22/11/2015 17:17 GMT+7 Email Print Like 0

ຂີດໝາຍຫວຽດນາມທີ່ ອາເປັກ 23

ຜົນສຳເລັດຂອງສັບປະດາ ເວທີປາໄສຮ່ວມມືເສດຖະກິດອາຊີ-ປາຊີຟິກ ຂັ້ນສູງຄັ້ງທີ 23 ( APEC 23)  ທີ່ຫາກໍຈັດຂຶ້ນຢູ່ປະເທດ ຟີລິບປິນ ແຕ່ວັນທີ 13-19 ພະຈິກ 2015 ໄດ້ ເປັນຂີດໝາຍ ກ້າວເຂົ້າສູ່ໄລຍະໃໝ່ ຂອງການຮ່ວມມື ອາເປັກ ເພື່ອການພັດທະນາແບບຍືນຍົງ”. ທ່ານປະທານປະເທດ ເຈືອງເຕິນຊາງ ໄດ້ເຂົ້າຮ່ວມຢ່າງຕັ້ງໜ້າ ແລະ ມີການປະກອບສ່ວນຫຼາຍຢ່າງທີ່ແທດເໝາະກັບຄວາມເປັນຈິງ ເຂົ້າໃນຜົນສຳເລັດລວມຂອງສັບປະດາຂັ້ນສູງເວທີປາໄສຮ່ວມມືເສດຖະກິດອາຊີ-ປາຊີຟິກປີນີ້. 
ທີ່ອາເປັກ 23, ທ່ານປະທານປະເທດ ເຈືອງເຕິນຊາງ ເປັນແຂກເຊີນພິເສດທັງເປັນນັກປາທະກະຖາຕົ້ນຕໍໃນກອງປະຊຸມເວທີສົນທະນາຕ່າງໆທີ່ສຳຄັນ, ພິເສດແມ່ນກອງປະຊຸມສຸດຍອດວິສາຫະກິດອາເປັກ ແລະ ການສົນທະນາຄັ້ງທຳອິດກ່ຽວກັບ “ຊຸກຍູ້ການຈະເລີນເຕີບໂຕກວມລວມໂດຍຜ່ານການເຊື່ອມຕໍ່ເສດຖະກິດ”.

ຜູ້ນຳຫວຽດນາມຢືນຢັນຄວາມຕັດສິນໃຈສືບຕໍ່ປ່ຽນແປງໃໝ່, ປະຕິຮູບຢ່າງກວ້າງຂວາງເລິກເຊິ່ງ, ຜັນຂະຫຍາຍ ບັນດາ ຈຸດໝາຍພັດທະນາແບບຍືນຍົງຂອງສະຫະປະຊາຊາດ (SDG); ພ້ອມກັນນັ້ນໄດ້ມີຂໍ້ສະເໜີແນະຕ່າງໆທີ່ແທດເໝາະ ກັບຄວາມເປັນຈິງ, ແນໃສ່ປະກອບສ່ວນຮັກສາສະພາບແວດ ລ້ອມແຫ່ງສັນຕິພາບ, ສະຖຽນລະພາບຢູ່ພາກພື້ນເພື່ອການ ພັດທະນາ ຊ່ຶງໄດ້ຮັບການຕີລາຄາສູງຈາກບັນດາສະມາຊິກ; ທ່ານໄດ້ເນັ້ນໜັກວ່າ, ອາເປັກຕ້ອງຖືເປັນບຸລິມະສິດ ການພັດທະນາແບບຍືນຍົງ, ລົບລ້າງ ຄວາມອຶດຫີວ, ທຸກຍາກ, ຫຼຸດຜ່ອນໄລຍະຫ່າງໄກກັນ ລະຫວ່າງບັນດາປະເທດ, ຄວາມສະຫງົບດ້ານສະບຽງອາຫານ, ຄຸ້ມຄອງແຫຼ່ງນ້ຳ, ພັດທະນາກະສິກຳ, ກຽມພ້ອມຮັບມືກັບໄພທຳມະຊາດ ແລະ ອື່ນໆ…

