13/07/2016 00:01 GMT+7 Email Print Like 0

ກໍ່ສ້າງ ຫວຽດນາມ ໃຫ້ກາຍເປັນປະເທດທີ່ເຂັ້ມແຂງດ້ານການທະເລ

“ພວກເຮົາຕ້ອງພ້ອມກັນປົກປັກຮັກສາສັນຕິພາບເທິງທຸກກະແສຟອງທະເລຕາເວັນອອກ,ເປັນພື້ນຖານເພື່ອສ້າງສາປະເທດເຮົາໃຫ້ກາຍເປັນປະເທດໜຶ່ງທີ່ເຂັ້ມແຂງໃນດ້ານການທະເລ, ສ້າງຄວາມຮັ່ງມີຈາກທະເລ”. ນັ້ນແມ່ນຄຳຮຽກຮ້ອງ ແລະ ຢືນຢັນຢ່າງແນ່ວແນ່ຂອງທ່ານນາຍົກລັດຖະມົນຕີ ຫງວຽນຊວນຟຸກ ທີ່ໄດ້ກ່າວອອກມາທີ່ງານໂຮມຊຸມນຸມມິດຕິງຕອບສະໜອງອາທິດແຫ່ງທະເລ ແລະ ໝູ່ເກາະຫວຽດນາມ ຄັ້ງທີ 8 ຜ່ານມາ.
ກ່າວປາໄສທີ່ງານ​ໂຮມຊຸມນຸມມິດຕິງ ປະເທດຊາດຕອບສະໜອງອາທິດ​ແຫ່ງທະເລ ແລະໝູ່ເກາະຫວຽດນາມຄັ້ງທີ 8 ແລະລະລຶກວັນມະຫາສະໝຸດໂລກ ທີ່ໄດ້ຈັດຂຶ້ນຢູ່​ແຫ​ລ່ງທ່ອງທ່ຽວທະເລ ຖິງລອງ, ເມືອງຫາຍເຫົ້າ, ແຂວງນາມດິງ ເມື່ອວັນທີ 8 ມິຖຸນາ 2016ຜ່ານ​ມາ, ທ່ານນາຍົກ ລັດຖະມົນຕີ ຫງວຽນຊວນຟຸກ​ໄດ້ເນັ້ນໜັກວ່າ, ໃນປະຫວັດສາດແຫ່ງການສ້າງສາ ແລະປົກ​ປັກ​ຮັກສາປະເທດຊາດຂອງປະຊາຊົນຫວຽດນາມ, ຄຽງ​ຂ້າງ​ກັບ​ແຜ່ນດິນ​ໃຫຍ່, ທະ​ເລ ​ແລະ ໝູ່ເກາະພົ້ນທະເລ ໄດ້ສ້າງສະພາບແວດລ້ອມແຫ່ງການຄົງ​ຕົວ ແລະຂະຫຍາຍຕົວ​ຂອງຊາວຫວຽດນາມຫຼາຍເຊັ່ນຄົນ, ເປັນພາກສ່ວນໜຶ່ງທີ່ປະກອບເປັນອໍານາດ​ອະທິປະໄຕທີ່​ສັກກະ​ລະ​ບູຊາ ຂອງປະເທດຊາດ.

ພາກພູມ​ໃຈ, ​ເຄົາລົບນັບຖືມູນ​ເຊື້ອປະຫວັດສາດ, ພວກເຮົາຕ້ອງເສີມຂະຫຍາຍກຳລັງແຮງທີ່ຍິ່ງໃຫຍ່ຂອງທົ່ວ​ທັງ​ຊາດເພື່ອພັດທະນາເສດຖະກິດທະເລ, ປົກປັກຮັກສາອໍານາດ​ອະທິປະໄຕ​ເໜືອທະເລ ​ແລະ ໝູ່ເກາະອັນ​ສັກກະ​ລະ​ບູຊາຂອງປະ​ເທດ​ຊາດ. 

