12/07/2016 08:45 GMT+7 Email Print Like 0

ຄະນະປະຈຳສະພາແຫ່ງຊາດໄຂວາລະປະຊຸມຄັ້ງທີ50


(ພາບ: TTXVN)
      ຕອນເຊົ້າວັນທີ 11/07, ຢູ່ຫໍປະຊຸມສະພາແຫ່ງຊາດ, ຄະນະປະຈຳສະພາແຫ່ງຊາດ ໄດ້ໄຂວາລະປະຊຸມຄັ້ງທີ 50. ວາລະປະຊຸມຖືກດຳເນີນໃນລະຫວ່າງວັນທີ 11 – 12/07, ເພື່ອປຶກສາຫາລືບັນດາເນື້ອໃນຄື: ສະພາບຜັນຂະຫຍາຍການປະຕິບັດໜ້າທີ່ພັດທະນາເສດຖະກິດ, ສັງຄົມ, ງົບປະມານຂອງລັດໃນ 6 ເດືອນຕົ້ນປີ ແລະ ບັນດາມາດຕະການປະຕິບັດໜ້າທີ່ໃນ 6 ເດືອນທ້າຍປີ 2016; ໃຫ້ຄຳເຫັນກ່ຽວກັບການຄາດຄະເນລາຍການເຄື່ອນໄຫວຕິດຕາມກວດກາຂອງສະພາແຫ່ງຊາດ, ຄະນະປະຈຳສະພາແຫ່ງຊາດປີ 2017; ໂຄງການສ້າງກົດໝາຍ, ລັດຖະດຳລັດຂອງສະພາແຫ່ງຊາດປີ 2017 ແລະ ຄາດຄະເນດັດປັບໂຄງການສ້າງກົດໝາຍ, ລັດຖະບັນຍັດປີ 2016. ໃນຕອນເຊົ້າວັນທີ 11/07, ຄະນະປະຈຳສະພາແຫ່ງຊາດ ໄດ້ໃຫ້ຄຳເຫັນຕໍ່ບົດລາຍງານຂອງລັດຖະບານກ່ຽວກັບສະພາບຜັນຂະຫຍາຍການປະຕິບັດໜ້າທີ່ພັດທະນາເສດຖະກິດ, ສັງຄົມ, ງົບປະມານຂອງລັດໃນ 6 ເດືອນຕົ້ນປີ ແລະ ບັນດາມາດຕະການປະຕິບັດໜ້າທີ່ໃນ 6 ເດືອນທ້າຍປີ 2016. ລັດຖະມົນຕີກະຊວງແຜນການ ແລະ ການລົງທຶນ ໄດ້ສະເໜີບົດລາຍງານຂອງລັດຖະບານກ່ຽວກັບສະພາບຜັນຂະຫຍາຍການປະຕິບັດໜ້າທີ່ພັດທະນາເສດຖະກິດ, ສັງຄົມໃນ 6 ເດືອນຕົ້ນປີ ແລະ ບັນດາມາດຕະການປະຕິບັດໜ້າທີ່ໃນ 6 ເດືອນທ້າຍປີ 2016; ລັດຖະມົນຕີກະຊວງການເງິນສະເໜີບົດລາຍງານຂອງລັດຖະບານກ່ຽວກັບສະພາບ ຜັນຂະຫຍາຍການປະຕິບັດໜ້າທີ່ງົບປະມານຂອງລັດໃນ 6 ເດືອນຕົ້ນປີ ແລະ ບັນດາມາດຕະການປະຕິບັດໜ້າທີ່ໃນ 6 ເດືອນທ້າຍປີ 2016; ຫົວໜ້າບັນດາຄະນະກຳມາທິການເສດຖະກິດ, ກຳມາທິການການເງິນ, ງົບປະມານຂອງສະພາແຫ່ງຊາດ ໄດ້ສະເໜີບົດລາຍງານກວດກາກ່ຽວກັບບັນດາຂົງເຂດທີ່ກ່ຽວຂ້ອງ.
(ແຫຼ່ງຄັດຈາກ VOV)