23/01/2015 15:31 GMT+7 Email Print Like 0

ຄຸນລັກສະນະຊົນນະບົດ ໃນຜະລິດຕະພັນ ຂອງ ບິ່ງມິນ

ບໍ່ມີຫຼາຍຄົນຮູ້ໄດ້ວ່າ ບັນດາຜະລິດຕະພັນຂອງ ຫວຽດນາມ ຄື: ໜໍ່, ໝາກເຜັດ, ໝາກແຕງ ແລະ ໝາກເລັ່ນ ຫຼັງຈາກຜ່ານການປຸງແຕ່ງ ແລະ ອັດໃສ່ກວດ ຂອງບໍລິສັດຫຸ້ນສ່ວນ ສະບຽງ ອາຫານ ບິ່ງມິນ ເມື່ອສົ່ງອອກໄປ ອາເມລິກາ, ຍີ່ປຸ່ນ, ທະວີບອາຟຣິກກາ ຊຶ່ງໄດ້ຮັບຄວາມ ນິຍົມຊົມຊອບ ຂອງຜູ້ບໍລິໂພກນັບເປັນຈຳນວນຫຼວງຫຼາຍ.

 

ບໍລິສັດຫຸ້ນສ່ວນສະບຽງອາຫານ ບິ່ງມິນ ເປັນໜຶ່ງໃນບັນດາບໍລິສັດທີ່ຜະລິດ ແລະ ສົ່ງອອກຜະລິດຕະພັນ ກະສິກຳແຖວໜ້າຢູ່ພາກເໜືອ ຫວຽດນາມ. ບໍລິສັດໃຫຍ່ ໄດ້ຕັ້ງຢູ່ຖະໜົນ ຮຸ່ງເວືອງ, ນະຄອນ ຫາຍຝ່ອງ. ແຕ່ລະມື້, ຜະລິດຕະພັນຫຼາຍຊະນິດຄື: ຊອັດໝາກເຜັດ, ສົ້ມໜໍ່ ແລະ ສົ້ມໝາກແຕງອ່ອນ ຂອງ ບໍລິສັດ ບິ່ງມິນ ໄດ້ຈຳໜ່າຍອອກສູ່ຕະຫຼາດພາຍໃນ ແລະ ສົ່ງອອກໄປສູ່ປະເທດ ຍີ່ປຸ່ນ ແລະ ປະເທດຈຳນວນໜຶ່ງຢູ່ ເອີຣົບ.

ດ້ວຍແຫຼ່ງວັດຖຸດິບທີ່ອຸດົມສົມບູນ ຈາກບັນດາທ້ອງຖິ່ນ, ບິ່ງມິນ ໄດ້ປຸງແຕ່ງເປັນບັນດາຜະລິດຕະພັນ ທີ່ມີຄຸນະພາບສູງ ແລະ ຮັບປະກັນຄວາມປອດໄພ ດ້ານສະບຽງອາຫານຢ່າງເດັດຂາດ. ຜະລິດຕະພັນສົ່ງອອກຕົ້ນຕໍ່ ຂອງ ບິ່ງມິນ ລວມມີ ນ້ຳຊອັດຫຼາຍຊະນິດ, ສົ້ມໝາກແຕງອ່ອນ ແລະ ສົ້ມໜໍ່.
 

“ເຕືອງເອີດເກວໂຕຍ” ຊຶ່ງໄດ້ກໍ່ສ້າງເປັນເຄື່ອງໝາຍການຄ້າ ຂອງບໍລິສັດ ບິ່ງມິນ. ພາບ:ເຟືອງຮວາ/VNA

ຊອັດໝາກເຜັດ ໄດ້ຮັບການຜະລິດ ຕາມກຳມະວິທີ
ສະຫງົບປອດໄພ ດ້ານສະບຽງອາຫານ. ພາບ:ເຟືອງຮວາ/VNA

ສົ້ມໝາກແຕງອ່ອນ ໄດ້ແຊ່ນ້ຳ ແລະ ເຮັດໃຫ້ສະອາດ ຕາມຂັ້ນຕອນຫຼັກອະນາໄມ ດ້ານສະບຽງອາຫານ. ພາບ:ເຟືອງຮວາ/VNA