ທ່ານນາຍົກລັດຖະມົນຕີຫງວຽນຊວນຟຸກເຂົ້າຮ່ວມງານໂຮມຊຸມນຸມມິດຕິງ ປະເທດຊາດຕອບສະໜອງອາທິດທະເລ
ແລະ ໝູ່ເກາະ ຫວຽດນາມ ແລະ ລະລຶກວັນມະຫາສະໝຸດໂລກ 
2016. ພາບ: ຖົ໋ງເຍີດ/VNA



ຖານຂຸດເຈາະນຳ້ມັນ ດ້າຍຮຸ່ງ II ເທິງທະເລຕະເວັນອອກ. ພາບ: ຮວ່າງຮ່າ/VNA

ຫວຽດນາມເປັນປະເທດຢູ່ແຄມທະເລ, ຕັ້ງຢູ່ພາກຕາເວັນຕົກຂອງທະເລຕາເວັນອອກ, ມີຊາຍຝັ່ງທະເລແຕ່ເໜືອຫາໃຕ້ຍາວກວ່າ 3.260 ກິໂລແມັດ, ເປັນອັນດັບທີ 27 ໃນຈຳນວນ 157 ປະເທດ ແລະ ເຂດແຄວ້ນຢູ່ແຄມທະເລໃນໂລກ. ດັດ​ສະ​ນີຄວາມຍາວຂອງຝ່ັງທະເລທຽບ​ກັບເນື້ອທີ່ດິນຕໍ່ແຜ່ນຂອງຫວຽດ ນາມເກືອບ 0,01 (ໝາຍຄວາມວ່າ 100 ກິໂລຕາລາງແມັດດິນຕໍ່ແຜ່ນຈະມີ 1 ກິໂລແມັດຊາຍຝັ່ງທະເລ), ຢືນ​ຢູ່​ໃນອັນດັບຕົ້ນໃນບັນດາປະເທດ ອິນດູຈີນ, ສູງກວ່າໄທ ແລະເກືອບ ເທົ່າມາເລເຊຍ.
ທົ່ວປະເທດມີ 28​ ແຂວງ, ນະຄອນ​ ໃນ​ຈໍານວນ 63 ແຂວງ, ນະຄອນຢູ່ແຄມທະເລ, ພົນລະເມືອງກວມ ½  ພົນລະເມືອງໃນທົ່ວປະເທດ.
ເພື່ອເສີມຂະຫຍາຍກາລະໂອກາດ,​ເງື່ອນ​ໄຂສະດວກ​ໃຫ້​ໄດ້​ດີ​ທີ່​ສຸດແລະ ​ເພື່ອຜ່ານຜ່າຄວາມຫຍຸ້ງຍາກ, ສິ່ງທະທາຍຕ່າງໆ ທ່ານນາຍົກລັດຖະມົນຕີໄດ້ສະ​ເໜີ​ໃຫ້ບັນດາກະຊວງ, ຂະແໜງການ ແລະ ທ້ອງຖິ່ນຕ່າງໆ ຈົ່ງ​ໄດ້ມີຄວາມສາມັກຄີ,​ ເດັດດ່ຽວ, ຕັ້ງໝັ້ນຕໍ່ສູ້ປົກປັກຮັກສາອໍານາດ​ອະທິປະໄຕ​ເໜືອທະເລ ​ແລະໝູ່ເກາະ. ປົກ​ປັກ​ຮັກສາຜົນປະໂຫຍດຂອງປະເທດຊາດຢູ່ທະເລ ດ້ວຍສັນຕິວິທີຕາມກົດໝາຍສາກົນ.ຄຽງຄູ່ກັນນັ້ນກໍ່ເສີມຂະຫຍາຍຢ່າງມີປະສິດທິຜົນແຫຼ່ງຊັບພະຍາກອນທະເລ ເພື່ອການພັດທະນາເສດຖະກິດ-ສັງຄົມ. ເປົ້ນໝາຍເຖິງປີ 2020, ເສດຖະກິດທະເລ ແລະຊາຍ​ຝັ່ງທະເລຈະປະກອບສ່ວນເຂົ້າ ລາຍ​ຮັບ​ແຫ່ງ​ຊາດ (GDP)ປະມານ 53-55% ແລະ 60% ມູນຄ່າສົ່ງອອກຂອງທົ່ວປະເທດ.