ທ່ານປະທານປະເທດ ເຈືອງເຕິນຊາງ ພ້ອມກັບບັນດາທ່ານ ຜູ້ນຳພື້ນຖານເສດຖະກິດອາເປັກ
ຖ່າຍຮູບຮ່ວມກັນທີ່ພິທີໄຂ ກອງປະຊຸມ. ພາບ: ຫງວຽນຄາງ/VNA



ທ່ານປະທານປະເທດ ເຈືອງເຕິນຊາງ ພ້ອມກັບ ບັນດາທ່ານຜູ້ນຳ ບັນດາພື້ນຖານເສດຖະກິດອາເປັກ
ເຂົ້າຮ່ວມວາລະປະຊຸມຄົບຄະນະຄັ້ງທຳອິດ. ພາບ: ຫງວຽນຄາງ/VNA



ທ່ານປະທານປະເທດ ເຈືອງເຕິນຊາງ ເປັນຜູ້ນຳຂັ້ນສູງ ໜ່ຶງດຽວ ທີ່ໄດ້ຮັບການເຊື້ອເຊີນເຂົ້າຮ່ວມ ແລະ ກ່າວປາໄສ ໃນຖານະເປັນແຂກເຊີນພິເສດ
ໃນວາລະປະຊຸມຄັ້ງທີ 6 ຂອງ ກອງປະຊຸມສຸດຍອດວິສາຫະກິດອາເປັກ. ພາບ: ຫງວຽນຄາງ/VNA



ທ່ານປະທານປະເທດ ເຈືອງເຕິນຊາງ ເຂົ້າຮ່ວມກອງປະຊຸມ ພົບປະສົນທະນາລະຫວ່າງ ບັນດາຜູ້ນຳພື້ນຖານເສດ ຖະ ກິດອາເປັກ
ກັບບັນດາສະມາຊິກສະພາທີ່ປຶກສາວິສາຫະກິດ ອາເປັກ(ABAC). ພາບ: THX/VNA

ເຄື່ອນໄຫວປິ່ນອ້ອມກອງປະຊຸມອາເປັກ, ທ່ານປະທານ ປະເທດ ເຈືອງເຕິນຊາງໄດ້ມີການພົບປະກັບບັນດາ ທ່ານຜູ້ນຳອາເປັກ ເພື່ອແລກປ່ຽນຢ່າງກວ້າງຂວາງເລິກເຊິ່ງ ບັນດາມາດຕະການ ແນໃສ່ຊຸກຍູ້ການພົວພັນສອງຝ່າຍ, ໃນນັ້ນມີປະເທດເຈົ້າພາບ ຟີລິບປິນ, ລັດເຊຍ, ອົສຕາລີ, ອາເມລິກາ, ການາດາ, ສ.ເກົາຫຼີ, ມາເລເຊຍ, ບຮູໄນ, ຈີເລ, ເປຣູ...

ພິເສດ, ເນື່ອງໃນໂອກາດນີ້, ທ່ານປະທານປະເທດ ເຈືອງເຕິນຊາງ  ແລະ ທ່ານປະທານາທິບໍດີ Benigno Aquino III ໄດ້ເປັນສັກຂີພິຍານໃນການລົງນາມໃນຂໍ້ຕົກລົງ ວ່າດ້ວຍ ການສ້າງຕັ້ງການພົວພັນຄູ່ຮ່ວມມືຍຸດທະສາດ ລະຫວ່າງ ຫວຽດນາມ ແລະ ຟີລິບປິນ, ຍົນລະດັບ ການພົວພັນຮ່ວມມື ແລະ ຄວາມໄວ້ວາງໃຈດ້ານການເມືອງ ລະຫວ່າງສອງປະເທດ.

