20/03/2020 09:48 GMT+7 Email Print Like 0

ຄວາມເມດຕາ, ຄວາມຮັບຜິດຊອບ ແລະ ວັດທະນະທຳມະນຸດແມ່ນສິ່ງທີ່ສ້າງເປັນຈິດໃຈ, ຖານະບົດບາດແລະທີ່ຕັ້ງຫວຽດນາມ

      ໂລກພະຍາດອັກເສບປອດ (COVID -19)ທີ່ເກີດຈາກໄວຣັດ SARS-CoV-2ພວມຜັນແປໄປຢ່າງສັບສົນຕົວເລກສະຖິຕິໃນວັນທີ 18 ມີນາ ປີ 2020 ຈາກ ມະຫາວິທະຍາໄລ Johns Hopkinsຊີ້ໃຫ້ເຫັນວ່າ ໂລກພະຍາດນີ້ພວມແຜ່ລະບາດອອກສູ່ວົງກວ້າງຢູ່ 176 ປະເທດ ແລະ ເຂດແຄ້ວນນາບຂູ່ຢ່າງຮ້າຍແຮງເຖິງສຸຂະພາບຂອງມວນມະນຸດຫລາຍປະເທດໄດ້ນຳໃຊ້ບັນດາມາດຕະການປ້ອງກັນຄວບຄຸມໂລກພະຍາດຢ່າງຄົບຊຸດຂ້ຽວຂາດພາບພົດຂອງປະເທດຫວຽດນາມ ດ້ວຍຄວາມມີຄວາມເມດຕາຄວາມຮັບຜິດຊອບໃນການປ້ອງກັນຄວບຄຸມໂລກພະຍາດ COVID – 19 ພ້ອມກັບປະຊາຄົມສາກົນ ໄດ້ສ້າງເປັນຈິດໃຈ, ຖານະບົດບາດແລະທີ່ຕັ້ງຂອງຫວຽດນາມ.

ຄອບຄົວຊາວຈີນ ສອງຄົນ ທີ່ຕິດເຊື້ອ COVID-19 ໄດ້ຮັບການປິ່ນປົວຫາຍດີ ຖ່າຍຮູບກັບແພດໝໍ ຢູ່ ນະຄອນ ໂຮ່ຈີມິນ (ຫວຽດນາມ)
      ມາຮອດຕອນຄ່ຳວັນທີ 18 ມີນາ ປີ 2020, ຫວຽດນາມ ໄດ້ກວດພົບຜູ້ຕິດພະຍາດ COVID-19  ແມ່ນ 76 ຄົນ, ໃນນັ້ນ ມີ 16 ຄົນໄດ້ຮັບການປິ່ນປົວຫາຍດີ ແລະ ອອກໂຮງໝໍແລ້ວ. ໂດຍຕອບສະຫນອງຕາມຄຳຮຽກຮ້ອງຂອງທ່ານນາຍົກລັດຖະມົນຕີ ຫງວຽນຊວັນຟຸກ, ທົ່ວປວງຊົນ ໄດ້ເສີມຂະຫຍາຍມູນເຊື້ອອັນດີງາມຂອງຊາດຫວຽດນາມ, ສາມັກຄີກັນ, ມີຄວາມເມດຕາປານີ, ໜູນຊ່ວຍເຊິ່ງກັນ ແລະກັນ, ເປັນຈິດໜຶ່ງໃຈດຽວກັນ, ເດັດຂາດບໍ່ໄດ້ມີການຈຳແນກການປະພຶດຕໍ່ຜູ້ຕິດເຊື້ອ COVID-19 ບໍ່ວ່າຈະເປັນຊາວຫວຽດນາມ ຫລື ຊາວຕ່າງປະເທດ.