ທ່ານນາຍົກລັດຖະມົນຕີ ກໍ່ຍັງ​ໄດ້ຮຽກຮ້ອງ​ໄປ​ຍັງບັນດາກະຊວງ, ຂະແໜງການທີ່ກ່ຽວຂ້ອງ ຕ້ອງຍູ້ແຮງວຽກງານສໍາ​ຫລວດ​ພື້ນຖານ, ຄົ້ນຄວ້າວິທະຍາສາດກ່ຽວ​ກັບທະເລ ແລະ ໝູ່ເກາະ ເພື່ອ​ເປັນ​ບ່ອນ​ອີງ​ດ້ານ​ວິທະຍາສາດ​ຮັບ​ໃຊ້​ໃຫ້​ແກ່​ການວາງ ຍຸດທະສາດ, ແຜນການພັດທະນາເສດຖະກິດທະເລ ​ແລະໝູ່ເກາະ ແລະ​ ປົກປັກ​ຮັກສາ​ອໍານາດ​ອະທິປະໄຕ, ຄວາມປອດໄພແຫ່ງຊາດ ​ແລະ ​ອື່ນໆ; ປຸກລະດົມ ຂົນຂວາຍ, ດຶງດູດທຸກແຫຼ່ງກໍາລັງ​ແຮງເພື່ອພັດທະນາເສດຖະກິດທາງທະເລ.
 

ລັດຖະບານກໍ່ສົ່ງເສີມບັນດາການຈັດ​ຕັ້ງ, ເອກະຊົນ ເພີ່ມທະວີການລົງທຶນ ແລະ ນຳໃຊ້ເຕັກນິກ, ເຕັກໂນໂລຊີທັນສະໄໝເຂົ້າໃນການຂຸດຄົ້ນ, ນຳໃຊ້ຊັບພະຍາກອນສິ່ງແວດລ້ອມທາງທະເລ ແລະ ໝູ່ເກາະຢ່າງມີປະສິດທິຜົນ. ປະຕິບັດບັນດານະໂຍບາຍ, ວິທີແກ້ໄຂທີ່​ລະອຽດ ​ແລະ ເໝາະສົມເພື່ອຮັບປະກັນການລ້ຽງຊີບ, ຍົກສູງລະດັບຊີວິດການເປັນຢູ່ໃຫ້ແກ່ປະຊາຊົນເຂດທະເລ ​ແລະ ໝູ່ເກາະ. ສ້າງ​ເງື່ອນ​ໄຂສະດວກໃຫ້ປະຊາຊົນຕິດ​ພັນ​ຢູ່​ນໍາທະເລ, ພັດທະນາເສດຖະກິດທາງທະເລ ແລະ ສ້າງ​ຄວາມຮັ່ງມີຈາກທະເລ.
 