ທີ່ຟີລິບປິນ, ທ່ານປະທານປະເທດ ເຈືອງເຕິນຊາງ ກໍໄດ້ ຍາດເວລາສ່ວນຫຼາຍເພື່ອພົບປະກັບ ບັນດາກຸ່ມບໍລິສັດ ເສດຖະກິດແຖວໜ້າຂອງພາກພື້ນ ແລະ ທ່ົວໂລກ ຊຶ່ງເປັນການສົ່ງສານທີ່ແຂງແຮງບົ່ງບອກໃຫ້ຮູ້ວ່າ ຫວຽດນາມເປັນປະເທດໜຶ່ງທີ່ສືບຕໍ່ປ່ຽນແປງໃໝ່, ເຊື່ອມໂຍງກັບສາກົນ ຢ່າງກວ້າງຂວາງເລິກເຊິ່ງ ສະແດງອອກໃນການຫາກໍສິ້ນສຸດ ການເຈລະຈາກ່ຽວກັບບັນດາ FTA , ພິເສດແມ່ນ TPP ກັບການເຂົ້າຮ່ວມຂອງ 12 ໃນຈໍານວນທັງໝົດ 21 ພື້ນຖານເສດຖະກິດສະມາຊິກອາເປັກ.

ທ່ານປະທານປະເທດ ເຈືອງເຕິນຊາງ  ແລະ ທ່ານ ປະທານາທິບໍດີ Benigno Aquino III ເປັນສັກຂີພິຍານ ໃນການລົງນາມໃນຂໍ້ຕົກລົງວ່າດ້ວຍການສ້າງຕັ້ງ
ການພົວພັນ ຄູ່ຮ່ວມມືຍຸດທະສາດລະຫວ່າງຫວຽດນາມ ແລະ ຟີລິບປິນ. ພາບ: ຫງວຽນຄາງ/VNA



ທ່ານປະທານປະເທດ ເຈືອງເຕິນຊາງ ເຂົ້າຮ່ວມກອງປະຊຸມ ຂັ້ນສູງ ຂອງບັນດາທ່ານຜູ້ນຳ
ສັນຍາຄູ່ຮ່ວມມືຂ້າມປາຊີຟິກ (TPP). ພາບ: ຫງວຽນຄາງ/VNA



ທ່ານປະທານປະເທດ ເຈືອງເຕິນຊາງ  ພົບປະກັບ ທ່ານນາຍົກລັດຖະມົນຕີແຫ່ງປະເທດ ລັດເຊຍ Dmitry Anatolyevich Medvedev
ຢູ່ລອບນອກກອງປະຊຸມຂັ້ນສູງ ອາເປັກ 23. ພາບ: ຫງວຽນຄາງ/VNA



ທ່ານປະທານປະເທດ ເຈືອງເຕິນຊາງ ແລະ ທ່ານປະທານາທິບໍດີ Barack Obama ທີ່ກອງປະຊຸມຂັ້ນສູງ ອາເປັກ 23. ພາບ: ຫງວຽນຄາງ/VNA


ທ່ານປະທານປະເທດ ເຈືອງເຕິນຊາງ ຕ້ອນຮັບ ບັນດາຕົວແທນກຸ່ມບໍລິສັດອາເມລິກາ ຢູ່ລອບນອກກອງປະຊຸມ ອາເປັກ. ພາບ: ຫງວຽນຄາງ/VNA

ອາດເວົ້າໄດ້ວ່າ, ຜົນສຳເລັດຂອງສັບປະດາຂັ້ນສູງອາເປັກ ປີນີ້ມີຄວາມໝາຍສຳຄັນຫລາຍ, ສ້າງກາລະໂອກາດໃໝ່ ຫຼາຍຢ່າງໃຫ້ແກ່ການຈະເລີນເຕີບໂຕ ແລະ ພັດທະນາຢູ່ອາຊີ-ປາຊີຟິກ, ພ້ອມກັນນັ້ນກໍ່ສ້າງພື້ນຖານທີ່ດີໃຫ້ຫວຽດນາມ ປະກອບສ່ວນ ເຂົ້າໃນຂະບວນວິວັດແຫ່ງການພັດທະນາ ຂອງອາເປັກ ໃນຖານະເປັນປະເທດເຈົ້າພາບຂອງອາເປັກປີ 2017 ຢ່າງມີປະສິດທິຜົນ.  
ປະຕິບັດໂດຍ: VNA/VNP
ບັນດາບົດທີ່ຖືກນຳສະເໜີ