ສົ້ມໝາກແຕງອ່ອນໄດ້ຮັບການອັດໃສ່ກວດ. ພາບ:ເຟືອງຮວາ/VNA

ຕ່ອງໂສ້ອັດໃສ່ກວດສົ້ມໝາກແຕ່ງອ່ອນ. ພາບ:ເຟືອງຮວາ/VNA

ກວດກາຂັ້ນຕອນການຕິດຍີ່ຫໍ້ຜະລິດຕະພັນ ໃຫ້ແກ່ ສົ້ມໝາກແຕງ. ພາບ:ເຟືອງຮວາ/VNA

ທ່ານ ຫງວຽນວັນສຽນ, ຜູ້ອຳນວຍການ ຂອງບໍລິສັດ ບິ່ງມິນ ມີຄວາມຄາໃຈວ່າ ຈະເຮັດແນວໃດເພື່ອໃຫ້ຜະລິດຕະພັນຂອງບໍລິສັດ
ໄດ້ຈຳໜ່າຍອອກຕະຫຼາດຫຼາຍທີ່ສຸດ, ດ້ວຍຄຸນນະພາບດີທີ່ສຸດ. ພາບ:ເຟືອງຮວາ/VNA

ຜະລິດຕະພັນຊອັດໝາກເຜັດ ພ້ອມແລ້ວທີ່ໄດ້ຈຳໜ່າຍ ອອກສູ່ຕະຫຼາດ. ພາບ:ເຟືອງຮວາ/VNA
ໃນຊ່ວງໄລຍະເວລາ ທີ່ຫາກໍ່ໄດ້ຮັບການສ້າງຕັ້ງ, ບໍລິສັດ ບິ່ງມິນໄດ້ສຸມໃສ່ໃນການຜະລິດ ຜະລິດຕະພັນໜຶ່ງ ທີ່ມີຊື່ວ່າ “ເຕືອງເອີດເກວໂຕຍ” (ຊອັດ ໝາກເຜັດ ບ້ານຂ້ອຍ) ຊຶ່ງໄດ້ກໍ່ສ້າງເປັນເຄື່ອງໝາຍການຄ້າ ຂອງບໍລິສັດ ບິ່ງມິນ.

ຮັບຮູ້ໄດ້ທ່າແຮງບົ່ມຊ້ອນ ແລະ ຄວາມອຸດົມສົມບູນຂອງຜະລິດຕະພັນກະສິກຳ ພາກເໜືອ, ເປັນຕົ້ນແມ່ນເຂດຜະລິດ ກະສິກຳ ຢູ່ອ້ອມຂ້າງນະຄອນ ຫາຍຝ່ອງ, ບິ່ງມິນ ໄດ້ມີການປຸງແຕ່ງ ແລະ ສົ່ງອອກໄປສູ່ຕະຫຼາດຕ່ືມອີກຫຼາຍຜະລິດຕະພັນຄື: ນ້ຳຊອັດ, ສົ້ມໝາກແຕງອ່ອນ, ສົ້ມໜໍ່ ແລະ ໝາກເລັ່ນ. ໃນການ ກິນເຂົ້າມູນເຊື້ອແຕ່ລະຄາບຂອງຊາວ ຫວຽດນາມ, ບັນດາເຄື່ອງປຸງດັ່ງກ່າວ ໄດ້ເຮັດໃຫ້ ການຮັບປະທານອາຫານ ຄືແຊບກວ່າ. ສຳລັບຜູ້ທີ່ຢູ່ຫ່າງກັບ ບ້ານເກີດເມືອງນອນ, ອາຫານເຍື່ອງນີ້ ຈະເຮັດໃຫ້ເຂົາເຈົ້າຮູ້ສຶກແຮງ ຄິດຮອດບ້ານເກີດຂອງຕົນກວ່າ. ໃນຊີວິດປະຈຸບັນ, ບັນດາອາຫານເຍື່ອງນີ້ ກາຍເປັນ ຄວາມຊິນເຄີຍ ແລະ ສະດວກສະບາຍສຳລັບຊາວ ຫວຽດນາມ ໝົດທຸກຄົນ.