ຢືນຢັນການປົກປັກຮັກສາສິ່ງແວດລ້ອມທາງທະເລແມ່ນໜ້າທີ່ ສໍາ ຄັນພິເສດ, ຕ້ອງ​ເຮັດ​ເປັນ​ປະ​ຈໍາ ແລະ ຍາວນານ, ທ່ານນາຍົກລັດຖະມົນຕີ ຮຽກຮ້ອງມາ​ຍັງກະຊວງຊັບພະຍາກອນທໍາ​ມະ​ຊາດ ແລະ ສິ່ງແວດລ້ອມຕ້ອງ​ເປັນ​ເຈົ້າ​ການສົມທົບກັບບັນດາກະຊວງ, ຂະແໜງການທີ່ກ່ຽວຂ້ອງ ແລະ ບັນດາທ້ອງຖິ່ນ ກວດຄືນທັງໝົດບັນດາໂຄງການໃນທົ່ວປະເທດ ທີ່ມີການປ່ອຍ ສິ່ງເສດເຫຼືອອອກສູ້ທ້ອງທະເລ, ຕ້ອງຮັບປະກັນປະຕິບັດຢ່າງຄົບຖ້ວນ, ມີປະສິດທິຜົນ, ​ເຂັ້ມ​ງວດບັນດາຂໍ້​ກໍານົດ​ຂອງກົດໝາຍກ່ຽວກັບການປົກປັກຮັກສາສິ່ງແວດລ້ອມ. ​ເດັດ ດ່ຽວ​ແກ້​ໄຂ​ຢ່າງ​ເຂັ້ມ​ງວດ​ທຸກ​ການຈັດ​ຕັ້ງ ຫລື​ບຸກຄົນ​ໃດ​ມີການກະທຳ​ທີ່​ລະ​ເມີດ​ກົດໝາຍ.
 
ທ່ານນາຍົກລັດຖະມົນຕີຢືນຢັນວ່າ ຫວຽດນາມ ສະໜັບສະໜູນ ບັນດາປະເທດທີ່ມີຜົນປະໂຫຍດຢູ່ທະເລຕາເວັນອອກ ມີການເຄື່ອນ ໄຫວຕົວຈິງ ປະກອບສ່ວນເຂົ້າໃນການຮັບປະກັນສັນຕິພາບ, ສະຖຽນລະພາບ, ຄວາມສະຫງົບ, ປອດໄພ, ສິ​ດເສລີພາບຂອງການເດີນທະເລ, ເດີນອາກາດ ແລະ ປົກປັກຮັກສາ ສິ່ງແວດລ້ອມທະ​ເລ. 
 

ຫວຽດນາມລົງທຶນກໍ່ສ້າງທ່າ​ເຮືອຫາ​ປາ ແລະ ເຂດພະລາ​ທິການ​ສໍາລັບອາຊີບຫາປາຂະໜາດ​ໃຫຍ່ຫຼາຍແຫ່ງ
ເພື່ອຊຸກຍູ້ການພັດທະນາອາຊີບການ​ປະມົງ. ພາບ: ຮຸຍຮຸ່ງ/VNA



ກອງເຮືອຫາປາຂອງເມືອງກຸຍເຍີນ, ບິ່ງດິ້ງ. ພາບ: ວຽດອີ/VNA


ຂະຫຍາຍເຂດພະລາ​ທິການ​ສໍາລັບອາຊີບຫາປາ. ພາບ: ເຈີ່ນຮຸ່ງ/VNA


ຫັນເປັນທັນສະໄໝກຳລັງກອງທັບເຮືອເພື່ອປົກປັກຮັກສາອໍານາດ​ອະທິປະໄຕ​ເໜືອທະເລ,
ໝູ່ເກາະຂອງຫວຽດນາມ. ພາບ: ຫງວຽນຄາງ/VNA

