09/08/2017 08:34 GMT+7 Email Print Like 0

ການເຄື່ອນໄຫວຫຼາຍຢ່າງເນື່ອງໃນໂອກາດສະເຫຼີມສະຫຼອງວັນສ້າງຕັ້ງອາຊຽນຄົບຮອບ 50 ປີ

      ວັນທີ 8 ສິງຫາ, ກ່າວຄຳເຫັນທີ່ພິທີສະເຫຼີມສະຫຼອງວັນສ້າງຕັ້ງອາຊຽນຄົບຮອບ 50 ປີ, ທ່ານລັດຖະມົນຕີການຕ່າງປະເທດ ຟີລິບປິ່ນ Alan Peter Cayetano ເນັ້ນໜັກວ່າ

(ຄະນະກຳມະການອາຊຽນ ປະຈຳ ປັກກິ່ງ ຈັດຕັ້ງພິທີຊັກທຸງ)
      ປະຊາຊົນອາຊຽນແຕ່ລະຄົນ ອາດຈະມີຄວາມເອກອ້າງທະນົງໃຈ ກ່ຽວກັບອາຊຽນມີອາຍຸ 50 ປີ ແຫ່ງສະຖຽນລະພາບ, ວັດທະນາຖາວອນ, ສັນຕິພາບ, ອາຊຽນທີ່ມີຄວາມເປັນເອກະພາບ ແລະ ມີຄວາມເອກອ້າງທະນົງໃຈ ກ່ຽວກັບບັນດາຜົນງານທີ່ບັນລຸໄດ້. ທ່ານລັດຖະມົນຕີການຕ່າງປະເທດ Alan Peter Cayetano ກໍ່ຢັ້ງຢືນວ່າ ໃນໂລກມີການຜັນແປຫຼາຍຢ່າງຄືໃນປະຈຸບັນ, ອາຊຽນ ພວມສືບຕໍ່ ຖືເອົາຫຼັກການທາບທາມຄຳເຫັນ ແລະ ເຫັນດີເຫັນພ້ອມ ເພື່ອສືບຕໍ່ເສັ້ນທາງແຫ່ງຄວາມສຳເລັດຂອງຕົນ. ພາຍຫຼັງທ່ານລັດຖະມົນຕີການຕ່າງປະເທດ ຟີລິບປິ່ນ ກ່າວຄຳປາໄສ ແມ່ນບັນດາສານອວຍພອນຂອງບັນດາການນຳສົ່ງເຖິງ ອາຊຽນ ເນື່ອງໃນໂອກາດວັນສ້າງຕັ້ງ ຄົບຮອບ 50 ປີ ດ້ວຍບັນດາຄຳໝັ້ນສັນຍາ ຈະສືບຕໍ່ຊຸກຍູ້ອົງການນີ້ໃຫ້ເຕີບໃຫຍ່ເຂັ້ມແຂງຢ່າງບໍ່ຢຸດຢັ້ງ.
       ພ້ອມກັບບັນດາປະເທດອາຊຽນ, ໃນຕອນເຊົ້າວັນທີ 8 ສິງຫາ ຄະນະກຳມະການອາຊຽນ ປະຈຳ ປັກກິ່ງ ໄດ້ຈັດຕັ້ງພິທີຊັກທຸງ ເນື່ອງໃນໂອກາດສະເຫຼີມສະຫຼອງວັນສ້າງຕັ້ງອາຊຽນ ຄົບຮອບ 50 ປີ. ທ່ານເອກອັກຄະລັດຖະທູດຫວຽດນາມ ປະຈຳ ສາທາລະນະລັດ ປະຊາຊົນ ຈີນ ດັ້ງມິງໂຄ່ຍ ພ້ອມກັບເອກອັກຄະລັດຖະທູດບັນດາປະເທດອາ
ຊຽນ ປະຈຳ ຈີນ ເຂົ້າຮ່ວມພິທີ. ກ່າວຄຳເຫັນທີ່ພິທີ, ທ່ານ ເອກອັກຄະລັດຖະທູດ ອິນໂດເນເຊຍ ປະຈຳ ຈີນ Soegeng Rahardjo ໃນຖານະເປັນປະທານຄະນະກຳມະການອາຊຽນ ປະຈຳ ປັກກິ່ງ ປີ 2017 ເນັ້ນໜັກວ່າ: ຜ່ານໄລຍະ 50 ປີແຫ່ງການພັດທະນາ, ອາຊຽນ ຈາກພາກພື້ນທີ່ມີການສູ້ຢັນກັນ ໄດ້ພັດທະນາກາຍເປັນອົງການແຫ່ງຄວາມເປັນເອກະພາບ, ເສດຖະກິດມີລະດັບການເຕີບໂຕໄວທີ່ສຸດໃນໂລກ. ເພື່ອມຸ່ງໄປເຖິງປະຊາຄົມຢ່າງແທດຈິງ, ອາຊຽນ ຄວນເພີ່ມທະວີຄວາມເຂົ້າອົກເຂົ້າໃຈເຊິ່ງກັນ ແລະ ກັນ, ເພີ່ມທະວີຄວາມໄວ້ເນື້ອເຊື່ອໃຈ, ເພີ່ມທະວີການເຈລະຈາ. ທີ່ພິທີ,  ຜູ້ຊ່ວຍລັດຖະມົນຕີການຕ່າງປະເທດຈີນ ໂຄງຊວຽນເຢົາ ໄດ້ອ່ານສານອວຍພອນ ຂອງປະທານປະເທດ ຈີນ ສີຈິ້ນຜິງ ເນື່ອງໃນໂອກາດສະເຫຼີມສະຫຼອງວັນສ້າງຕັ້ງອາຊຽນ ຄົບຮອບ 50 ປີ, ສະແດງຄວາມຫວັງວ່າ ການພົວພັນ ອາຊຽນ-ຈີນ ຈະກາຍເປັນການພົວພັນທີ່ເປັນແບບຢ່າງໃນການພົວພັນສາກົນ.
 (ແຫຼ່ງຄັດຈາກ VOV)