29/10/2017 12:46 GMT+7 Email Print Like 0

ກົມການເມືອງຄະນະບໍລິຫານງານສູນກາງພັກກອມມູນິດຈີນ ຊຸດທີ 19 ຊຸກຍູ້ຮັບປະກັນການນຳພາຂອງພັກກອມມູນິດ

      ບັນດາກຳມະການກົມການເມືອງ ໄດ້ເປັນເອກະພາບສຳລັບການດັດປັບກ່ຽວກັບການຮັບປະກັນ ແລະ ເພີ່ມທະວີການນຳພາລວມສູນ ແລະ ເປັນເອກະພາບຂອງຄະນະບໍລິຫານງານສູນກາງພັກກອມມູນິດຈີນ

ກອງປະຊຸມໃຫຍ່ຂອງພັກກອມມູນິດຈີນຈັດຕັ້ງໃນວັນທີ 24 ຕຸລາ
(ພາບ: ສຳນັກຂ່າວສານຊີນຮວາ/ສຳນັກຂ່າວສານ ຫວຽດນາມ)
      ວັນທີ 27 ຕຸລາ, ທີ່ກອງປະຊຸມໂດຍທ່ານ ສືຈີ້ນຜິງ, ເລຂາທິການໃຫຍ່, ປະທານປະເທດ ຈີນ ເປັນປະທານ, ກົມການເມືອງຄະນະບໍລິຫານງານສູນກາງພັກກອມມູນິດຈີນ ຊຸດທີ 19 ໄດ້ພິຈາລະນາຄືນບັນດາເອກະສານເພື່ອແນໃສ່ຮັບປະກັນການນຳພາລວມສູນ, ເປັນເອກະພາບຂອງຄະນະບໍລິຫານງານສູນກາງພັກກອມມູນິດ ຈີນ, ແລະ ປະຕິບັດບັນດາຂໍ້ກຳນົດກ່ຽວກັບການປະຢັດມັດທະຢັດຢ່າງ ຄົບຖ້ວນ. ບັນດາກຳມະການກົມການເມືອງ ໄດ້ເປັນເອກະພາບສຳລັບການດັດປັບກ່ຽວກັບການຮັບປະກັນ ແລະ ເພີ່ມທະວີການນຳພາລວມສູນ ແລະ ເປັນເອກະພາບຂອງຄະນະບໍລິຫານງານສູນກາງພັກກອມມູນິດຈີນ. ບັນດາສິ່ງດັ່ງກ່າວຈະຮັບປະກັນຢ່າງໜັກແໜ້ນບົດບາດແກ່ນສານຂອງທ່ານເລຂາທິການໃຫຍ່ ສືຈີ້ນຜິງ ໃນຄະນະບໍລິຫານງານສູນກາງພັກກອມມູນິດ ຈີນ, ກໍ່ຄືຂອງທົ່ວພັກ. ຖະແຫຼງການກໍ່ເນັ້ນໜັກວ່າ, ບັນດາກຳມະການກົມການເມືອງ ຈະມີສິດປະຕິບັດວິໄນບັນດາສະມາຊິກພັກຂຶ້ນກັບສິດຄຸ້ມຄອງຂອງເຂົາເຈົ້າ, ແຕ່ລະປີ, ແມ່ນຍື່ນສະເໜີບົດລາຍງານວຽກງານຂອງບັນດາສະມາຊິກພັກ ຕໍ່ຄະນະບໍລິຫານງານສູນກາງພັກກອມມູນິດ ຈີນ ແລະ ທ່ານເລຂາທິການໃຫຍ່ ສືຈີ້ນຜິງ, ກໍ່ຄືການປະຕິບັດບັນດາຂໍ້ກຳນົດຢ່າງເປີດເຜີຍຂອງພັກກອມມູນິດຈີນ.
 (ແຫຼ່ງຄັດຈາກ VOV)