ຫວຽດນາມ ຕັ້ງໝັ້ນ, ເດັດດ່ຽວຮຽກຮ້ອງໃຫ້ບັນດາຝ່າຍທີ່ກ່ຽວຂ້ອງຕ້ອງແກ້ໄຂຂໍ້ຂັດແຍ້ງດ້ວຍສັນຕິວິທີ, ເຄົາລົບກົດໝາຍສາກົນ, ເປັນຕົ້ນແມ່ນສົນທິສັນຍາຂອງສະຫະປະຊາຊາດວ່າດ້ວຍກົດໝາຍທະເລປີ 1982; ປະຕິບັດຖະແຫຼງການວ່າດ້ວຍການປະພຶດຕໍ່ຂອງຝ່າຍຕ່າງໆຢູ່ທະເລຕາເວັນອອກ (DOC) ຢ່າງຄົບຖ້ວນ ແລະ ມີປະສິດທິຜົນ; ເຄົາລົບວິວັດທະນາການການຕ່າງປະເທດ ແລະ ນິຕິກຳ; ເພີ່ມທະວີຄວາມເຊື່ອຖືເຊິ່ງກັນ ແລະ ກັນ. ບໍ່ນຳໃຊ້ກຳລັງອາວຸດຫລື​ຂົ່ມຂູ່​ນໍາ​ໃຊ້​ກໍາລັງ​ອາວຸດດໍາ​ເນີນ​ການເຈລະຈາຢ່າງມີເນື້ອແທ້ ເພື່ອກ້າງໄປເຖິງການລົງ​ນາມປະມວນກົດລະບຽບການປະພຶດຕໍ່ຂອງຝ່າຍຕ່າງໆຢູ່ທະເລຕາເວັນອອກ (COC) ໂດຍໄວ.
 
ທ່ານນາຍົກລັດຖະມົນຕີໄດ້ເນັ້ນໜັກຢ່າງຈະແຈ້ງວ່າ “ພວກເຮົາຕ້ອງພ້ອມກັນປົກປັກຮັກສາສັນຕິພາບ​ເທິງ​ທຸກ​ກະ​ແສ​ຟອງທະເລຕາເວັນອອກ,​ເປັນພື້ນຖານເພື່ອສ້າງສາ​ປະ​ເທດ​ເຮົາໃຫ້ກາຍເປັນປະເທດໜຶ່ງທີ່ເຂັ້ມແຂງໃນດ້ານການທະເລ, ສ້າງຄວາມຮັ່ງມີຈາກທະເລ. ນັ້ນແມ່ນຄວາມມຸ່ງມາດປາດຖະໜາຂອງຊາດເຮົາໃນຫຼາຍພັນປີຜ່ານ​ມາ ແລະກໍ່ເປັນຄວາມຮັບຜິດຊອບ, ​ເປັນ​ພັນທະອັນຍິ່ງໃຫຍ່ທີ່ບັນພະບຸລຸດ ​ແລະທະຫານກ້າຮ່ວາງຊາ​ໄດ້​ມອບ​ໝາຍ​ໃຫ້​ລຸ້ນລູກຫຼານຂອງພວກເຮົາໃນປະຈຸບັນ ແລະ ອະນາຄົດ”.


ຕາມສົນທິສັນຍາຂອງສະຫະປະຊາຊາດວ່າດ້ວຍກົດໝາຍທະເລປີ 1982, ຫວຽດນາມມີເນື້ອທີ່ທະເລກວ້າງກວ່າ 1 ລ້ານກິໂລຕາລາງແມັດ, ຫຼາຍທົບ 3 ເທື່ອເນື້ອທີ່ຂອງດິນຕໍ່ແຜ່ນ, ກວມເກືອບ 30% ເນື້ອທີ່ທະເລຕາເວັນອອກ (ເນື້ອທີ່ຂອງທະເລຕາເວັນອອກແມ່ນເກືອບ 3,5 ລ້ານກິໂລຕາລາງແມັດ). ໃນເຂດທະເລຂອງຫວຽດນາມມີເກາະໃຫຍ່, ນ້ອຍປະມານ 3.000 ໜ່ວຍ ແລະ ໝູ່ເກາະ 2 ໜ່ວຍ​ໃຫຍ່​ກວ່າ​ໝູ່ ແລະ ໄກຈາກດິນຕໍ່ແຜ່ນແມ່ນຮວ່າງຊາ ແລະເຈື່ອງຊາ.
(ຄັດຈາກ: biengioilanhtho.gov.vnແລະdanang.gov.vn)

ປະຕິບັດໂດຍ: VNA/VNP
ບັນດາບົດທີ່ຖືກນຳສະເໜີ