07/03/2018 09:22 GMT+7 Email Print Like 0

ກຳປູເຈຍສືບຕໍ່ຕໍ່ກຳນົດເວລາກັກຂັງຊົ່ວຄາວສຳລັບອະດີດຫົວໜ້າຝ່າຍຄ້ານ

      ວັນທີ 05 ມີນາ, ສານພິພາກສາຂັ້ນຕົ້ນພະນົມເປັນ ຕັດສິນຕໍ່ກຳນົດເວລາກັກຂັງຊົ່ວຄາວຕື່ມອີກ 6 ເດືອນສຳລັບ Kem Sokha, ອະດີດປະທານພັກກູ້ຊາດ (CNRP) ຝ່າຍຄ້ານ ປະຈຸບັນຖືກຍົກເລີກ, ເພື່ອດຳເນີນບັນດາມາດຕະການດຳເນີນຄະດີຕໍ່ໄປ.

ກຳປູເຈຍສືບຕໍ່ຕໍ່ກຳນົດເວລາກັກຂັງຊົ່ວຄາວສຳລັບອະດີດຫົວໜ້າຝ່າຍຄ້ານ
(ພາບປະກອບ: AFP/TTXVN)
      ສານພິພາກສາຂັ້ນຕົ້ນ ພະນົມເປັນ ໄດ້ຍົກອອກຄຳຕັດສິນດັ່ງກ່າວພາຍຫຼັງການສອບສວນທ່ານຜູ້ນີ້ຢູ່ຄ້າຍຄຸມຂັງ Trapeng Phlong ຢູ່ແຂວງ Tbong Khmum ໃນວັນດຽວກັນ.
        ໃນຂະນະນັ້ນ, ກ່າວປາໄສທີ່ພິທີເປີດສະຫຼອງກິດຈະກຳຢູ່ວັດແຫ່ງໜຶ່ງຢູ່ຊານນະຄອນຫຼວງ ພະນົມເປັນ ໃນຕອນເຊົ້າວັນດຽວກັນ, ທ່ານນາຍົກລັດຖະມົນຕີກຳປູເຈຍ Samdech Techo Hun Sen ຖະແຫຼງວ່າ, ທ່ານຈະບໍ່ສະເໜີຕໍ່ພະບາດສົມເດັດພະບໍລົມມະນຽດອະໄພຍະໂທດໃຫ້ Kem Sokha ແລະ ບໍ່ເຈລະຈາກັບບັນດາຫົວໜ້າຂອງພັກຝ່າຍຄ້ານທີ່ຖືກຕັດສິນລົງໂທດທາງອາຍາ.
 (ແຫຼ່ງຄັດຈາກ VOV)