12/05/2018 12:56 GMT+7 Email Print Like 0

ຄະນະຜູ້ແທນຊາວໜຸ່ມຫວຽດນາມເຂົ້າຮ່ວມລາຍການພົບປະແລກປ່ຽນລະຫວ່າງນັກສຶກສາອາຊຽນ-ອິນເດຍ

ຕອນບ່າຍວັນທີ 10 ພຶດສະພາ, ຢູ່ສຳນັກງານສະຖານທູດຫວຽດນາມ ຢູ່ນະຄອນຫຼວງຂອງອິນເດຍ ໄດ້ດຳເນີນການພົບປະລະຫວ່າງທ່ານເອກອັກຄະລັດຖະທູດຫວຽດນາມ ປະຈຳອິນເດຍ ໂຕນຊິງແທ່ງ ແລະ ຄະນະຜູ້ແທນຊາວໜຸ່ມຫວຽດນາມ ເຂົ້າຮ່ວມລາຍການພົບປະແລກປ່ຽນນັກສຶກສາລະຫວ່າງອາຊຽນ - ອິນເດຍ ປີ 2018.


ທ່ານເອກອັກຄະລັດຖະທູດ ໂຕນຊິງແທ່ງ ພົບກັບນັກສຶກສາລະຫວ່າງອາຊຽນ - ອິນເດຍ ປີ 2018

(ພາບ: TTXVN)

ທີ່ການພົບປະ, ທ່ານເອກອັກຄະລັດຖະທູດ ໂຕນຊິນແທ່ງ ໃຫ້ຮູ້ວ່າ, ຫວຽດນາມ ແລະ ອິນເດຍ ແມ່ນ 2 ຄູ່ຮ່ວມມືສຳຄັນ ແລະ ອິນເດຍພວມມີບັນດາການຮ່ວມມື, ໜູນຊ່ວຍຫວຽດນາມ ແລະ ປະຈຸບັນ, ອິນເດຍ ພວມເປີດປະຕູການສຶກສາ ເມື່ອໄດ້ສະໜອງທຶນສຶກສາຫຼາຍທຶນໃຫ້ແກ່ນັກສຶກສາຕ່າງປະເທດ, ໂດຍສະເພາະແມ່ນໃນບັນດາປະເທດອາຊຽນ, ໃນນັ້ນມີຫວຽດນາມ. ນີ້ແມ່ນກາລະໂອກາດທີ່ດີໃຫ້ແກ່ບັນດານັກສຶກສາຢາກຮ່ຳຮຽນ, ຊອກຮູ້ກ່ຽວກັບອິນເດຍ ຕື່ມອີກ, ຜ່ານນັ້ນ, ປະກອບສ່ວນຊຸກຍູ້ການຮ່ວມມືອັນດີງາມລະຫວ່າງ 2 ຝ່າຍກວ່າອີກ.

      ສ່ວນບັນດາເພື່ອນນັກສຶກສາທີ່ເຂົ້າຮ່ວມລາຍການພົບປະແລກປ່ຽນໃຫ້ຮູ້ວ່າ, ຜ່ານບັນດາການເຂົ້າຮ່ວມ, ພວກເພື່ອນໄດ້ເຂົ້າໃຈກ່ຽວກັບປະເທດຊາດ, ຊາວອິນເດຍ ກວ່າອີກ, ໂດຍສະເພາະແມ່ນການພັດທະນາຂອງອິນເດຍ, ພື້ນຖານອຸດສາຫະກຳພັດທະນາ, ອຸດສາຫະກຳກ້າວໜ້າ ແລະ ຫັນເປັນວິຊາສະເພາະສູງ.

(ແຫຼ່ງຄັດຈາກ VOV)