01/12/2018 09:51 GMT+7 Email Print Like 0

ການຮ່ວມມື APEC ສືບຕໍ່ແມ່ນບັນດາຈຸດສຸມໃນນະໂຍບາຍການຕ່າງປະເທດຂອງຫວຽດນາມ

      ຕອນເຊົ້າວັນທີ 30 ພະຈິກ, ກະຊວງການຕ່າງປະເທດຫວຽດນາມ ໄດ້ຈັດກອງປະຊຸມຫວຽດນາມ ແລະ  APEC: 20 ປີທີ່ຜ່ານມາ ແລະ ໄລຍະທາງຈະມາເຖິງ”.

(ຜູ້ແທນເຂົ້າຮ່ວມກອງປະຊຸມ “ຫວຽດນາມ ແລະ  APEC: 20 ປີທີ່ຜ່ານມາ ແລະ ໄລຍະທາງຈະມາເຖິງ”)
      ກອງປະຊຸມແມ່ນເພື່ອແນໃສ່ສະຫຼຸບ ແລະ ຖອດຖອນຄືນບັນດາຜົນງານເຊິ່ງ APEC ບັນລຸໄດ້, ຕີລາຄາບັນດາກາລະໂອກາດ ແລະ ສິ່ງທ້າທາຍສຳລັບເວທີປາໄສໃນສະພາບການໃໝ່, ຈາກນັ້ນສະເໜີບັນດາການກຳນົດທິດໃນການຮ່ວມມື ແລະ ບັນດາເນື້ອໃນຂອງວິໄສທັດ APEC ພາຍຫຼັງປີ 2020. ໝາກຜົນການປຶກສາຫາລືທີ່ກອງປະຊຸມ ຈະປະກອບສ່ວນຢ່າງແທດຈິງໃຫ້ແກ່ວິວັດທະນາການສ້າງວິໄສທັດ APEC ຫຼັງປີ 2020 ເຊິ່ງບັນດາປະເທດສະມາຊິກ ແລະ ກຸ່ມວິໄສທັດ APEC ຕັ້ງໜ້າຜັນຂະຫຍາຍ, ຕາມຄຳຊີ້ນຳຂອງການນຳທີ່ກອງປະຊຸມຂັ້ນສູງດ່ານັ້ງ ເມື່ອເດືອນ ພະຈິກ 2017. ສຳລັບຫວຽດນາມ, ກອງປະຊຸມແມ່ນໂອກາດເພື່ອໃຫ້ຫວຽດນາມ ພ້ອມກັບເພື່ອນມິດສາກົນຕີລາຄາຄືນໝາກຜົນການເຂົ້າຮ່ວມ, ການປະກອບສ່ວນຂອງຫວຽດນາມ ໃນ APEC… ນອກນັ້ນ, ຈາກກອງປະຊຸມ, ຫວຽດນາມ ກໍ່ຖອດຖອນບັນດາບົດຮຽນ, ສະເໜີບັນດານະໂຍບາຍ ແລະ ມາດຕະການເພື່ອໃຫ້ຫວຽດນາມ ແລະ ອາຊຽນ ປະກອບສ່ວນຢ່າງມີປະສິດທິຜົນ, ແທດຈິງກວ່າໃນ APEC ແລະ ໃນການສ້າງໂຄງປະກອບຮ່ວມສຳພັນເສດຖະກິດພາກພື້ນໃນສະພາບການໃໝ່ໃຫ້ເປັນຮູບປະທຳ.
        ກ່າວຄຳເຫັນທີ່ກອງປະຊຸມ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບິ່ງມິງ ໄດ້ທົບທວນຄືນບັນດາຜົນງານພົ້ນເດັ່ນຂອງຫວຽດນາມ ນັບແຕ່ເມື່ອເຂົ້າເປັນສະມາຊິກ APEC. ທ່ານຮອງນາຍົກລັດຖະມົນຕີ ຟ້າມບິ່ງມິງ, ຢືນຢັນວ່າ.
        “ເລື່ອງສະຫຼຸບ 20 ປີທີ່ເຂົ້າເປັນສະມາຊິກ APEC ໃນກອງປະຊຸມຄັ້ງນີ້ ແມ່ນພື້ນຖານສຳຄັນເພື່ອໃຫ້ຫວຽດນາມ ສ້າງກຳນົດທິດຍູ້ແຮງ ແລະ ຍົກລະດັບການພົວພັນຕ່າງປະເທດຫຼາຍຝ່າຍຂອງຫວຽດນາມ ໃນໄລຍະຈະມາເຖິງ. ໃນຍຸກສະໄໝທະສາດໃໝ່, ພາກພື້ນອາຊີ - ປາຊີຟິກ ແລະ APEC ສືບຕໍ່ແມ່ນໜຶ່ງໃນບັນດາຈຸດສຸມໃນນະໂຍບາຍການຕ່າງປະເທດຂອງຫວຽດນາມ. ຫວຽດນາມ ໃຫ້ຄຳໝັ້ນສັນຍາວ່າ ຈະສືບຕໍ່ຮ່ວມມືກັບບັນດາປະເທດສະມາຊິກຢ່າງແໜ້ນແຟ້ນ ເພື່ອເສີມຂະຫຍາຍບົດບາດຂອງ APEC, ມຸ່ງໄປເຖິງການປະຕິບັດເປົ້າໝາຍສ້າງປະຊາຄົມອາຊີ - ປາຊີຟິກ ແຫ່ງສັນຕິພາບ, ສະຖຽນລະພາບ, ຂະຫຍັນຂັນເຄື່ອນ, ມີຫົວຄິດປະດິດສ້າງ, ເຊື່ອມຕໍ່ ແລະ ມີຄວາມວັດທະນາຖາວອນ”.
 (ແຫຼ່ງຄັດຈາກ VOV)