25/01/2018 10:22 GMT+7 Email Print Like 0

ຄວາມເບີກບານມ່ວນຊື່ນໄດ້ ທະວີຄຸນຍ້ອນໄຊຊະນະຂອງທິມບານເຕະ U23 ຫວຽດນາມ

      ດ້ວຍໄຊຊະນະນີ້, U23 ຫວຽດນາມ ໄດ້ສ້າງສະຖິຕິໃນໜ້າປະຫວັດສາດບານເຕະ ຫວຽດນາມ, ໄດ້ລອດເຂົ້າຮອບຊິງຊະນະເລີດ U23 ອາຊີ.

ແຟນບານ ລົງຖະໜົນເພື່ອຊົມເຊີຍຜົນງານຂອງທິມບານເຕະ ຫວຽດນາມ
      ການແຂ່ງຂັນບານເຕະຮອບຮອງຊະນະເລີດ U23 ອາຊີ ໄດ້ສິ້ນສຸດລົງໃນຕອນບ່າຍວັນທີ 23 ມັງກອນ, U23 ຫວຽດນາມ ຍາດໄດ້ໄຊຊະນະດ້ວຍຄະແນນ 4 ປະຕູຕໍ່ 3 ພາຍຫຼັງ 120 ນາທີທີ່ແຂ່ງຂັນດ້ວຍຄວາມຈັບອົກຈັບໃຈ, ເຕັມໄປດ້ວຍຄວາມຕືນເຕັ້ນ. ດ້ວຍໄຊຊະນະນີ້, U23 ຫວຽດນາມ ໄດ້ສ້າງສະຖິຕິໃນໜ້າປະຫວັດສາດບານເຕະ ຫວຽດນາມ, ໄດ້ລອດເຂົ້າຮອບຊິງຊະນະເລີດ U23 ອາຊີ. ພາຍຫຼັງຍາດໄດ້ໄຊຊະນະ, ປະຊາຊົນ ແລະ ແຟນບານໃນທົ່ວປະເທດໄດ້ແຫ່ກັນລົງຖະໜົນເພື່ອຊົມເຊີຍໄຊຊະນະ, ຊົມເຊີຍຜົນງານຂອງທິມບານເຕະ ຫວຽດນາມ.
        ໃນຕອນຄ່ຳວັນດຽວກັນ, ຫ້ອງວ່າການປະທານປະເທດ ໄດ້ສະເໜີໃຫ້ບັນດາອົງການກ່ຽວຂ້ອງ ແລະ ຂັ້ນຕ່າງໆເຮັດລະບຽບການເພື່ອຍື່ນສະເໜີຕໍ່ປະທານປະເທດ ຕົກລົງມອບຫຼຽນໄຊທີ່ເໝາະສົມດ້ວຍການປະກອບສ່ວນຂອງທິມບານເຕະ U – 23 ຫວຽດນາມ ຕໍ່ປະເທດຊາດ.
 (ແຫຼ່ງຄັດຈາກ VOV)