 ເຕັມໄປດ້ວຍຈິດໃຈວັດທະນະທຳມະນຸດ
ໃນຈຳນວນຜູ້ຕິດເຊື້ອພະຍາດ COVID-19ໄດ້ຮັບການປີ່ນປົວຢູ່ຫວຽດນາມ ນັ້ນ, ມີຊາວຕ່າງປະເທດບາງຄົນ. ເຂົາເຈົ້າຮູ້ສຶກໂຊກດີ ແລະ ມີຄວາມນິຍົມນັບຖືຕໍ່ການກະທຳທີ່ເຕັມໄປດ້ວຍວັດທະນະທຳມະນຸດອັນສູງສົ່ງຂອງລັດຖະບານ, ປະຊາຊົນຫວຽດນາມ ພິເສດ ແມ່ນບັນດາແພດໝໍ, ທ່ານໝໍ ທີ່ໄດ້ປິ່ນປົວກູ້ເອົາຊີວິດຂອງເຂົາເຈົ້າ. ພົ້ນເດັ່ນ ແມ່ນ ທ່ານ Li Ding ພ້ອມດ້ວຍລູກຊາຍຂອງຕົນແມ່ນ ທ້າວ Li Zichaoເປັນຊາວຈີນ ແມ່ນ 2 ຄົນທີ່ຕິດເຊື້ອພະຍາດ COVID-19ທຳອິດ ຢູ່ ນະຄອນ ໂຮ່ຈີມິນ. ເມື່ອສິ້ນສຸດການປິ່ນປົວຫາຍດີຢູ່ໂຮງໝໍ ເຈິເຫຼິຍ ນະຄອນໂຮ່ຈີມິນແລ້ວ, ເຂົາເຈົ້າໄດ້ສົ່ງຈົດໝາຍມາມາຂອບໃຈໝູ່ຄະນະແພດໝໍຢູ່ໂຮງໝໍແຫ່ງນີ້. ໃນຈົດໝາຍມີຕອນຂຽນວ່າ: “ພວກຂ້າພະເຈົ້າອອກໂຮງໝໍມາໄດ້ 3 ມື້ແລ້ວ ແຕ່ຄວາມໃນໃຈເກືອບຄືວ່າຍັງໄດ້ປະໄວ້ຢູ່ໂຮງໝໍ ຊື່ງແມ່ນບ່ອນທີ່ສ້າງຄວາມປະທັບໃຈອັນດີງາມແລະ ເລິກເຊິ່ງ ຊື່ງໂຮງໝໍໄດ້ນຳມາໃຫ້. ພວກຂ້າພະເຈົ້າໄດ້ຮັບຄວາມເມດຕາຈາກພວກເພື່ອນທີ່ໄດ້ກູ້ເອົາຊີວິດ 2 ພໍ່ລູກ. ສິ່ງດີງາມນີ້ພວກຂ້າພະເຈົ້າບໍ່ອາດຫລົງລືມໄດ້.” ຂອບອົກຂອບໃຈຫວຽດນາມ. ເຖິງວ່າຕ້ອງກັບເມືອປະເທດດ້ວຍຄວາມເສຍດາຍຢ່າງສຸດຊຶ້ງກໍ່ຕາມ, ແຕ່ຄວາມເມດຕາຂອງພວກເພື່ອນຍາມໃດກໍ່ຝັງເລິກໃນດວງໃຈຂອງພວກຂ້າພະເຈົ້າຕະຫລອດໄປ.
 ໃນຂະນະນັ້ນ, ເມື່ອໄປຢ້ຽມຢາມ 2 ພໍ່ລູກດັ່ງກ່າວ, ທ່ານ ອູຈີນ ຫົວຫນ້າສະຖານກົງສູນໃຫຍ່ ຈີນ ປະຈຳ ນະຄອນໂຮ່ຈີມິນໄດ້ສະແດງຄວາມຂອບອົກຂອບໃຈບັນດາພະນັກງານການແພດ ໂຮງໝໍ ເຈິເຫຼິຍ ຍ້ອນມີຄວາມສຸດຈິດສຸດໃຈ, ມານະພະຍາຍາມຫລາຍຢ່າງໃນການດູແລສຸຂະພາບ ປິ່ນປົວໃຫ້ພົນລະເມືອງ ຈີນ ໃນສະພາບທີ່ເກີດໂລກພະຍາດ. ພວກຂ້າພະເຈົ້າສະແດງຄວາມຮູ້ບຸນຄຸນ ແລະ ບໍ່ອາດຫລົງລືມໄດ້.
ໃນຈຳນວນຊາວຕ່າງປະເທດຢູ່ຫວຽດນາມ ທີ່ຕິດເຊື້ອພະຍາດCOVID-19ຍັງມີຄົນເຈັບເປັນເພດຊາຍ ຊາວອັງກິດ ອາຍຸ 69 ປີ ແມ່ນຜູ້ເປັນພະຍາດຊຳເຮື້ອ ຫລາຍພະຍາດສະນັ້ນ ການປິ່ນປົວພະຍາດCOVID-19ຈຶ່ງປະສົບກັບຄວາມຫຍຸ້ງຍາກທີ່ສຸດ. ເຖິງແນວນັ້ນກໍຕາມບັນດາແພດໝໍທ່ານໝໍ, ອົງການກ່ຽວຂ້ອງຂອງຫວຽດນາມຍົງຄົງສືບຕໍ່ປິ່ນປົວຢ່າງສຸດໃຈແລະສະຫງວນໃຫ້ຄົນເຈັບຜູ້ນີ້ເງື່ອນໄຂດີທີ່ສຸດເທົ່າທີ່ຈະດີໄດ້.
 ໂດຍຮູ້ສຶກໄດ້ການກະທຳອັນດີງາມຂອງຫວຽດນາມ ໃນການຫນູນຊ່ວຍພົນລະເມືອງອັງກິດ, ນັກທ່ອງທ່ຽວອັງກິດໃນສະພາບການເກີດໂລກພະຍາດ, ທ່ານ Gareth Ward ເອກອັກຄະລັດຖະທູດ ອັງກິດ ປະຈຳຫວຽດນາມ ໄດ້ ສ້າງClip ວີດີໂອດ້ວຍພາສາ ຫວຽດ ເພື່ອສະແດງຄວາມຮູ້ບຸນຄຸນຕໍ່ ຫວຽດນາມ ແລະ ສະແດງຄວາມຂອບອົກຂອບໃຈຢ່າງຈິງໃຈຕໍ່ແພດໝໍ ທ່ານໝໍ ທັງໝົດ ແລະ ບັນດາອົງການທີ່ກ່ຽວຂ້ອງຂອງລັດຖະບານຫວຽດນາມ ທີ່ໄດ້ຫນູນຊ່ວຍບັນດາຜູ້ທີ່ຕ້ອງການໄດ້ຮັບການຊ່ວຍເຫລືອໃນຈຸດເວລາທີ່ຫຍຸ້ງຍາກຄືໃນປະຈຸບັນ.