ບິ່ງມິນ ໄດ້ເອົາໃຈໃສ່ເຖິງການຄຸ້ມຄອງຄຸນນະພາບຜະລິດຕະພັນຢ່າງເຄັ່ງຄັດ ແຕ່ຂັ້ນຕອນການເພາະປູກ ເຖິງຂັ້ນຕອນການຜະລິດ ແລະ ຫຸ້ມຫໍ່. ການນຳຂອງ ບໍລິສັດ ໄດ້ລົງໄປເຂດສະໜອງແຫຼ່ງວັດຖຸດິບ ຢ່າງເລື້ອຍໆ ເພື່ອກວດກາຂັ້ນຕອນການເກັບກ່ຽວ ຜະລິດຕະພັນ ແລະ ຮັບປະກັນໃຫ້ແກ່ແຫຼ່ງວັດຖະດິບ ຈະມີຄຸນນະ ພາບທີ່ສົດໆ ແລະ ສະອາດ ຫຼັງຈາກ ໄດ້ສົ່ງມາໂຮງງານຜະລິດ.

ທ່ານ ຫງວຽນວັນສຽນ, ຜູ້ອຳນວຍການ ຂອງບໍລິສັດ ບິ່ງມິນ ໃຫ້ຮູ້ວ່າ ຕໍ່ຄວາມຫຍຸ້ງຍາກ ແລະ ການແກ່ງແຍ້ງຢ່າງຮ້າຍແຮງຂອງການຕະຫຼາດ, ໂດຍອີງໃສ່ແຫຼ່ງ ຜະລິດຕະພັນທີ່ເຕັມໄປດ້ວຍຄຸນລັກສະນະວັດທະນະທ ຳຂອງການກິນດື່ມຢູ່ ຊົນນະບົດ ຫວຽດນາມ, ບິ່ງມິນ ບໍ່ພຽງແຕ່ຮັກສາຄວາມໝັ້ນຄົງ ແລະ ພັດທະນາຂຶ້ນ ເທົ່ານັ້ນ, ຫາກຍັງມີການສົ່ງອອກໄປສູ່ຫຼາຍປະເທດໃນໂລກຄື: ອາເມລິກາ, ຍີ່ປຸ່ນ ແລະ ທະວີບອາຟຣິກກາ ອີກດ້ວຍ.
 

ຊອັດໝາກເຜັດ ກາຍເປັນເຄື່ອງປຸງ ທີ່ຂາດບໍ່ໄດ້ ສຳລັບອາຫານຂົ້ວ ຫຼື ທອດ. ພາບ:ເຟືອງຮວາ/VNA

ຍຳປາແຊນມອນ (salmon) ກັບນ້ຳສະອິວຂອງບໍລິສັດ ບິາງມິນ. ພາບ:ເຟືອງຮວາ/VNA

ສີສັນທີ່ຈັບໃຈ ຂອງສົ້ມໝາກເລັ່ນ ຖືຍີ່ຫໍ້ ບິ່ງມິນ. ພາບ:ເຟືອງຮວາ/VNA

ຕາມການຄາດຄະເນ ຂອງສະມາຄົມຜັກ ແລະ ໝາກໄມ້ ຫວຽດນາມ, ຕະຫຼາດສົ່ງອອກ ຈະເປີດກວ້າງ ໃຫ້ແກ່ບັນດາຜະລິດຕະພັນ ຜັກ ແລະ ໝາກໄມ້ອັດ ໃສ່ກວດ ທີ່ມີຄຸນນະພາບສູງ. ການນຳບັນດາຜະລິດຕະພັນຂອງບ້ານເກີດ ມາຍັງເພື່ອນມິດສາກົນ ກໍ່ເປັນເປົ້າໝາຍຍຸດທະສາດ ຂອງ ບິ່ງມິນ ແລະ ນີ້ກໍ່ເປັນວິທີ ໂຄສະນາ ໜຶ່ງ ໃຫ້ແກ່ສິນຄ້າກະສິກຳ ຫວຽດນາມ ໄດ້ຮູ້ເຖິງຫຼາຍກວ່າຢູ່ໃນໂລກອີກດ້ວຍ. 
ບໍລິສັດຫຸ້ນສ່ວນ ສະບຽງອາຫານ ບິ່ງມິນ
ເຮືອນເລກທີ 374 A ຖະໜົນ ຮຸ່ງເວືອງ, ເມືອງ ຮົ່ງບ່າງ, ນະຄອນ ຫາຍຝ່ອງ
ໂທລະສັບ: +84 313 522 625
ຮອດລາຍ: +84 902 11 77 98
ແຟັກ: +84 313 538 646
ເວັບໄຊ: http://binhminhvegetex.com/
 
 ບົດ: ບິກເວີນ - ພາບ: ເຟືອງຮວາ
ບັນດາບົດທີ່ຖືກນຳສະເໜີ