24/10/2015 13:53 GMT+7 Email Print Like 0

ນັກຊ່ຽວຊານອາເມລິກາ:
ຄຳຖະແຫຼງອະທິປະໄຕຂອງ ຫວຽດນາມ ຢູ່ ທະເລຕາເວັນອອກ ແມ່ນເໝາະສົມກັບ UNCLOS

(ພາບປະກອບ)
      ວົງການນັກຊ່ຽວຊານອາເມລິກາ ຖືວ່າ, ບັນດາຄຳຖະແຫຼງອະທິປະໄຕຂອງຫວຽດນາມ ຢູ່ທະເລຕາເວັນອອກ ແມ່ນເໝາະສົມກັບສົນທິສັນຍາສະຫະປະຊາດກ່ຽວກັບກົດໝາຍວ່າດ້ວຍທະເລ (UNCLOS) ແລະ ຫວຽດນາມ ບໍ່ມີບັນດາການເຄື່ອນໄຫວກໍ່ສ້າງໃໝ່ໃນເກາະແຫ່ງຕ່າງໆຢູ່ທະເລຕາເວັນອອກ ຄືດັ່ງຈີນ ພວມປະຕິບັດຢ່າງຜິດກົດໝາຍ. ເມື່ອຕອບສຳພາດຕໍ່ນັກຂ່າວວາລະສານ “ການເມືອງໂລກ”, ໃນວັນທີ 21/10, ນັກຊ່ຽວຊານ Gregory Poling, ຫົວໜ້າຂໍ້ລິເລີ່ມແຈ້ງຊັດ ໃນການເດີນທະເລອາຊີ ສັງກັດສູນຄົ້ນຄວ້າຍຸດທະສາດ ແລະ ສາກົນ (CSIS), ໃຫ້ຮູ້ວ່າ, “ບໍ່ມີພະຍານຫຼັກຖານໃດຊີ້ໃຫ້ເຫັນວ່າ ຫວຽດນາມ ມີບັນດາການເຄື່ອນໄຫວກໍ່ສ້າງຢູ່ເກາະ ຢູ່ທະເລຕາເວັນອອກ - ໝາຍຄວາມວ່າ, ເລື່ອງສ້າງບັນດາເຂດດິນເທິງໜ້ານ້ຳເພື່ອແນໃສ່ປ່ຽນແປງສະພາບການດ້ານນິຕິກຳ”.
      ທ່ານ Poling ໃຫ້ຮູ້ວ່າ, ເລື່ອງຫວຽດນາມ ຖະແຫຼງອະທິປະໄຕສຳລັບ 2 ໝູ່ເກາະ ຮ່ວາງຊາ ແລະ ເຈື່ອງຊາ ຢູ່ທະເລຕາເວັນອອກ, ອະທິປະໄຕສຳລັບເຂດເສດຖະກິດຈຳເພາະທີ່ຫ່າງຈາກຝັ່ງທະເລ 200 ໄມທະເລ ແລະ ໄຫຼ່ທະວີບເປີດຂອງຕົນແມ່ນຖືກຕ້ອງຕາມຂໍ້ກຳນົດຂອງ UNCLOS.
(ແຫຼ່ງຄັດຈາກ VOV)