 ສະແດງຄວາມຮັບຜິດຊອບຕໍ່ກັບປະຊາຄົມສາກົນຢ່າງຈະແຈ້ງ
ຫວຽດນາມກຳນົດວ່າການປ້ອງກັນຄວບຄຸມໂລກພະຍາດCOVID-19ແມ່ນວຽກງານຂອງທົ່ວໂລກ. ພ້ອມກັບການຫນູນຊ່ວຍ, ແບ່ງປັນຄວາມຫຍຸ້ງຍາກຕໍ່ກັບປະເທດເພື່ອນມິດ ຈີນນັ້ນ, ເລື່ອງຫວຽດນາມ ຄວບຄຸມໂລກພະຍາດຢ່າງເຄັ່ງຄັດ, ບໍ່ປະໃຫ້ແຜ່ລະບາດອອກສູ່ວົງກວ້າງພາຍໃນປະເທດ ນັ້ນກໍ່ແມ່ນວິທີ ຫວຽດນາມ ພ້ອມກັບປະຊາຄົມສາກົນ ມານະພະຍາຍາມສະກັດກັ້ນໂລກລະບາດຮ້າຍແຮງນີ້. ໃນການເຮັດວຽກກັບລັດຖະບານຫວຽດນາມ ເມື່ອວັນທີ 28 ມີນາ ຜ່ານມາ, ຜູ້ຕາງຫນ້າ ອົງການອະນາໄມໂລກ ແລະ ສູນກວດກາ, ປ້ອງກັນສະກັດກັ້ນໂລກພະຍາດ ອາເມລິກາ (US CDC) ໄດ້ຕີລາຄາວ່າ ຫວຽດນາມ ໄດ້ປະຕິບັດການປ້ອງກັນ ຄວບຄຸມໂລກພະຍາດຢ່າງມີປະສິດທິຜົນ ພ້ອມທັງ ປາດຖະຫນາຢາກໃຫ້ຫວຽດນາມ ແບ່ງປັນບັນດາບົດຮຽນໃນຂົງເຂດນີ້ໃຫ້ປະຊາຄົມສາກົນ.
 ໃນຊຸມມື້ນີ້ຫວຽດນາມພວມໃຫ້ບຸລິມະສິດໃນການປ້ອງກັນຄວບຄຸມ ໂລກພະຍາດCOVID-19 ດ້ວຍຈິດໃຈຄວາມຮັບຜິດຊອບສູງ ແລະ ມານະພະຍາຍາມຢ່າງສູງສຸດ. ມີນັກວິທະຍາສາດ ໄດ້ປະດິດນ້ຳຢາ ລ້າງມື ແລະ ມອບໃຫ້ປະຊາຊົນນັບພັນໆຂວດ. ມີຜູ້ໃຈບຸນໃຈກຸສົນ, ນັກສີລະປິນຫລາຍຄົນ, ວິສາຫະກິດຫລາຍໆແຫ່ງ ໄດ້ເອົາໃຈໃສ່ ບໍລິຈາກເງິນ ພ້ອມກັບລັດຖະບານ ແລະ ຂະແຫນງສາທາລະນະສຸກເພື່ອປ້ອງກັນຄວບຄຸມໂລກພະຍາດCOVID-19. ທົ່ວປວງຊົນຫວຽດນາມ ໄດ້ ແລະ ພວມພ້ອມກັນເພີ່ມພູນສະຕິໃນການຮັກສາຄວາມປອດໄພຂອງວົງຄະນະຍາດ ແລະ ຄວາມເປັນລະບຽບຮຽບຮ້ອຍທາງສັງຄົມ, ສ້າງພາບພົດຫວຽດນາມ ສາມັກຄີ, ປອດໄພ ແລະ ມີຄວາມເມດຕາປານີ. ເມື່ອປະສົບກັບຄວາມຫຍຸ້ງຍາກທີ່ສຸດ ຊາວຫວຽດນາມ ໄດ້ສະແດງໃຫ້ເຫັນຈິດໃຈຮັກຊາດ, ຄວາມສາມັກຄີ ເປັນຈິດຫນຶ່ງໃຈດຽວ. ຄວາມເມດຕາປານີ, ຄວາມຮັບຜິດຊອບແລະວັດທະນະທຳມະນຸດແມ່ນສິ່ງທີ່ສ້າງເປັນຈິດໃຈ, ຖານະບົດບາດແລະທີ່ຕັ້ງຂອງຫວຽດນາມ.
 (ແຫຼ່ງຄັດຈາກ VOV)