11/01/2015 10:37 GMT+7 Email Print Like 0

ກຳລັງປ້ອງກັນຄວາມສະຫງົບ ຝລັ່ງ ລ້ອມຈັບຕົວ ຜູ້ຖືກສົງໄສບຸກໂຈມຕີ ສຳນັກ ວາລະສານ Charlie Hebdo 2 ຄົນ


ກຳລັງ​ປ້ອງ​ກັນ​ຄວາມ​ສະຫງົ​ບຝລັ່ງ ລ້ອມຈັບຕົວຜູ້ຖືກ​ສົງ​ໄສ​
ບຸກ​ໂຈມ​ຕີ​ສຳນັກ​ວາລະສານ Charlie Hebdo 2 ຄົນ
(ພາບ: Reuters)

ວັນ​ທີ 08/01, ຝລັ່ງ ໄດ້ຜັນ​ຂະຫຍາຍ​ບັນດາ​ກຳລັງ​ປ້ອງ​ກັນ​ຄວາມ​ສະຫງົບ​ຢູ່​ເທດສະບານ​ເມືອງ Aisne ຢູ່​ທາງ​ທິດ​ເໜືອ​ຝລັ່ງ, ເຂດ​​ທີ່ພົບ​ເຫັນຕົວ​ການ 2 ຄົນ​ຖືກ​ສົງ​ໄສວ່າ​ໄດ້​ບຸກ​ໂຈມ​ຕີ​ສຳນັກ​ວາລະສານ Charlie Hebdo ເຮັດ​ໃຫ້ 12 ຄົນ​ເສຍ​ຊີວິດ. ສຳນັກ​ຂ່າວສານ​ຝລັ່ງ AFP ໃຫ້​ຮູ້​ວ່າ, ຫົວໜ່ວຍ​ຕ້ານ​ກໍ່​ການ​ຮ້າຍ​ຂອງ​ຕຳຫຼວດ​ຝລ່ັງ ພ້ອມ​ກັບ​ກຳລັງ​ພິ​ເສດ​ເຄິ່ງປະກອບ​ອາວຸດ ໄດ້​ຜັນ​ຂະຫຍາຍ​ຢູ່​ທຸກ​ແຫ່ງ​ໃນ​ເທດສະບານ​ເມືອງ, ເມື່ອ​ພົບ​ເຫັນ​ລົດ​ໂອ​ໂຕ​ຂອງ​ຜູ້​ຖືກ​ສົງ​ໄສ 2 ຄົນ​ປະ​ໄວ້​ຢູ່​ແຄມທາງ.

        ແລະ​ກໍ່​ໃນ​ວັນ​ດຽວ​ກັນ, ຢູ່​ບາງ​ວິຫານ​ຂອງ​ຊາວ ມຸດ​ສລິ​ມ ໃນ​ເທດສະບານ​ເມືອງ Le Mans, ທິດຕາ​ເວັນ​ຕົກນະຄອນຫຼວງ​ປາຣີ ແລະ ເມືອງ Port la Nouvelle ໃກ້​ກັບ Narbonne, ຕັ້ງ​ຢູ່ທິດ​ຕາ​ເວັນ​ຕົກ​ນະຄອນຫຼວງ​ປາຣີ ຖືກ​​ເຜົາ​ໃນ​ຄໍ່າ​ຄືນ​ວັນ​ທີ 07/01. ແຕ່​​ໂຊກ​ດີບໍ່​​ມີ​ຜູ້​​ໃດ​ຮັບບາດ​​ເຈັບ ແລະ ເສຍ​ຊີວິດ.

        ໂດຍ​ໄດ້​ຮັບ​ຂ່າວ​ກ່ຽວ​ກັບ​ເຫດ​ບຸກ​ໂຈມ​ຕີສຳນັກ​ວາລະສານ Charlie Hebdo, ຢູ່​ປາຣີ, ໃນວັນ​ທີ 07/01 ເຮັດ​​ໃຫ້ 12 ຄົນ​ເສຍ​ຊີວິດ. ວັນ​ທີ 08/01, ທ່ານ​ປະທານ​ປະ​ເທດ​ຫວຽດນາມ ເຈືອງ​ເຕີນ​ຊາງ ໄດ້​ສົ່ງໂທລະ​ເລກ​ແບ່ງປັນ​ຄວາມ​ເສົ້າ​ສະຫຼົດ​ໃຈ​ເຖິງ​ທ່ານ​ປະທານາທບໍດີ​ສ.ຝັລ່ງ Framcois Hollande. ທ່ານ​ນາຍົກລັດຖະມົນຕີ ຫງວຽນ​ເຕີນ​ຢຸງ ໄດ້ສົ່ງ​ໂທລະ​ເລກ​ແບ່ງປັນ​ຄວາມ​ເສົ້າ​ສະຫຼົດ​ໃຈ ແລະ ຝາກ​ຄຳຢື້​ຢາມ​ຖາມ​ຂ່າວ​ເຖິງ​ທ່ານ​ນາຍົກລັດຖະມົນຕີ Manuel Valls. ແລະ ກໍ່​ໃນ​ວັນ​ດຽວ​ກັນທ່ານ​ຮອງ​ນາຍົກລັດຖະມົນຕີ, ລັດຖະມົນຕີ​ວ່າການ​ກະຊວງ​ການ​ຕ່າງປະ​ເທດ ຟ້າ​ມບິງ​ມິ​ງ ກໍ່​ໄດ້ໄດ້ສົ່ງ​ໂທລະ​ເລກ​ແບ່ງປັນ​ຄວາມ​ເສົ້າ​ສະຫຼົດ​ໃຈ​ເຖິງ​ທ່ານ​ລັດຖະມົນຕີວ່າການ​ກະຊວງ​ການ​ຕ່າງປະ​ເທດ​ຝລັ່ງ Laurent Fabius ເຊັ່ນ​ດຽວ​ກັນ.

 (ແຫຼ່ງຄັດຈາກ VOV)