ຕີ​ຈີນ ລິ໋​ເຄີ​ສຽງ 
ແລະ ທ່ານ​ປະ​ທານ​ປະ​ເທດ​ລາວ ບຸນ​ຍັງ ວໍ​ລະ​ຈິດ
(ພາບ: Xinhua)
      ຈີນ​ ແລະ​ ລາວ​ ຊຸກ​ຍູ້​ການ​ພົວ​ພັນ​ຄູ່​ຮ່ວມ​ມື​ຍຸດ​ທະ​ສາດ​ຮອບ​ດ້ານ. ນີ້​ແມ່ນ​ທັດ​ສະ​ນະ​ລວມ​ລະ​ຫວ່າງ​ທ່ານ​ນາ​ຍົກ​ລັດ​ຖະ​ມົນ​ຕີ​ຈີນ ລິ໋​ເຄີ​ສຽງ ແລະ ທ່ານ​ປະ​ທານ​ປະ​ເທດ​ລາວ ບຸນ​ຍັງ ວໍ​ລະ​ຈິດ ທີ່​ບັນ​ລຸ​ໄດ້​ໃນ​ການ​ພົບ​ປະ​ຢູ່​ນະ​ຄອນ​ຫຼວງ ປັກ​ກິງ, ປະ​ເທດ​ຈີນ ໃນ​ວັນ​ທີ 05/05. ທີ່​ການ​ພົບ​ປະ, ທ່ານ​ນາ​ຍົກ​ລັດ​ຖະ​ມົນ​ຕີ ລິ໋​ເຄີ​ສຽງ ໃຫ້​ຄຳ​ໝັ້ນ​ສັນ​ຍາ​ວ່າ ປັກ​ກິງ ພ້ອມ​ແລ້ວ​ທີ່​ຈະ​ປັບ​ປຸງ, ຊຸກ​ຍູ້​ບັນ​ດາ​ໂຄງ​ການ​ຮ່ວມ​ມື 2 ຝ່າຍ, ເພີ່ມ​ທະ​ວີ​ການ​ແລກ​ປ່ຽນ ແລະ ແບ່ງ​ປັນ​ຂໍ້​ມູນ​ກັບ​ລາວ ກ່ຽວ​ກັບ​ການ​ພັດ​ທະ​ນາກວ່າ​ອີກ. ທ່ານ​ຮຽກ​ຮ້ອງ​ໃຫ້ 2 ປະ​ເທດ​ເພີ່ມ​ທະ​ວີ​ການ​ຕິດ​ຕໍ່ ແລະ ຮ່ວມ​ມື​ໃນ​ບັນ​ດາ​ບັນ​ຫາ​ພາກ​ພື້ນ ແລະ ສາ​ກົນ. ສ່ວນ​ທ່ານ​ປະ​ທານ​ປະ​ເທດ​ລາວ ບຸ​ນ​ຍັງ ວໍ​ລະ​ຈິດ ຢືນ​ຢັນ​ວ່າ, ລາວ ພ້ອມ​ແລ້ວ​ທີ່​ຈະ​ເປີດກວ້າງ​ການ​ຮ່ວມ​ມື 2 ຝ່າຍ ແລະ ປະ​ຕິ​ບັດ​ບັນ​ດາ​ໂຄງ​ການ​ຮ່ວມ​ມື​ກັບ​ຈີນ ໃນ​ນັ້ນ​ມີ​ການກໍ່​ສ້າງ​ເສັ້ນ​ທາງ​ລົດ​ໄ​ຟ ລາວ - ຈີນ, ພ້ອມ​ທັງ​ໃຫ້​ຮູ້​ວ່າ, ລາວ ຈ​ະ​​ຕັ້ງ​ໜ້າເຂົ້າ​ຮ່ວມ​ກົນ​ໄກ​ຮ່ວ​ມ​ມື ​ລ໋ານ​ຊາງ - ແມ່​ຂອງ.
        ແລະ​ກໍ່​ໃນ​ວັນ​ດຽວ​ກັນ, ທີ່​ການ​ພົບ​ປະ​ກັບການ​ນຳ​ຂັ້ນ​ຕ່າງໆ​ຂອງ​ຈີນ 2 ຝ່າຍກໍ່​ເຫັນ​ດີ​ເພີ່ມ​ທະ​ວີ​ການ​ຮ່ວມ​ມື ເພື່ອ​ແນ​ໃສ່​ຊຸກ​ຍູ້​ການ​ພົວ​ພັ​ນ​ຄູ່​ຮ່ວມ​ມື​ຍຸດ​ທະ​ສາດ​ຮອບ​ດ້ານ, ເພີ່ມ​ທະ​ວີ​ການ​ແລກ​ປ່ຽນ 2 ຝ່າຍ​​ໃນທຸກ​ຂັ້ນ.
(ແຫຼ່ງຄັດຈາກ VOV)